直資vs津校

honeybabypig

我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse, 請問直資有咩優勝？ 資源多 ？活動教學？但可唔可以具體啲講，唔該各位🙏

Mchacha

honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...

資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅大多都可以如願。

LeeCC

Mchacha 發表於 22-10-8 02:15
資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅 ...

高中選科是我覺得最重要的因素，因為無信心小朋友在同級津校會做到最top穩陣入到心儀科目

身邊聽不少官津例子，成績因為不是前列，畀學校塞左一至兩科非心儀的科目

LeeCC

Mchacha 發表於 22-10-8 02:15
資源多，好多都分set上堂，比較多校外嘅體驗，最重要係高中選修科比較多選擇同埋有彈性，基本上學生想揀嘅 ...

分科分set上課也是一個優點，比較返不同set的教學方法，睇到是因才施教

behappypapa

感覺上津校好多時靠自己，課外活動都係要好主動先得。比較起在直資的同學仔，直資真係會多活動，中四選科好flexible

Rpp

唔係所有直資學校分set上課，顏寶鈴係一班上課，想轉制讀IB都要級最前嘅D，協恩都係要好前成績先揀到最心儀理科競爭大。
官津同直資讀書都要靠自己。

DD仔

honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...

直資相對地多些資源，相對地易啲揀科。我自己覺得最大優勢係B2 or B3都可以有英中提供。官津的話基本上英中=B1

jesswu

DD仔 發表於 22-10-8 09:18
直資相對地多些資源，相對地易啲揀科。我自己覺得最大優勢係B2 or B3都可以有英中提供。官津的話基本上英 ...

冇錯。
有d英文強但中文差的小朋友。入B2/3津校全中文會越讀越差。直資便照顧到呢類小朋友

DD仔

jesswu 發表於 22-10-8 12:20
冇錯。
有d英文強但中文差的小朋友。入B2/3津校全中文會越讀越差。直資便照顧到呢類小朋友
...

的確係咁，有些學生根本就係叻仔叻女，只因屋企自細側重培養英文，結果小朋友對中文冇乜興趣，中文成績自然差，情況就好似DSE其他科攞5+但中文攞2咁，但其實佢哋絕對有能力入大學，甚至讀得好好㗎。
（利申：我好鍾意中文科，成績好好㗎）

lot888

假設樓主真心討論問題，非'打手'而引人盲選直資。如果係，先說對不起，可私信我刪除以下說話。

樓主請小心一些一開始就帶你去直資方向的留言。要清楚自己要乜，如果肯定考DSE，而一些核心科目如中英文又是必需，那重點是怎樣讀好，考好。如果津校因成績而篩選學生，從唔一個角度看，學生材能可能是吾一方面較出色。任你選科可能會讀得開心，但開心同成績好不一定有関係。直資可能是較多資源，但這些資源是你小朋友需要嗎？如直資提拱法文，西班牙文，你小朋會選嗎？如果唔選，這些資源對你未必有意思。時常看到一些直資跟資源的回覆，但非常空泛，未能提供那些實質資源，而那些資源怎樣幫助，及改变小朋友發展。選校還是多看學校網頁，多了解學校理念，對學生倍育。津校或直資可能是較後的考量。

WFH

lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。

樓主請小心 ...

除此之外，還有一個情況，直資比津校優勝，由其已專為直資既傳統名校又或新興直資都好，好多時有兩個學制可選，但要留意，可選的意思是[他選]還是[我選]，部分有IB ,alevel可選的直資傳統名校，是[他選]，即又是老土地說，成績不好，是不用選，到時，如果一心出國留學的，有機會兩頭唔到岸。

honeybabypig

lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。

樓主請小心 ...

令你誤會，唔好意思，我係真心問問題，所以一開始我已經提咗如果同樣都係英中，我就係想知如果我小朋友已經有能力入到band1英中，點解我仲要比錢去讀直資？(因為英小，多數都只會係直私)，成日聽人講資源多，我就係想知多喺啲乜地方度，係咪要去到神級，好似mcs咁，啲資源同活動先可以同直資差唔多，定會因為佢係津校，其實都係不及？

嗰啲直資band2,3都有英中，同IB, IAL，對我嚟講，算係唔關我事

直心指教，唔該大家

Rpp

MCs係傳統名校本身學校有錢，校友又經常捐錢，所以資源咪同直資差唔多。但係只有一個學制，要留意。

Szetimmy0225

如果一心留港考dse 就不如讀官校/津校 留返D學費自費出面操啦! 純屬個人意見! 多多得罪!

