社交差

邪留丸ha

呀仔同我獨處時，好乖好聽話，但當面對同學或朋友出來聚會，佢一定同人發生爭執，因佢太在意小朋友講既說話，當人地講佢，佢就會好嬲好嬲，大聲鬧返人，同埋佢一唔開心，就會嬲到聚會完結，邊個氹佢都冇用，我同佢講過好多次唔洗咁介意人地講既野，但佢話自己都控制唔到會嬲，同埋佢天生想法負面，我真係唔知應該點教佢

小曳人

想法問題：多d分享正念/樂觀嘅想法，係可以傳染架！慢慢嚟啦！

孩子有無兄弟姐妹？如果有，應該少d相處問題

lillymarie

回覆 邪留丸ha 的帖子

他幾多歲？通常處理憤怒情緒，若叫他不嬲，很困難，他做不到的，就算當時不發出來亦只是壓抑。
最好是先確認（acknowledge）他的感受。例如："你聽到他這麼說你，你很難過。你不喜歡被人這樣批評。" （之類之類，若他自己能夠講到出來更好。）
然後，給他足夠時間去發嬲。我會說："好啦，你坐埋一邊嬲下先啦。嬲完先再同人玩啦。"
如果他未嬲夠，夾硬要他唔嬲，可能會積埋係心裏面架。嬲夠先同人玩可能會開心些。

唔開心時，乜都聽唔入耳的。等他離開現場，心情愉快時，才慢慢和他分析，講道理。找出他對別人話他的反應為何那麼大。

我對我兩個仔和我自己都是用這方法，幾work架。有時我會問阿仔："嬲完未呀？"，未就俾佢繼續冷靜下。有時我嬲我仔，我話佢知："我現在好嬲你，你唔好同我講野住！"，佢會走來問我："媽媽，妳嬲完未？"。我要等自己嬲夠先同佢講野

lillymarie

回覆 邪留丸ha 的帖子

介紹這本書給你: 生氣的阿瑟https://youtu.be/Tq_Bxelc6Ak

邪留丸ha

多謝大家意見，我小朋友就黎7歲，獨子，其實班中小朋友都覺得佢好叻，有些隨和啲既小朋友會好擁護佢（但佢自己成日話冇朋友，人地對佢好，佢又唔知），但遇著同佢一樣咁自我同有主見既小朋友就會黎料，已經成日開解佢，有時可以同佢傾幾個鐘都未傾完，真係唔知佢幾時先開竅