聽話的資優？

little-pig-pig

本帖最後由 little-pig-pig 於 18-2-12 12:39 編輯

我想問下家既意見，我仔有可能是資優嗎？

我仔而家５歲８個月，讀緊國際學校小一。他的數學相對上比其他小朋友都好，現在已經學緊乘除數。爸爸給他join了IXL，IXL用美國curriculum，平均數學程度都去到grade 3-4。除此之外，仔仔的記性很好，觀察力很強。現在讀小一，開學半年了，學校用reading recovery level，仔仔已經升到level 17 (Turquoise)了。老師給仔的學術評價，很多時是exceeding expectation，我估他在班上的成績都算是標青。仔仔說學校教的都很容易，他都識。他喜愛新事物，平時他會自己看書和IPad尋求知識，百科全書他十分喜歡看。

但問題在這裡，資優通常都有其他方面的社交和情緒問題，我又唔覺得我仔有。他的EQ很好，由細到大很少會大吵大鬧，遇到唔開心，都只是sobbing。仔仔是一個講道理的小朋友，當他做得不對時，我指出他的問題，他已經知道自己唔啱，所以由細到大都未曾試過比我打過一次。仔仔亦很獨立，自己的事情通常都會自己處理，在學校亦都很喜歡幫助老師，所以老師給他ATL評價也是exceeding expectation。他的性格很socialable，有好多朋友，在班上很受同學歡迎。

相對上，雖然我仔的知識能力強，但語言能力較弱，明明他識很多東西，但偏偏不懂得elaborate他想表達的東西，就好像是收埋很多寶物，不懂拎出來用。同一般資優的語言能力強，又好似不同。

所以根據我仔的情況，我不知道他有可能是資優，還是只是一般的小聰明績優呢？應帶他去測試嗎？因測試價錢都不便宜，所以想知道如果係機會大先帶他去做。

Radiomama

回覆 little-pig-pig 的帖子

恭喜啊! 情緒穩定又正面已是一個好開始，學校表現可以keep 住exceeding expectation不容易，不要給孩子太多壓力，畢竟只是year one，學習路長，要留點進步空間和心力。
7歲後再考慮評估吧，因為就算現在有個 IQ test score，也不會有好多培訓機會。玩多兩年，做做運動對身心有益。

評估後，可考慮資優學苑、中大、科大及港大一些課程，有免費和收費兩種，也有JHU的CTY，視乎資源吧。

小曳人

首先，人人潛能唔同，資優通常轉數快，但唔等於佢表達能力強，我仔就係咁，從來唔識講學校發生過咩事，滿腦子vocab，但作文奇差，佢唔識得用返出嚟

至於聽話，只能夠話你有福氣，其實聽話嘅資優兒一定有，只係出嚟訴苦嘅，唔會係呢班幸運兒！

little-pig-pig

小曳人 發表於 18-2-12 18:05
首先，人人潛能唔同，資優通常轉數快，但唔等於佢表達能力強，我仔就係咁，從來唔識講學校發生過咩事，滿腦 ...

即係聽指令都有機會是資優兒？

Radiomama

little-pig-pig 發表於 18-2-12 18:08
即係聽指令都有機會是資優兒？

資優兒不一定不聽指令，但聽指令不等於資優囉。

scyauchris

回覆 little-pig-pig 的帖子

無論是否資優，都不會改變你教法，咁有乜所謂，iq分數代表乜呢！乖咪好，唔通要個曳的好咩！健康快樂成長，平平安安渡過每一天就夠。無乜大問題不用check。

scgift

我女兒4歲半，早排偶遇一位來自美國既心理學博士，佢觀察了阿女5-10分鐘（有互動）後同我講阿女係資優兒，叫我好好栽培佢。我冇諗住因為想確認佢係唔係資優而待佢6歲後去做IQ test。除非佢在學校出了問題，而我需要那份報告去幫佢。

