番左N班2個幾月，老師打黎投訴3次

dordor1221

老師又再打黎同我講話阿仔上堂完全控制唔到，坐唔定，唔守規矩，全班得佢一個係咁，其他小朋友都可以坐定定，話阿仔好影響其他小朋友，話佢又好似聽唔明咁，話觀察多一排，睇下佢究竟係聽唔明，定係可能有過度活躍症，我都唔知點train 佢好，佢係屋企雖然會跑黎跑去，但係佢都成日坐定定睇書同玩，我諗住打去健康院同協康會book評估，仲有咩辦法?😭😭😭😭

aayy

邊間學校？
其實我唔明d老師投訴乜鬼，攪到d家長咁大壓力

Cecilia_mum

唔好擔心，做左評估先。ADHD d小朋友會明顯同人少眼神接觸的，留意下。同埋睇下有冇一樣野勁鐘意投入。

purin18

邊間學校又咁冇耐性同愛心呀？可否告知？

Minimelody

其實轉個角度看，學校看到小朋友有問題出現，想早的幫助佢。如果有留意專業人仕講小朋友有任何問題，越早面對越早處理，對小朋友將來發展很有幫助。

wonderbaby

打比家長唔一定係投訴，幼稚園家校合作好重要，老師用意可能只係希望家長多留意啫

rabbitboyboy

原帖由 Minimelody 於 14-11-19 發表
其實轉個角度看，學校看到小朋友有問題出現，想早的幫助佢。如果有留意專業人仕講小朋友有任何問題，越早面 ...

非常同意，當然我哋唔希望小朋友有問題，但如果真係有問題作為家長梗係愈早知愈好，可以早啲幫到佢搵適當的治療。

victoryu19

It is against a kid's nature to sit for a long time.

The Hong Kong education system is truly sad.

dordor1221

其實老師語氣打黎唔係投訴口吻, 但係佢話呀仔完全控制唔到, 唔聽人講, 影響其他小朋友上堂, 佢話佢都好累, 叫我番屋企同佢訓練多D常規。

唔知係咪因為佢係屋企太悶冇人同佢玩，係屋企完全冇王管，佢想點就點, 番到學校咪將屋企嘅行為做番出黎，佢唔知乜係守規矩。

C6覺得呀仔冇問題, 只係我地係屋企冇好嚴教佢。另外, 日頭姐姐係屋企乜都就晒佢, 叫姐姐唔好樣樣野SAY YES, 佢就話係呀仔REQUEST, 冇晒辦法!

坊間有冇好嘅堂可以比家長學習管教或者訓練小朋友呢?

zchow

回覆 dordor1221 的帖子

因為你個標題話老師打黎 "投訴" 嘛  

其實2歲人仔真係已經可以開始訓練好多野,我都明白當屋企得一個小朋友時,好多問題係我地睇唔到的,例如群體生活時的情緒,喜好................所以老師睇到一D我地發現唔到的小朋友的問題係好正常的,請大家開通接納左先,唔好下下即刻覺得係老師冇耐性,冇愛心...............

樓主如果都留意到小朋友坐唔定,或者試下多D同佢一齊睇書講故事,訓練下專注力之餘又可以親子一番

kkqueendom

我唔係話邊個岩邊個錯,不過轉個角度睇,如果自己仔囡個班,因班主任要特別照顧某些同學,而拖慢左全班既學習進度,大家又會覺得點?我估老師有一部份原因係想對其他小朋友fair,唔係話投訴既,呢d係家校合作之一

dordor1221

多謝你地嘅意見，我會正視問題, 努力教番好佢

Felix223

回覆 dordor1221 的帖子

其實唔好咁擔心老師是來投訴, 早兩個月我BB返N班時, 返學成日坐唔定, 同攪隔離女同學, 有次仲差不多咬到人, 老師有致電同我溝通, 不過佢好好, 我亦同佢解釋BB可能因鼻敏感流鼻水影響到脾氣.
另外, 我都拜託老師, 如果BB唔乖, 我真係唔會太怪獸家長, 自己知自己小朋友比較好動, 老師可以罰吓我個仔.
最近, 老師致電給我, 其實有一段時間老師把我仔仔和其他小朋友分開了坐, 比我仔知要有規矩才可和同學一起坐. 現在 BB明顯進步了, 老師讚賞佢乖了不斷有進步. 所以不妨同老師溝通多一些.

HM930

學校一堂幾多分鐘?? 要一個2歲小朋友坐定定

patpatbb

我囡返N班時, 初初幾日返學成日坐唔定,之後就會好！回家真的要教、會改善到架

Osiana

回覆 dordor1221 的帖子

"C6覺得呀仔冇問題, 只係我地係屋企冇好嚴教佢。另外, 日頭姐姐係屋企乜都就晒佢, 叫姐姐唔好樣樣野SAY YES, 佢就話係呀仔REQUEST, 冇晒辦法!"


你咁講, 好明顯, 你兩公婆無好好管理小朋友, 而且, 又無同姐姐溝通點樣管教, 唔係小朋友REQUEST, 姐姐就樣樣要做, 一係你未比權力佢去管教, 一係姐姐佢話之你, 小朋友要點就點.

講真, 姐姐隨時可以走, 教導小孩是父母責任. 我建議你可以定一D規則比姐姐去幫你管教小朋友, 自己同老公都一齊以呢D規則去管教小朋友.