會唔會迫得太緊？

yingng

各位媽咪：

我唔知咁做法會唔會迫得佢太緊，請大家比Ｄ意見我！

我小朋友英文科係最弱（緊緊合格）
我讀書唔多，根本沒有能力去教導小朋友英文。
所以已經幫小朋友搵

magee009

返エ都是朝九晚五,就算朝九晚九大人都覺辛苦,
我想問下,8時後回到家裡,吃晚飯的時間呢,嘩!非人生活
yingng 不如你試下由朝到晚做做做   
吊頸都要抖氣,有時適當休息,可能吸收更好,體諒下小朋友. ,他們不是機械人

yingng

magee009 寫道:
返エ都是朝九晚五,就算朝九晚九大人都覺辛苦,
我想問下,8時後回到家裡,吃晚飯的時間呢,嘩!非人生活
yingng 不如你試下由朝到晚做做做   
吊頸都要抖氣,有時適當休息,可能吸收更好,體諒下小朋友. ,他們不是機械人

我可能講漏

mooon

yingng:

  你的小朋友幾多年級？每日只補英文便要二小時？連續五天？你在那裡補了多久？成績有否進步？
   我覺得如果只補英文也不必天天補，如果你怕他幸苦，其實你可以嘗試上門補習，以一對一較實際，一星期二、三天已足夠了，這樣便更省時、省力。餘下時間可鼓勵他多讀課外書來增加他對英文的興趣。

SPJB

Agree  

G-Ma

迫得太緊佢可能對英文無哂興趣tim.  其實學英文唔一定淨係出去上課, 係屋企比多d英文cartoon佢睇都有幫助架, 咁未可以學得relax d lor.

TIMA

這樣小朋友真的太辛苦了, 已經返全日, 還要每天補到8:00才吃晚飯!!!!   

其實, 每天的兩個鐘頭托管跟功課應該已可應付日常所需, 想惡補英文可以每星期一至兩次的上門單對單補習已足夠.

Martina

迫得太緊佢可能對英文無哂興趣tim. 其實學英文唔一定淨係出去上課, 係屋企比多d英文cartoon佢睇都有幫助架, 咁未可以學得relax d lor.
-----------------------------------------------------
Most of cartoons 同VCD 我全家都只睇英文,  久而久之小朋友學到好多!  我仔個幼稚園NET teacher 話比我聽我仔可全聽明白佢講乜, 仲識好多vocubulary !  我都好surprise, 因為個仔係屋企好少講英文  

odelia_ho

Hi yingng,
你的時間表真的很緊湊, 是否適合, 我覺得要視乎小朋友的精神和能力是否配合得到, 如果他攪完一日仍然生猛活潑, 那就OK, 但係, 反之.沒精打彩, 那就要另外再想其他辦法,小朋友一眼訓,疲倦, 甚麼都吸收唔倒, 弄巧成拙 .

cy101

老師- 可否單對單上門, 時間-1.5小時, 每周- 2-3次

G-Ma

其實睇cartoon學英文幾多年班都有幫助, 大人英文唔好都可以睇.  學語言永遠都係要多聽多講多睇.

blytheBB 寫道:
Martina ,
我個女,小四,arm唔arm睇carton英文vcd,
对英文科有無幫助.
有無好介紹??

    

yingng

mooon 寫道:
yingng:

  你的小朋友幾多年級？每日只補英文便要二小時？連續五天？你在那裡補了多久？成績有否進步？
   我覺得如果只補英文也不必天天補，如果你怕他幸苦，其實你可以嘗試上門補習，以一對一較實際，一星期二、三天已足夠了，這樣便更省時、省力。餘下時間可鼓勵他多讀課外書來增加他對英文的興趣。

你的小朋友幾多年級？三年級
每日只補英文便要二小時？
其實補中、英、數三科，不過英文會補多Ｄ
連續五天？係，屋企做晒功課先去補習，食埋飯我會盡量同佢玩
你在那裡補了多久？三個多月
成績有否進步？最近考試英文成績是有進步，但都是不合格
其他科都係普通成績
我有諗過搵老師上門補，但屋企唔方便所以唔請得。
我時常去借課外書比佢睇，不過佢一見到好多字就冇興趣。（除了漫畫書）
課外活動已參加了學校足 球隊，童軍。
星期六，日會盡量帶佢出街食

yingng

G-Ma 寫道:
迫得太緊佢可能對英文無哂興趣tim.  其實學英文唔一定淨係出去上課, 係屋企比多d英文cartoon佢睇都有幫助架, 咁未可以學得relax d lor.