P.S.阿女從小乖巧講道理，冇任何情緒問題。

王家爸爸

little-pig-pig 發表於 18-2-12 18:08
即係聽指令都有機會是資優兒？

兩者無直接關係，情況就好似運動叻同讀唔讀到書一樣。

MewB

little-pig-pig 發表於 18-2-12 18:08
即係聽指令都有機會是資優兒？

我兒子係資優兒，佢肯聽我指令因為佢服我，但其他人指令佢唔聽。

Melody_BB

我仔係，佢EQ 高，情緒穩定性格樂觀，由細到大唔多發脾氣，又唔會大吵大閙大喊扭計。講道理會聽，又乖又窩心，思想成熟。其實資優唔係一定脾氣差。

但佢有與同齡小朋友溝通問題，好多時人地都唔明佢講乜。

ramen

Radiomama 發表於 18-2-12 16:20
回覆 little-pig-pig 的帖子

恭喜啊! 情緒穩定又正面已是一個好開始，學校表現可以keep 住exceeding expec ...

數理的資優課程好似相對比較多, 但如果係文科方面的呢?  我女對文字、寫作方面能力好一點, 請問有無資料? 謝謝~

Radiomama

ramen 發表於 18-2-28 10:47
數理的資優課程好似相對比較多, 但如果係文科方面的呢?  我女對文字、寫作方面能力好一點, 請問有無資料?  ...

另一個帖有會員討論英文小作家，可參考。

中大和資優學苑都有語文方面的課程，可上網看大概。

其實語文能力高，不等於就要做作家；語文能力高，也可以有助發展高階思維、邏輯分析，所以最重要是開拓視野，不用太専注在單一項目上。

scyauchris

回覆 Radiomama 的帖子

你講得好對，你同CTY老師講的野是一樣(不過老師上一次無你咁直接講明)！ 不過睇完你個post，我終於明白，唔怪得佢飛走左我建議我女上的課程！不過課程方面最終由囡囡決定，佢撰的課程是reader, 佢話可以令佢思考，亦都有Writing, 所以學到好多野！要多謝你，我女女好喜歡上綱上課程！

RunningPig

scyauchris 發表於 18-3-1 09:04
回覆 Radiomama 的帖子

你講得好對，你同CTY老師講的野是一樣(不過老師上一次無你咁直接講明)！ 不過睇完 ...

我個小朋友都上緊 reader course，老師比嘅 feedback 超好。

scyauchris

回覆 RunningPig 的帖子

我女上左兩個reader courses, 今次無take readers, 佢話下次先再上readers，今次係take左佢平日無可能肯上的課程！  平日我女唔會主動温書，不過readers 最尾有test佢係主動温習的！同返學是完全兩個人！ HKAGE d online courses 我都未見過佢會温書，反而CTY online courses佢真係會温了書才做d quiz.

RunningPig

scyauchris 發表於 18-3-1 14:49
回覆 RunningPig 的帖子

我女上左兩個reader courses, 今次無take readers, 佢話下次先再上readers，今次 ...

因為 CTY course 實在有趣

Radiomama

RunningPig 發表於 18-3-1 16:54
因為 CTY course 實在有趣

不要忘記CTY 的費用不便宜啊

我仔已是Y9的學生，學校功課加活動忙到不得了，所以從去年十月完成了他的online course後就暫停；去年到了美國參加summer course，今年會再試，剛confirm了Stanford uni的offer；因此如果要持續培育gifted youth, 資源考慮是個挑戰。

儲定彈藥，早些做資料搜集和準備吧！

王家爸爸

Radiomama 發表於 18-3-1 21:39
不要忘記CTY 的費用不便宜啊

我仔已是Y9的學生，學校功課加活動忙到不得了，所以從去年十月完成 ...

我都覺得啲 online course 唔係物有所值，平時自己多睇多寫，然後暑假直接參加暑期班更好。

Radiomama

王家爸爸 發表於 18-3-2 12:11
我都覺得啲 online course 唔係物有所值，平時自己多睇多寫，然後暑假直接參加暑期班更好。
...

是否物有所值，真的見仁見智，我仔參加cty online courses五年，學習的範疇深且廣，而這平台的設計、教材的提供、tutor的水準均是頂級服務。