你地小朋友會唔會蝦老師?

海仔媽

呢排個仔成日俾老師罰，因為佢一來覺得大個仔好多野可做到，二來佢覺得有啲老師唔夠佢叻（係佢專長方面，未必個個老師識佢啲野），然後就蝦老師，故意在堂上搗亂，故意搞破壞同唔聽老師話，講左好多次都係咁，而家已被標籤為麻煩份子

有無家長都有呢個情況?點搞?

CALVEN

你仔幾大？
平日有無蝦父母？
他不明白天外有天，人外有人，而且是修養一部分吧？

海仔媽

CALVEN 發表於 18-1-26 07:12
你仔幾大？
平日有無蝦父母？
他不明白天外有天，人外有人，而且是修養一部分吧？ ...

佢而家K3,係家好乖，對阿婆會曳，可能佢鐘意個啲我暫時都叻佢

王家爸爸

要早啲糾正佢，如果唔係第日都幾棘手。

Anniemun

睇落唔關資優事，聰明唔係大晒，品格要自小培養，可和班主任詳細面談，一齊找出幫小朋友改善的方法。

王家爸爸

Anniemun 發表於 18-2-1 18:03
睇落唔關資優事，聰明唔係大晒，品格要自小培養，可和班主任詳細面談，一齊找出幫小朋友改善的方法。 ...

喺現在既定義下，曳可能都係資優既一種，唔係人人識得曳。反而態度唔好就太問題，一定需要努力解決。

Anniemun

聰明和資優還有一點距離，現在資訊發達，有多東西也可輕易網上查閱，不是懂得什麼什麼就等如資優，詳細還是要作評估。又，現在太多大人對孩子過分地溺愛，要風得風，但在學校裏是群體學習，老師不能單一照顧任何同學，如學生覺得被忽略做出無聊行為，家長應和學校了解問題所在，而不是單因為認為小朋友聰明，就推斷是資優的行為。幫助子女解決問題所在才是上策。

shypama

我們家族從小教導孩子喜歡玩甚麼只要說,提出要求;
只要適當場合和環境都可以.但唯一禁忌是:
絕對不可以玩人!

因為玩物頂多喪志,可是玩人喪德...
會告訴他擾亂秩序,為難別人=玩人~
有這麼一條規則(天條),孩子都不難教

964000

海仔媽 發表於 18-1-26 09:04
佢而家K3,係家好乖，對阿婆會曳，可能佢鐘意個啲我暫時都叻佢

不明白為何有様野叻過人就可以「蝦人」？需要先糾正下這個觀念。我見大多小朋友都愛認叻，蝦人就比較少。

HaYi

我識唔少資優細小朋友是很寸的, 一看個家長/長老就明白原因.  

有效的方法是要佢明白天外有天, 唔好俾晒個full attention / 甚至answer 佢的問題, 要佢自己去找答案,一係引導佢想下open end 的question.   佢睇下書就知佢仲有大把野唔識, 而大人唔答佢未必是唔識唔叻, 而是大人會自己去找答案, 佢係叻的, 應該自己去找答案, 而不是花時間認叻而有人讚.

海仔媽

964000 發表於 18-2-2 23:38
不明白為何有様野叻過人就可以「蝦人」？需要先糾正下這個觀念。我見大多小朋友都愛認叻，蝦人就比較少。
...

知佢原因, 但好難糾正, 因為佢經常鐘意認叻, 認威, 但佢既興趣太冷門, 根本無乜同學仔會鐘意或識, 而一般小朋友鐘意既如妖怪手錶/超人/變形金鋼/THOMAS等, 佢知道個名就算, 完全無興趣去睇呢啲既卡通/書,亦唔願花時間去睇, 變左同其他人無話題, 但佢又好想同其他小朋友玩, 要認叻, 但同學仔就當佢係FREAK, 所以佢就成日挑戰老師, 令自己係同學仔面前扮威, 加上老師教其他野, 佢無興趣亦唔想學, 而佢一搗亂, 老師就會罰佢隔離, 俾佢自己睇自己既書....(因為佢會搞到上唔到堂)
我已經同佢講, 佢想要志同道合既朋友, 首先要聽老師教既,即使無興趣都要聽, 因為係所有野既基礎, 當讀到越來越專時便可識到志同道合的朋友....

964000

海仔媽 發表於 18-2-9 10:51
知佢原因, 但好難糾正, 因為佢經常鐘意認叻, 認威, 但佢既興趣太冷門, 根本無乜同學仔會鐘意或識, 而一般小 ...

唉，sorry我都唔知應該點做，而家D小朋友,太好勝太有主見又煩，太冇要求又煩。做家長真的很難呀

chowqv

阿仔最叻賣萌，裝可愛等學校老師錫佢多d。
可惜補習社既MISS唔受呢套，所以死死氣做好自己本份。
天下間，佢只會蝦我，同發我脾4。佢話因為佢係我生。

王家爸爸

964000 發表於 18-2-2 23:38
不明白為何有様野叻過人就可以「蝦人」？需要先糾正下這個觀念。我見大多小朋友都愛認叻，蝦人就比較少。
...

講得啱，好多時都係糾正到就會好有前途，糾正唔到就大件事。