honeybabypig

雖然淨係會考DSE，但鍾意多活動，唔想中學生涯淨係讀書咁沉悶 ，但如果為咗多活動而讀直資，其實係咪有啲唔值呢？
有冇咩官津係多活動㗎？

juneforgbb

直資多活動、教學比較多元化, 當然如果你想知道"有幾多元、有幾多活動", 好多家長都未必答到你, 就算直資, 間間都唔同, 最好親自去學校open day了解/認識。 我覺得冇話邊樣好D, 或者抵讀D, 我識人鍾意揀直資, 亦有朋友一心讀津校, 都有其原因。老土咁講, 津校都有多活動, 直資都有谷成績。就算係官校vs津校, 教學和資源上都會有分別,  如果有時間, 多D去唔同學校open day睇下。

medicine

大學的撥款由大學資助委員會（UGC）決定，而收生的成績是決定大學學系表現的主要指標。如果收生成績不斷下跌，證明這個學系不受歡迎，UGC的撥款就會減少；反之，撥款就會增加。本地聯招學生的成績，標準清晰。而非聯招學生的成績標準比較含糊，難以與聯招學生的成績比較，UGC衡量大學學系「業績」的時候，都會忽略非聯招生的入學成績。所以，只收取成績最好的一小撮聯招學生，餘下的學額由非聯招學生補足，就成為粉飾「業績」、向UGC取得高撥款的秘技。

　　大學高層爆料，本地名牌大學一早已用上述方法收生提升高考生的分數，搞到收取非聯招學生比例大升。若其他大學用相同方法收多過兩成半，一定會被政府責罵，政府嚴重「大細超」。

　　大學學系是按學生人數收取經費的，王牌學系還有一招可以既保持收生分數線較高，又可以多收學生以爭取經費，就是在多收由副學士及高級文憑轉過來的三年級生。現時香港副學士課程每年收生人數過萬，香港每年會資助約五千名完成兩年副學士等課程的學生入讀大學三年級的銜接課程，大學特別喜歡接收這些副學士銜接學生。大學在大一收聯招學生時維持嚴謹的收生標準，卻大量招收副學士銜接學生，即使明知這些學生的水平，不如申請入讀一年級而被拒諸門外的學生，也樂此不疲。主要原因是多收一個副學士銜接生，就多得一份資源。更重要的是，招收的副學士生，無論水平高低，都不會影響到大一收聯招生的分數線，不影響學系的「業績」。

　　總的來說，大學資助有一套成文制度，而王牌學系收生，透過減收聯招生來繞過這個制度。另外，又多收副學士生去弄高學生人數去多拿資助，這就對那些正正經經參與本地高考的聯招學生不公平。

　　那些想報讀王牌學系但剛剛不及聯招分數線的學生，他們的成績其實比非聯招學生更好，卻不獲取錄。這些學生的成績可能也較相同學系於三、四年級招收的副學士生更好，卻沒有副學士生這樣幸運可以入讀到心儀的王牌學系。

　　參加聯招考試的本地學生，比較多的是來自基層家庭。近年大量的名校轉做直資學校，她們收取政府資助之餘，也收取較高的學費，形成她們可以有雙重資源去培訓學生，可以做到小班教學，甚至有雙班主任制度等等。基層小學成績很好的學生，負擔不起每月幾千元甚至高達萬元的學費，只能望直資中學的大門而興歎。

　　直資學校大量湧現，加上在外國讀書回來的非聯招學生也搶佔了很多學位，就形成一個對基層學童的歧視。香港的教育制度，正在製造結構性的跨代貧窮。http://hd.stheadline.com/news/columns/417/20180811/692488/


睇完上面的報道,你會如何規劃教育路向?從而選擇合適的學校/學制?

山海兒女

要睇邊間津校同直資，唔可以一概而論，呢幾年嚟，身邊正正就有唔同朋友讀唔同直資，有人係由小學開始，有人升中先讀
當年有幾個人揀科時名次唔夠前冇得揀三科，有人想讀音樂，唔夠人唔開班

最後有人未考DSE就到外國升學，留係香港考DSE嘅，就入唔到八大，要讀MU


當然我接觸到嘅都係好少例子，成功嘅一定多好多，我只係想提醒你要去了解每一間想讀嘅學校，而唔係諗住俾錢就一定好，見到啲朋友比咗6-12年學費，大學都仲係要繼續比貴啲

dickpoo

lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。

樓主請小心 ...

Dylanli2017

回覆 honeybabypig 的帖子

我個人體驗是，今日既津校同直資越來越似，我講緊1A津校，其他banding津校我唔清楚。同樣是行雙班主任制，甚至是考試模式都接近，例如，數學卷會有bonus分既題，有增潤班補底班，有大量stem活動。我唔知直資參加課外活動是咪要選拔，如果是要既話，咁你去讀直資，你想參加既課外活動，如果你小朋友係選拔中冇入選，咁其實又唔覺得直資會令你多左機會參加課外活動。我就覺得近屋企同慳錢會是2個重要因素，是咪直資唔太重要，呢個世界太多人雲亦雲，有時多人選既野，當你去體驗既時候，好多時都會有貨不對辦既情況，你未必會得到你想要既野。