孖仔同一間小學，定係分開讀？

TWQ

孖仔叩門入了一線津小，屋企附近，學校要求必須同班。其中一個仔又收到Call waiting直資龍校offer，需要搭校車，另一個仔至今未收到電話，今日問了學校繼續等，學校按分數Call，前面小朋友都多，感覺入讀機會渺茫。
想請教大家，點安排好，有冇經驗媽媽可以分享，爸爸覺得兩個讀同一間小學比較好，方便照顧，也有利於兩兄弟感情，但係我又覺得放棄龍校offer好可惜，但之後哥哥插班入感覺都有難度，好矛盾，唔知點安排好

kisani

TWQ 發表於 24-7-31 12:31
孖仔叩門入了一線津小，屋企附近，學校要求必須同班。其中一個仔又收到Call waiting直資龍校offer，需要搭 ...

有冇問下收到offer果個仔的個人意願? 佢有冇話比較鍾意邊間定兩間都冇所謂? 另外安唔安排到人手接送? 校車cover到嗎? 車程幾耐?

pccw2017

TWQ 發表於 24-7-31 12:31
孖仔叩門入了一線津小，屋企附近，學校要求必須同班。其中一個仔又收到Call waiting直資龍校offer，需要搭 ...

當然係一齊讀最好, 特別係孖仔. 否則其中一個會認為偏心.

0030

接送無問題就各讀各的學校

minichong28

我身邊的Twins朋友親戚都係讀同一間學校, 原因都係因為易manage, 唔需要記咁多嘢, 同一個時間表, 同一樣功課等
真係好睇父母想勤力啲, 去做多啲管理, 定係想舒服啲

kekawai

龍小係咪比津小好？係既我會送一個入去先。可以煩少個升中。
我對龍鳳，各自讀龍津小學。自己manage 到就ok,而且你2位叩門入，即係有實力！
通常學校都想twins 分開識多d 自己朋友，好少要求必需同班！

f00130

睇你本身有幾心儀那間龍校, 有一個在入面讀, 另一個若將來考插班有機會有加分

Jean1769

有無睇電影年少日記？兩兄弟同一班

fmf903

TWQ 發表於 24-7-31 12:31
孖仔叩門入了一線津小，屋企附近，學校要求必須同班。其中一個仔又收到Call waiting直資龍校offer，需要搭 ...

分開讀。
由細到大學校老師同父母都會比較佢哋兩個。同校如一個成績好 一個唔ok, 唔ok 那個會好自卑。所有twins 都成日會依賴對方。學校要求同班係最唔好，佢哋係獨立個體。必須各自發展，有自己朋友圈子。

我見過好多twins, 學習/興趣班千祈唔好放埋一齊，表現係最差，分開上堂無野，一齊就麻煩。

LeeCC

學校都幾特別，由幼稚園到高中，只聽過孖仔孖龍鳳胎同一學校，學校都刻意分開不同班，未聽過有學校要求一定要同班

musiclover1609

看你有多喜歡那龍校，如果很喜歡，先讓一個仔入去，另一個仔被call或成功插班的機會很大。我的也是孖仔，小一時，學校給我們選擇同班還是分班，我們選擇分班。分班很不錯，可以各自認識朋友。同班的話，父母處理功課會較容易。

chan123123

識好多孖仔直私都係分開讀。

Lightwriter

如果津校可以分班讀就津校，同學校傾下，未必唔肯轉。

直龍係好，但一個入到另一個入唔到，入唔到個個點好？人地按分call又好公道，無得chur.

所以同津校傾好似易d.

LeeCC

chan123123 發表於 24-8-2 18:05
識好多孖仔直私都係分開讀。

我識的孖,都係津中，津小，全部都係分班

adriantai

屋企附近一線，梗係一齊讀啦

f00130

地區一線津小都有分 校網靚唔靚 睇下間一線津升中資料
讀多幾年會唔會又要煩2個升中

chole2013schum

如測試考試放假時間 兩間唔同， 要都暈😆

Sing13

分开讀吧，
一齐讀未来六年都唔插其他學校？（又會遇到同樣情況），萬一以後升中一個band1,一個band2，唔通又一齐讀band2?
一個本来有直龍band1 offer，唔要既話，萬一將來要讀band2，對佢又公平咩？
拉一個孩子上去總比拉一個孩子下來好。

fupigpig

Sing13 發表於 24-8-4 16:39
分开讀吧，
一齐讀未来六年都唔插其他學校？（又會遇到同樣情況），萬一以後升中一個band1,一個band2，唔通 ...

非常同意你提到2點！
1）一齐讀未来六年都唔插其他學校？
2）拉一個孩子上去總比拉一個孩子下來好。

我更加覺得：
1）我以前識Twins又係同班，但家長們唔熟就會慣性形容「成績好d嗰個係阿哥囉」呢類形容詞，但其實明明細佬都係成績好。
2）即使升中成績都係band 1，更加要以個別能力揀啱作風嘅中學，又自己安排返放學、溫書等等日常，更加唔需要兄弟姊妹同校啦！


我反而會懷疑樓主提嗰間小學何解「必須」要twins同班？學校安排上嘅出發點都值得考慮。