今日去完CAC做評估

芒果米池

我仔評為社交能力較弱及有自閉徵狀，但我覺得佢哋嘅評估好唔全面，半年前我好用心咁寫過一份問卷做咗但幾鐘，但今日評估佢地乜嘢都好似冇提及咁，只係問有冇鍾意睇轉既野同埋不停用手揮動物件，之後就係教佢疊積木，分大細形狀，扭開個cover,再問佢一啲名稱睇吓佢識唔識分有積木、菠、洋娃娃、襪子、梳子、有用筆睇佢可唔可以畫直線畫圓。

我覺得呢個測試有點死板，佢地成日都話小朋友發展有快有慢，咁其實我個仔現在兩歲兩個月，返緊n班，當中都有些小朋友唔太聽老師嘅規矩，未會講話。


我覺得最多都只應該評為語言遲緩，但其實佢係日常生活裏面都識好多野，但評估嘅內容就較為狹窄，只是看見他用手揮動物件，同一兩次無跟指令去做，就評為有自閉徵狀，成件事就係咁簡單嗎？？

a328

what is the test? there are many kind of test

芒果米池

原帖由 a328 於 13-09-30 發表
what is the test? there are many kind of test

佢地考扭開同扭反埋個樽蓋（做到），用紙筆畫直線畫圓（做到），你啲積木佢疊高（做到），收埋啲積木入個盒入面再冚蓋（做到），分別形狀（做到），相同形狀嘅積木分大細（做左好耐先得），拎幾樣物件佢然後聽個名，睇佢拎邊樣（只知道三樣），之後佢就唔太耐煩開始唔聽。但當中佢有用手揮動物件，同小小發脾氣加細細力撞頭（只是一兩下），以前佢有十人自閉特徵都中左七至八樣，但而家都減退到好似冇乜咁。所以我覺得佢地咁同你幾樣測試好似都幾狹窄。

pyalisa

佢批咗I位e位定S位比你？

芒果米池

原帖由 pyalisa 於 13-09-30 發表
佢批咗I位e位定S位比你？

佢提供左融合學位比我排。

pyalisa

佢做一大堆嘢要證實你的小朋友不是因自閉傾向而影響學習能力同智能。如果認知遲緩，體能大小肌唔得，批S位。批I位即是最輕嗰隻。l位畢業，張畢業証書同其他小孩無分別。學校又有老師睇緊D。
評估有一個合成分數，來自家長平日觀察。所以，你上次填的表，分數已加入評估。

cat1028

我囝當年都係差不多，但社交(眼神接觸)及語言都差就會評為普系.

Linghongabc

我仔三歲時亦做過此評估，最後評為自閉症傾向。其實，我仔仔評估個日早叫醒佢，佢不在狀態下進行評估，初頭還可以回答問題，但醫生唔會俾小朋友太多時間想，馬上就斷定唔識。小兒最後乾脆不作答，玩檯上的玩具。期間又叫跟住醫生砌的積木形狀來模仿砌。我仔從來沒有玩過模仿積木，所以佢砌唔到。最後批去早期訓練中心排。嚇到我成個月憂鬱，後來班主任找我談，我也向她説小兒問題，班主任及課外活動的老師都好肯定的說小兒絕對不是自傾，只是發展遲緩。過了一年，小兒轉了全日制名校幼稚園，除了講野唔叻及唔係特別聰明，平曰開心地同我講學校的事情，又或者因為係獨仔的關係，不太叻同小朋友溝通，但幾個小朋友嘻嘻哈哈地玩係無問題的。各位媽咪，一定不要盡信此評估，你們才是小朋友的真正醫生。陪伴小朋友成長及去公園玩真係免費的前庭發展、大小肌肉訓練及社交的課程。我是過來人，一定會與你們同行，加油，各位偉大的媽媽

Capricorn2521

原帖由 Linghongabc 於 13-10-01 發表
我仔三歲時亦做過此評估，最後評為自閉症傾向。其實，我仔仔評估個日早叫醒佢，佢不在狀態下進行評估，初頭 ...

你講得好好！

hy0713

講得好！

kennyrita

回復 芒果米池 的帖子

我屯門cac, 3歲7個月都係做e d test, 唉, 但個梁醫生話佢好正常

芒果米池

原帖由 pyalisa 於 13-10-01 發表
佢做一大堆嘢要證實你的小朋友不是因自閉傾向而影響學習能力同智能。如果認知遲緩，體能大小肌唔得，批S位 ...

