東區16校網 小西灣 培僑小學

ek8823

本人最近搬到小西灣，家有來年升讀K3的哥哥和K1的妹妹，對東區校網不是很熟悉。
由於東區的學校全部都係15分，在自行報名階段不想浪費機會係有宗教加分的熱門學校，對比之下感覺培僑小學好似唔錯。

網上東區四小龍的討論比較多，培僑的資料相對比較少，希望可以有家長提供寶貴的意見。

感謝！

fasola

小西灣邨包圍, 校風幾好
升中成績中等. 唔算好亦唔算差. 老師有愛心.
校舍幾好, 設備多

ek8823

回覆 fasola 的帖子

感谢你的回覆。

我都係見到網上對培僑的校風同老師評價幾好，呢個係我選學校的很大考慮因素，同時交通亦方便。

見到大家常說東區四小龍，培僑與四小龍相比較差距有幾大呢？小朋友本身學術不錯，K1 K2 連續兩年攞學習優異獎，我希望佢小學階段除左學習外還應該多發展體育同藝術，培僑是否一個正確噶選擇？

chun719

ek8823 發表於 24-6-21 10:05
回覆 fasola 的帖子

感谢你的回覆。

新舊基灣係派位好過柴米、丘佐榮都幾多下。

培僑大約2X% 升B1
柴米、丘佐榮 3x%
不過四小龍都係谷既
你要睇返小朋友同家長谷唔谷得


培僑本身有自己一班fans , 近年都乙一都有入唔哂
如果計升b1率佢喺16網我覺得係比較後既位置
而且計b3率又偏高咁囉

如果你得15分,四小龍都冇機會
唔怕谷既,自行揀滬江小學係一個唔錯既選擇
最起碼15分有機會中。

fasola

ek8823 發表於 24-6-21 10:05
回覆 fasola 的帖子

感谢你的回覆。

體育係男籃比較強.  應該係東區最好. 藝術就唔多覺.

親戚有兩個小朋友, 一個叻, 一個SEN. 學校對兩個都好好.
試過去開放日, 見有個數學老師重外省口音, 但好有耐性對參觀小朋友講解. 我都參觀過十幾間學校, 係呢個老師俾我咁深印象,
親戚就話, 嗰位老師平時都好有耐性.

跟四小龍比, 點都比唔上新舊基灣, 基灣升英中比其他學校多一倍, 年年六七成.
培小只得三成三.

柴米應該谷過培小, 但柴米唔公開升中成績. 個人估計都係最多四成左右.

fasola

chun719 發表於 24-6-21 12:15
新舊基灣係派位好過柴米、丘佐榮都幾多下。

培僑大約2X% 升B1

培小有三成三, 佢每年有發放整體升中數目俾嗰屆家長, 家長有放上網傳閱.網頁無寫.

滬江一年收得幾個15分.

如果15分要跨網抽, 不如抽太古或者北官

wai324

培小最強應該係排球
其次係花式跳繩

足球 籃球 羽毛球 乒乓波 都有訓練班

相對運動
音樂方面比較少

另外普通話集誦隊也不錯
學校資源非常多
經常搞活動 （也很多活動教學）
老師也用心設計活動

初小階段老師有愛心 高小老師比較嚴格
3年同一班主任/同一班同學 基本不會轉班（小四才轉一次）
所以師生家長關係很好

初小生活是愉快的童年
功課不算多 在功課堂能做好一大半
一學期每科大約4次評估（連埋默書一起）+1次多元評估
基本上是中英數每星期輪住一科另外每學期有一次考試
範圍記得是不重覆的 每次考少少 很輕鬆
另外每科都有project 做 （專題研習）

放學後有功課班 可留校到6點 5點有第二轉校車送參加活動的小朋友回家

聽說高小比較谷（始終要考呈分）

升中結果會當天貼在學校壁報板上
揍放學的話應該會看到

課程方面
中文教得很好 而且深
有普通話班和粤語班

有些人說培僑 有政治方面教育
讀了幾年就覺得傾向教和推廣 中華文化多些
例如有粤劇班，醒獅 等課外活動

Poyau

ek8823 發表於 24-6-19 16:49
本人最近搬到小西灣，家有來年升讀K3的哥哥和K1的妹妹，對東區校網不是很熟悉。
由於東區的學校全部都係15 ...