我知迫係唔得，自問連cartoon這個字都未識解，你教我可以點做？（對不起，我語氣實在不好）

magee009

cartoon這個字你唔識可以查字典,連字典都唔識查,用yahoo頁首的字典,逐隻字輸入,有發音有解釋,
恕我得罪,莫講cartoon,你個仔連T.V .都冇時間睇,
如果迫係成功,通街都博士啦,就算成績平平又如何,只要從平時的功課便看到他其實學了些甚麼,又有那些不明白,補習社只是輔助性質,妳壓力大?想哭?....咁你個仔冇壓力
是不是迫得緊,妳自己心中早有答案   
誰說的方法都是不管用的.   

good827

我同你都幾似，我個仔小三好大壓力，睇見佢好辛苦，我又係讀書唔叻幫唔到佢，加上自己無心機教，亦唔知點解釋佢會明，我都決定比佢補習，起身7.00，佢逢2,3,5返7.45學其餘返8.00因三年班全部要補課,逢星期一放學参加英語班,星期三學跆拳道,二日都放4.30,返到屋企成5.00,星期二,四就要輔導英文,<SCHOOL>放3.35返到屋企又4.00,仲要開始去補習做功課,7.30點左右做完功課,趕住沖涼食飯,最快到8.30,仲要上網做每一日篇,9.30就訓！你覺得點呀？我知係香港好多細路每日都過住咁既生活，但係真係好辛苦好心痛！我同老公決定轉校,因佢而家間學校出名多功課,
每日7-10，好嚴格頻出名，我知自己個仔唔係讀書材料，我亦唔望佢有優異成績，但求佢盡左力咪OK！點解我諗通係因為唔想下一次報紙頭條，有學生受壓力自剎係我個仔！

TIMA

每日只補英文便要二小時？
其實補中、英、數三科，不過英文會補多Ｄ

我覺得一次過補三科太辛苦了, 既然他只是英文不及格, 便只讓他補英文便夠了, 其他科有需要的時候你可以自己教他. 逼得他太緊, 效益反而可能更少.

我明白你希望他每一科都能拿到好成績, 但是這不是一朝一夕就能達到的, 他是需要時間去慢慢掌握的, 現在, 你需要先調節自己的心情和對他的期望, 接受他現有的成績, 不要期望他立即由不及格變成及格, 只要每次有一點點進步,已代表他又掌握多一些, 已值得高興了.

wwyee

其實補全科好浪費小朋友有限的精神，你試下搵佢最差的專補啦！效果會好ｄ，因為基本他能應付的，好應給他多一點信心，我仔仔數學都唔係太好，仔仔都要求我給他補數，但我相信他覺得他能做到，唔想他太依賴。

你小朋友都算有課外活動，我仔仔小三果年仲拉緊小提琴（仔仔好鍾意），不過小三英文差左，為了想佢英文好ｄ，我已一早聲明，如下學期測驗還是成績唔理想，我會ｃｕｔ左佢，用學費專投英文補習，果真英文仍是不太理想，我唯有忍痛實踐決定。

小四開學仍二四補個半鐘（４：３０－６：００），打後回家沖涼食飯做功課，溫習同玩的時間，都要睇佢做得快唔快，如果唔係咩野都無上ｂｅｄ。

每補習前我會提醒他，媽媽英文程度有限，幫不上，你好好記下老師所講的，返黎話番比我知，因為我想學多ｄ。

呢大半年的補習，沒有令他對英文抗拒，還會在補習社借英文圖書回家，可能老師唔會要他死記太多野，又比我更多的稱讚佢，他很受落，還會話我教的唔正確，。

雖然現在的成績唔係話好好，但係每次出的成績都係進步緊，呢個係好大的推動力。

低分唔係一件壞事，好的是有進步空間，每進步一分都係在進步。

要記住「物極必返」

Martina

blytheBB,

卡通片係老少咸宜,  我睇藍寶石王子, 我小朋友都跟我睇架 !

我仔而家最鐘意"Cars" 日日自己播碟, 我會乘機問佢個故事內容, 叫佢解釋, 佢就會好有興趣去了解每個details 然後"教"我 !

我女7歲, 睇咗"獅子.女巫.魔衣橱" 碟後唔係太明, 我就買咗本書(中文版)比佢, 呢本係小女第一本完全文字的圖書, 讀完書後我地再睇碟, 佢就明白個内容.   我女而家睇到Harry Porter 第5集書, 雖然佢讀中文書, 睇英文碟, 佢真係明白個故事的, 我有問佢内容的(當然佢d書我已早佢一步睇完)
"熟讀唐詩三百首, 唔識吟詩都會偷" 嘛!
我女中文作文剛登上校網, 英文作文則在library貼堂,  我就最怕作文的.  所以呢d功勞一定係來自讀得多課外書 + DVD

以我地working mom, 就算有quali, 又有乜時間教佢地小朋友吖?  一齊睇cartoon, 睇DVD, 睇書可以親子, 又relax.
我知而家 "老鼠記者" "米奇偵探" 好hit, 去library 借番去一齊睇,  英文書/DVD唔一定要逐一查字典, 只要明白個主題内容, 就ok.



   

Umi

我個囡既英文係一年班既時候，真係嘔血，後來請左個西人上門一對一，現在計返差不多一年，都ok喎，個囡ｄ英文進步左，而且呢個西人係無功課，我個囡係無壓力既情況下有進步．我都滿意囉．起碼唔駛教到一頸血．
英文係要浸返來的，不能死做爛做，佢根本唔明!