哦，原來係咁樣。

芒果米池

原帖由 cat1028 於 13-10-01 發表
我囝當年都係差不多，但社交(眼神接觸)及語言都差就會評為普系.

我仔既眼神交流算係中規中矩，所以其實我都唔知點樣分辨，佢而家寫叫做有自閉這症徵狀。咁其實同自閉傾向、自閉譜係，個分別係咩呢？

芒果米池

原帖由 Linghongabc 於 13-10-01 發表
我仔三歲時亦做過此評估，最後評為自閉症傾向。其實，我仔仔評估個日早叫醒佢，佢不在狀態下進行評估，初頭 ...

好多謝您，係呢一度知道我唔係孤獨的，係個評估入面其實佢都幾左好多時間我哋，因為有幾樣嘢個仔從來都未試過我亦都無教過佢，但係就要示範多幾次，佢先至可以做到，但又唔係話做得真係好好。但我都已經很滿足了，因為比着幾個月之前，佢一定唔會坐定喺度咁有耐性，都係因為返左學之後，學校要拒收一啲規矩，佢地受朋輩嘅影響力，真係唔可以靠我一個人就可以比到佢，希望佢慢慢地可以在有更大既進步啦！

芒果米池

原帖由 kennyrita 於 13-10-02 發表
本帖最後由 kennyrita 於 13-10-2 10:32 編輯

回復 芒果米池 的帖子

咁樣即係果個醫生都會有唔同？真係好睇當時醫生嘅判斷喎。

pyalisa

Autism feature 係最小兒科，連autism spectrum 都唔入。不過，理論上，要在六歳前保持觀察，怕有其他feature 隨年紀大一點出現。

kennyrita

原帖由 芒果米池 於 13-10-02 發表
咁樣即係果個醫生都會有唔同？真係好睇當時醫生嘅判斷喎。

我覺得唔係睇當時個判斷囉， 根本我入去唔夠10分鐘， 已話比我聽呀囡無事， 係我地現在d人個心態問題喎， 根本是烹人走， 跟本佢地d心態唔好不負責任， 外表睇唔出， 就話正常，佢比呀囡做d評估， 呀囡有好多都做唔到， 一係要個梁醫生幫呀囡一齊完成， 佢見呀囡做唔到， 就同我講， 佢e個年紀做唔到都係好正常喎， 咁你話啦似唔似做評估， 跟本只是想縮短條隊

芒果米池

原帖由 pyalisa 於 13-10-02 發表
Autism feature 係最小兒科，連autism spectrum 都唔入。不過，理論上，要在六歳前保持觀察，怕有其他featu ...

多謝你嘅分析，我之前就係唔知乜嘢叫做自有閉症特徵同自閉譜系兩樣野的分別，而家明白了。你講得啱，一定要觀察到六歲之前先至可以鬆懈

芒果米池

原帖由 kennyrita 於 13-10-02 發表
我覺得唔係睇當時個判斷囉， 根本我入去唔夠10分鐘， 已話比我聽呀囡無事， 係我地現在d人個心態問題喎，  ...

我呢邊個個醫生，會俾佢試幾次，又可以等我示範一次俾佢睇，到佢真係做唔到，先至去下一part。但係你係見健康院個醫生，定係兒童智力測試中心既醫生呀？因為唔會只係入去十分鐘咁短時間，佢唔喺去預左兩個半鐘比你嫁咩？如果真係咁樣可以去投訴他嗎？

kennyrita

我係見屯門cac梁醫生,  當時得佢一個醫生見我囡， 我地入左去見一個鐘到， 係包括埋佢想說服我地呀囡係無事的時間。
入到去， 唔夠十分鐘， 佢d口吻係話我知， 佢以前果代大部份都係咁， 係正常， 只不過現代d人攪到好似有問題， (好似話我地要贏係起跑線咁),  有話我地唔識教， 提唔起佢興趣。
但舊幼稚園n,  同新幼稚園k1, 專注班， 私人職業治療， 言語都話佢有事， 只得屯門cac梁醫生話佢無事。
我諗得佢一個見， 所在hea住做， 上次見cac姑娘仲詳細個醫生， 上次姑娘都話佢有問題架， 唔係都唔會幫得排啦