比小朋友學游水,但未上堂.咁學費應該第1堂1次過比晒定係點??tkx!!

mrs_lam523

個個教練收學費既方法都唔同...
要睇下妳同個教練點夾既...
我就會一次過比五堂錢個教練...


  

lcwm

班既話就應該唔可以一堂一堂咁俾
如果係私人教既話, 就要睇下你點同個教練傾喇

Yanamami

It depends on the coach.  My coach would ask to pay 10 lessons in a go.  But he is a good coach, so I don't mind that.

ngc

我就會一次過比10堂錢個教練...,你可以同教練傾吓

kayan_329

通常我就係比晒一個月o既 每月頭就比!!
不過你私人教o既就同佢傾o下 睇o下點先方便d lor!!
一係你係私人的話 你就第1,2堂都係上一次比一次
之後覺得教得ok o既咪一個月比lor!!

Misskwan

我私人教左4年,泳會3年....泳會就一定係一次過交一期可能一個月,亦可能成個暑假,基本上無補堂,除非天氣影響.但係私人就會彈性好多,可以變動.

我o既做法未必個個教練會咁做!我呢4年都會要求家長第二堂先交學費,8堂一個course,1星期大多數上2堂,一個月8堂. 其實我會俾家長第一堂去觀察我同小朋友o既溝通,如果佢認為我o既能力,經驗係值得呢個學費,經過觀察了解之後,如果我教得好,一定會令家長更加放心俾個小朋友我去教,所以咁咪第二堂俾錢囉..如果覺得我係教得唔好,無料,好簡單唔約第二堂o既時間,第一堂我Free俾佢試,白教都係一堂,檢討自己有乜不足令到人地唔學.始終一堂o既教學唔會學到好多,你係做得到家長實知,亦會繼續俾你教到個小朋友學識,BB亦有選擇o既空間,話俾媽咪知佢想唔想跟呢個姐姐學,或者鍾唔鍾意游水....at least,我四年未試過有學生無上第二堂,無彝免費教過....除此之外,第一堂亦可以同家長交代返小朋友o既學習能力,天資,估計要幾耐才學到那些東西,怎樣請假補堂等等...有expectation先去決定,對邊個都公平...唔洗好似未了解就俾一舊錢個BB參加成個暑假,明明覺得唔好都無得轉...最後...提醒各位.首位教練好重要,成個市場有好好o既,用心用力o既老師,亦有人當係一份工,有人工就算,目的根本唔係俾正確o既知識學生....

因為我有9成學生都係同一個屋苑度上堂,每日有成6,7個小時係同一個泳池,會見到好多..好得意o既情況...曾經有一位老師,由出面黎教一個係呢度住o既妹妹,大概4,5歲...除左第一堂佢有落水,之後就無見過佢濕身,可能之後要去第度教唔想換衫.但係...個妹咁細,雖然佢淨係叫佢係池邊學呼吸踢腳,有咩事都一定救到佢,但係無論個妹妹飲左水有好,俾其他小朋友推到都好,又或者有時落好完雨,我著住連身保暖衣都覺得凍,佢根本唔知有D弱D o既小朋友會頂唔順,只會繼續叫佢踢,好夠鐘就走人,唔會理隻腳游成點。過完暑假,妹妹都算叻

ksmami

我仔個教練自己話上完一個月先計數，因有時會請假。