想請教特殊學校的出路

bbqiu

想請教入左輕度特小，1.子女進步如何？學校支援足夠嗎？
2. 另父母最担心的出路問題，完成特殊中學課程，即幾多年後？他們的工種會是怎樣的？
兒子要面臨抉擇，煩惱中，多謝賜教，萬分感謝！

fongbau

一直可以讀到18歲。
中四左右學校會有職業訓練，例如餐飮及酒店等；畢業後學校可幫忙介紹工作及跟進。
亦可以畢業後申請入日間中心工作，會好似正常人咁自己返工放工，但日間中心工作會有職員照顧及工種會簡單一點。
亦有見過一兩間輕特會請返自己畢業生，做文員類工作。

mckm2007

特校的支援必比所謂融合學校多，揀邊種都要視乎孩子嘅需要。我之前都好擔心小朋友讀特校，出路唔好，但再諗諗預期在主流學校讀得唔開心，跟唔上的話，倒不如讀特校，冇謂嘥時間。就算能勉強讀到主流學校畢業，出路都唔一定好。

why-me

CAC做左評估, 加埋S位成績, 你個仔智能去到幾多歲你都心中有數, 普遍小一六歲智商唔少得, 上堂憑老師講書而學習, 並非S位的視覺教學, 佢言語理解唔可太差, 抄手冊呢D日常程序跟唔跟到?

bbqiu

謝各位回覆，這真是我們特殊父母的內心交戰與掙扎呢！我現在明白多了，多謝各位。