18網培僑小學2023年升中派位 #16
https://www.edu-kingdom.com/forum.php?mod=redirect&goto=findpost&ptid=3876898&pid=49247644

chun719

fasola 發表於 24-6-21 12:31
培小有三成三, 佢每年有發放整體升中數目俾嗰屆家長, 家長有放上網傳閱.網頁無寫.

滬江一年收得幾個15分. ...

滬江無宗教分，自行15分有機會點會收得幾個

fasola

chun719 發表於 24-6-22 16:50
滬江無宗教分，自行15分有機會點會收得幾個

滬江已經唔算新校. 好多舊生生兒育女.話15分得, 已經係ek 十幾年前講法.

有幾個已經算好

兩軒夠無宗教分, 唔通你15分會抽到?

chun719

fasola 發表於 24-6-22 23:22
滬江已經唔算新校. 好多舊生生兒育女.話15分得, 已經係ek 十幾年前講法.

有幾個已經算好

世襲只能30% , 父母分20分後就係15分
近幾年校長都有分享15分係有機會，當然係抽，同埋分享近幾年舊生申請唔算好熱烈。
有冇去開放日?


兩軒自行每年都超收就明顯係15分無機會。

fasola

chun719 發表於 24-6-24 12:11
世襲只能30% , 父母分20分後就係15分
近幾年校長都有分享15分係有機會，當然係抽，同埋分享近幾年舊生申請 ...

有去. 校長就係答幾個.
如果係14網, 自行值得一試. 唔得仲可以大抽獎

但如果係跨網抽, 自行失敗就無第二次機會. 例如樓主話自己係16網, 豈不是浪費自行有更安全選擇?

小艾美

我係16網但冇諗過培小。一來要入小西灣，二來睇樓上，升band 1得2成幾？咁絕對唔會叫好。如果唔介意升中，咁就冇所謂。如果唔係，不如去丘佐榮，冇基灣咁谷，升中好過培橋。

wai324

小艾美 發表於 24-6-25 07:41
我係16網但冇諗過培小。一來要入小西灣，二來睇樓上，升band 1得2成幾？咁絕對唔會叫好。如果唔介意升中， ...

你睇數據 近年都3成幾升band1 大部份同學都住小西灣或柴灣
住筲箕灣、西灣河 當然未必會去讀
正如住小西灣又未必會出去讀一樣

如果要講升中 可能真係14網好一點 或者去12網
再者搵返間龍校

谷唔谷同升中成正比既
一分耕耘一分收獲

不應諗15分去選校 揀一間真係適合小朋友的

fasola

小艾美 發表於 24-6-25 07:41
我係16網但冇諗過培小。一來要入小西灣，二來睇樓上，升band 1得2成幾？咁絕對唔會叫好。如果唔介意升中， ...

前面話兩成嗰位係俾錯資料.
培僑肯定有三成以上. 連續幾年都有三分之一升band 1.

小艾美

fasola 發表於 24-6-25 18:56
前面話兩成嗰位係俾錯資料.
培僑肯定有三成以上. 連續幾年都有三分之一升band 1.

如果有3成band 1,咁應該同丘差唔多，睇家長想要咩。

ptk1101

ek8823 發表於 24-6-21 10:05
回覆 fasola 的帖子

感谢你的回覆。

學術唔錯不如試下四小

fasola

佢唔想自行就浪費係有宗教學校, 因為無宗教分.
咁四小係得丘佐榮可以試. 但體育就唔及培僑, 培僑個校舍都幾大下.

如果唔介意坐校車,  可以過14網, 15分機會唔細有太古, 北官, 北循. 丹循都有啲可能. 幾間成績都有四成band 1 以上. 雖然北循丹循有宗教, 但好多家長都想搏下北衛先. 呢三年好多15分中. 北官去年自行收唔足.

谷谷地可以試下14太古. 唔中就大抽獎試返16四小.

peterli2416

搭單問問20分入滬江機會有幾大？照樓上講法15分都入倒20分應該係必入？丘佐榮vs滬江（父母係畢業生）應該都係揀滬江？

Poyau

peterli2416 發表於 25-3-2 18:20
搭單問問20分入滬江機會有幾大？照樓上講法15分都入倒20分應該係必入？丘佐榮vs滬江（父母係畢業生）應該都 ...

14網滬江升中較16網丘佐榮佳
自行先收20分有餘位才給15分抽