想請教

天使青蛙

4歲小朋友如果未做評估，我可唔可以出面搵d訓練比佢(私家or政府？)，同埋政府既訓練係咪一定要評估左先可以排？但係我唔知應該搵咩幫助到佢，仲排咁政府評估…我排左5個月，仲未排到，想問下大概仲要排幾耐？

HomeWood

我朋友住港島話排幾個月至半年，葵涌同屯門好似要排半年至9個月。你想小朋友做甚麼訓練？其實就算排到見政府醫生，你都要再排一年半載才有政府嘅訓練服務，所以你可以搵定私人訓練先。無論那種訓練如言語、職業治療等都係個別治療師先做一次評估後才開始訓練。

maymay621

排政府評估要睇下係邊區, 我聽其他家長講如果將軍澳同深水埗要等1年至年半. 如果搵私家, 可以打電話去d中心, 同治療師講下你小朋友既情況, 我之前問過, 有兩間都好有耐心同好專業, 佢地會比到建議你. 另外, 你都可以問下政府資助d機構, 但都要等一輪. 最快就緊係私家. 不過最緊要問清楚治療師同導師資歷, 無論私人或者政府資助機構, 都幾大分別, 你都可以上佢地d網頁睇下.

天使青蛙

原帖由 maymay621 於 13-09-28 發表
排政府評估要睇下係邊區, 我聽其他家長講如果將軍澳同深水埗要等1年至年半. 如果搵私家, 可以打電話去d中心 ...

咁請問，係咪一定要評估完先可以行動去睇下咩訓練比小朋友？我係屯門區架，唔知仲要幾耐呢？同埋有咩私人同政府機構可以詢問？麻煩哂

maymay621

回復 天使青蛙 的帖子

根據治療師意見, 要評估左先可以知小朋友需要乜野訓練.

天使青蛙

原帖由 maymay621 於 13-09-29 發表
回復 天使青蛙 的帖子

根據治療師意見, 要評估左先可以知小朋友需要乜野訓練.

唔該哂！多謝你咁有耐性解答我問題

emilykyho

我7月時在屯門醫院排, 姑娘話約6-9個月

angels'mom

我覺得越早開始訓練越好，有好多大小肌同枱面嘢，真係要累積返嚟嘅。

經濟許可的話更可以找私人評估，一樣可以排政府服務。

天使青蛙

原帖由 emilykyho 於 13-09-30 發表
我7月時在屯門醫院排, 姑娘話約6-9個月

我都係屯門！

cat1028

其實你排評估的原因？針對你的原因揾相關科目.
坊間機構都會為小朋友評估,計劃訓練方法.

maymay621

回復 天使青蛙 的帖子

唔好客氣, 最緊要幫到小朋友

rainbow109

政府評估係會排好耐, 但都要照排, 但一定要另外搵訓練俾小朋友. 我當時係幫仔仔搵小組上, 因為私人好貴, 所以無做. 但上小組果間中心好好, 導師會話俾我聽仔有咩問題, 要搵治療師. 之後安排左上職業治療, 兩方面一齊上進步左好多. 所以唔一定要做左評估先架!