風水佬預測，怎樣才能考好DSE (續)

judy

女拔萃今年成績出眾，有2名女考生考獲7科5**。聖保羅男女中學1名女考生考獲7科5**。
唯一男狀元黃灝森，來自皇仁書院 。


考獲6科5**的考生來自多間學校，包括北角庇理羅士、港大同學會、聖若瑟書院、基督教宣道會宣基中學、培正中學、聖言中學、大埔迦密柏雨中學、新界鄉議局元朗區中學等。


各位，睇到以上報道，有何感想呢？

judy

DSE开考時，很多人預測DSE對傳統名校不利。DGS有家長很擔憂地問校長：校長校長，出面都咁講，點算呀？搞到校長要急忙澄清：唔使擔心，我地都唔係傳統名校。

DSE中文試，學生再不能拿考試天書讀呀讀、背呀背；或昨天一位仁兄所說的做廿幾三十年past paper過骨，靠的是平時的閱讀，考的是語文基礎。

自小培養好閱讀習慣的，是那些學校的學生？語文基礎打好，自然能花在其他科多點時間。

風水佬繼續預測：怎樣才能考好DSE呢？請早點準備吧。早點準備不是叫你中二、中三就操卷，而是要在幼兒園起，開始培养閱讀習慣。

dativebond

語文科係好難操卷，你是對的。語文科係要好細個就開始打好根基。

dativebond

不過都唔關學校事。。。係關家長事。。。因果要睇得清。。。DGS又點？咪又係人一個。。。
學校是果，你個仔或囡勁先係因，家長諗得通都係因。。。
唔通中小學入唔到名校就玩完咩？永不放棄。

shadeslayer

原帖由 judy 於 16-07-13 發表
女拔萃今年成績出眾，有2名女考生考獲7科5**。聖保羅男女中學1名女考生考獲7科5**。
唯一男狀元黃灝森，來 ...

我從未担心過傳統名校成績。第一, 傳統名校成績好, 是經過一百幾十年而不倒的成果, 千槌百練的成果。第二, 成績好只是其一, 校格, 孩子自信, 做事的專注, 歸屬感, 也非常重要。

其他感想: 港同很好。

judy

其他感想: 港同很好。

是的，港同很好。

我認為DSE令學校差距遠咗，如果其他學校仍將學習方向放在操卷上，將被着重閱讀嘅學校越抛越遠。

dativebond

算啦，由你咁諗～可能你和傳統名校有淵源，好看重名校對小朋友教育的威力，我認為係有幫助，但重點係學術以外既野。

事實上，傳統名校考得好，主要原因係朋輩間好大競爭，小朋友一直係最頂尖既同學中學習，就算校內唔係頂尖係全港考試都會考得好好，呢個係事實。

不過，純講成績，其實平均黎講地區名校仲勁。例如，葵涌林護以前會考理科起碼有28分先穩入原校中六。

傳統名校既優勢唔係只講學術勁，太低層次。其實係優勢在學校係佢課外活動既視野，夠膽玩好大既比賽，aim high fly high。而且，同學的背景都唔太差，擴濶眼界。呢樣真係地區名校無得比。

judy

不過，純講成績，其實平均黎講地區名校仲勁。例如，葵涌林護以前會考理科起碼有28分先穩入原校中六。

你咪亂吹啦，笑死人啦！

dativebond

我亂吹？

你有僦經歷會考？

地區名校中六可能得一班理科，會考28分先入到原校中六係我親身經歷。

反而傳統名校中六可能有成3-4班理科，我個friend以前讀皇仁，20分就升原校中六啦。

judy

我唔係想話傳统點巴閉。

我重點係想話: 怎樣才能考好DSE呢？請早點準備吧。早點準備不是叫你中二、中三就操卷，而是要在幼兒園起，開始培养閱讀習慣。

其他是論據而己。

dativebond

你真係以為港大中大真係好多傳統名校生呀？

好多傳統名校生讀完中五都去外國讀啦，佢地本身屋企有錢有視野。以前我識個讀男拔，會考得20分，咪飛左去美國U of Penn，排名好高。

我讀港大時其實都見到好多地區名校生：例如張祝珊、林護、鄧顯。。。等等。咁的確傳統名校生係叻D，我指係自信眼界方面。成日講傳統名校助你考好成績太低層次。你看小傳統名校的價值。

dativebond

是的，語文科、閱讀習慣的確要籨小培養，呢樣好難大個先追。

shadeslayer

原帖由 dativebond 於 16-07-13 發表
不過都唔關學校事。。。係關家長事。。。因果要睇得清。。。DGS又點？咪又係人一個。。。
學校是果，你個仔 ...

你完全沒殺了學校和同學間的形響。學校老師無人需要評估改進咩?

dativebond

講真，人越大，學校既影響越細。學校是果，小朋友叻先係因。

你地讀開傳統名校可能唔明。去到會考高考，即係而家既DSE，靠既係小朋友本身叻唔叻，勤唔勤力。

如果你了解地區名校的玩法，好多時中六得一班文科一班理科，你就算會考有成廿五廿六分都好可能去同區band 3學校，但咪一樣高考考得好好，入港大中大。

所以我成日話學長從小培養先重要，由細幫佢語文打好根基，教好了解遊戲玩法，咁先可以節省時間係學業，因為學術其實太基本，其它野例如自信眼界性格態度。。。等等更加重要，咁先可係學術以外方面，拉近和傳統名校的距離。

dativebond

其實永遠知易行難，我未有教育小朋友經驗，個仔得15個月大。

不過，我認為參加多點團體活動，例如童軍、St Johns、紅十字會。。。等等果類好有幫助。

dativebond

除非你個仔係某方面做到頂尖，否則玩呢類活動好明顯比起非洲鼓學得更多。

dativebond

呢個係我暫時找的資料，數字係最低年齡。

16-7-13 17:51 上傳

下載附件 (86.58 KB)

dativebond

當然無可能樣樣玩，睇佢興趣，叫佢試下先，再係和佢傾談時了解佢鐘意乜，由多至精。

仲有其它，例如英語和普通話的聽和講，傳統學校係呢兩方面做得唔夠好，家長又未必native，要另外比錢外判。

仲有運動，一定最少有一樣運動係叻，可以終身玩。

其它做人價值觀就好難分享，靠家長自己係乜人，個仔就大概係點。

dativebond

仲有最後一樣最重要，亦係最難。就係愛和親子關係。家長係小朋友成長過程和日常工作生活好容易會失去耐性，忘記初心。初心係乜？個小朋友一出世時你一定會希望佢健康快樂成長就夠。記住！無任何野，包括DSE前程重要得過你小朋友既感受和親子關係。別忘了愛。