小朋友超級怕羞，點interview?

阿幸兒

如題，老師一出响問佢，佢就即刻踏落地，唔答人，老師俾野佢，佢總推開，我都好努力平復佢個情緒，好擔心無學校收佢！

adalyho

小朋友有無返PN? 我個女都係怕羞妹一名。上年in PN時都十問九唔應、但短短返佐2個月PN班、大膽佐好多，會跟陌生人打招乎、答老師問題。今日interview 仲自己一個攞張問卷行出去俾老師、仲坐低同老師傾計、我好surprised! 唔好灰心、in 多幾次都好d! 或者interview 之前同佢講一陣個到好多玩具、老師同你一齊玩、好開心㗎！

阿幸兒

回覆 adalyho 的帖子

我無俾佢返過PN，而且依家已經開始明年K1的interview,所以好頭痛，已經報左8間學校，要in7間因為有一間撞期，依家都日日帶佢出街玩，也日日同佢講去幼稚園好好玩，但作用都唔大，佢到左時又係個脾氣，都無知點算？！

longsky

原帖由 阿幸兒 於 14-11-09 發表
回覆 adalyho 的帖子

我無俾佢返過PN，而且依家已經開始明年K1的interview,所以好頭痛，已經報左8間學校， ...

me too
我仔in咁好間都喊同典地。
而家返緊playgroup玩下睇下好唔好d.

dededudu

原帖由 阿幸兒 於 14-11-08 發表
如題，老師一出响問佢，佢就即刻踏落地，唔答人，老師俾野佢，佢總推開，我都好努力平復佢個情緒，好擔心無 ...

我囝情況跟你一樣，真係要帶佢地返多些Playgroup!

ballg

2歲小朋友就算未識講都會識聽，同佢傾多點，講下點解要不停去唔同學校玩，俾信心佢，讚佢。

阿幸兒

回覆 longsky 的帖子

咁講我都想俾佢去playgroup試下，但依家先補救會唔會好遲，因為好多學校的interview都安排系今個月就結束，哎！真系頭痛！

阿幸兒

回覆 dededudu 的帖子

依家都想俾佢返下playgroup,但為左interview明年k1會唔會太遲！？

阿幸兒

回覆 ballg 的帖子

我都日日同佢講幼稚園好好玩，佢系屋企就表現得好有興趣，但去到個度就完全唔記得晒！

donut_mami

1）試下盡量搵佢interview時做到既野黎放大讚佢呀，讚得佢開心佢自然信心大D，下間可能會有信心D架喇
我囡都係超怕醜架，in第1間時佢好緊張，唔肯開口，老師問左好多問題，全部唔答，招呼冇打，thank you byebye冇講，全程只係答左1個字'banana'.出到學校門口係咁讚佢好犀利，好叻喎，識得答banana ..媽咪覺得你好勁呀，不如下間學校我地答多D老師呀，之後佢就好開心，下間真係同老師有問有答
2）出多D街，同陌生人打多D招呼，去多D公園，帶領佢同小朋友一齊玩，等佢熟習下同人溝通
3）利誘佢，我囡鍾意食雪糕，我就同佢講不如你等陣答晒老師問題，媽咪獎勵你食雪糕呀。我知呢個方法唔係咁好，我都唔想我小朋友要有甜頭先肯做我要佢做既野，但非常時期，唯有用非常手段
4）同佢講我地係去上堂，同老師玩遊戲

我個囡本身都係好怕醜架，我唔知以上䢍個方法令佢突然間肯開金囗，呢個時候，咩方法都要試架喇，加油媽媽

阿幸兒

donut_mami 發表於 14-11-10 01:15
1）試下盡量搵佢interview時做到既野黎放大讚佢呀，讚得佢開心佢自然信心大D，下間可能會有信心D架喇
我囡 ...

好多謝你啊！講得好好又好詳細！我會試咁做睇下，不過我個仔in左4間學校，一條問題無答過，依家還有3間學校in，我都無知點？！心好灰！好想就咁由得佢就算，但又做唔到！

新人物

原帖由 阿幸兒 於 14-11-10 發表
好多謝你啊！講得好好又好詳細！我會試咁做睇下，不過我個仔in左4間學校，一條問題無答過，依家還有3間學校 ...

請問佢係幾月B?

阿幸兒

新人物 發表於 14-11-10 06:20
請問佢係幾月B?

5月

felicitymama

我囝都係甘，in N班有間只講左「apple」一次但就好彩收左，in K1有間只講「好」一次，未知收吾收，佢性格係怕羞，細膽，觀察型，interview吾著數，要靠運氣

新人物

原帖由 阿幸兒 於 14-11-15 發表
5月

小朋友係咪冇返N班？我個囝之前又係好內向，所以N班in7間有3間收，不過都唔係心儀既學校，今年返左3個月N，成個人開朗晒，我覺得比佢地同其他小朋友相處下，佢地性格會慢慢改變。