食藥一問！

emilylam

醫生終於開藥俾我仔試，之前我考慮左好耐都未試，其實我仔有讀寫障礙，專注力麻麻，唔知算唔算過動兒？但醫生還是開藥俾佢試下睇下對佢學習有冇幫助，今日第一次試，份量應該好輕，我仔瘦，得22kg重，醫生開r字頭的藥，一日兩次，每次半粒，我見個盒寫10g，好像係一粒的量，咁我仔吃半粒，係咪5g份量？？

呢個份量對我仔會否太輕？因我見佢食左無咩大變化？也無任何不適。

gigilovesnoopy

我個女係ADHD ，初初食藥時，都係5mg，而家去到20。醫生叫我地留意佢D食量及睡眠質素，不過A仔的小朋友不嬲都瞓得差。劑量是同小朋友的體重掛鈎

食藥唔會咁快睇到改變，最緊要係小朋友自己的感覺。

emilylam

請問你一日食幾次？一次20mg？
我仔食左5mg無乜特別，可以唔係日日食嗎？有需要先食得唔得？因現在暑假，下個月見醫生，醫生俾左一個月藥我，到時醫生應該加份量，暑假唔食，到時加份量好唔好？thx

gigilovesnoopy

一日20mg，早上七點左右吃，如果有默書、測驗或考試，下午四點加粒5mg。

我隻囡最初一星期見一次醫生，因為想快D較啱D藥的份量。大概見咗3次，D藥已經調啱份量，約兩至三星期見一次。而家係一至個半月見一次。

我隻囡試咗幾個短的drug holiday，去年聖誕、新年及復活節，覺得自己控制唔到自己的情緒，所以放學校假都有食。如果你囝囝仲係試藥，我覺得繼續食較好，因為你同小朋友都有較長的觀察期及適應期。如果有時間，有個外國網站WebMD，有很多相關資料，不妨作個參考。

希望幫到你。

cp2004

回覆 emilylam 的帖子

我仔升小三上堂曰曰話聽不到老師講野, 我一點也不知是專注力問題, 因為小一評話有讀寫, 但專注力十分好. 平時坐得十分定.
帶他去驗耳力, 反而知道他協調有問題,要做職業治療. 左攪右攪又話他專注力有問題, 但心怕吃藥,用力找其它方法, 做了中大的腦治療專注力, 前庭運動, 醒腦操也冇用.仔放學又會收埋自已在房哭,有時覺得同學背後笑他, 找班主任問又話冇可能, 還力証仔的交際好, 選班長全班三十人的, 仔有二十多票
小三升小四暑假時在博思會跟當時負責人林太指點, 說小朋友9歲至12歲最吸收知識,如果聽不到書就自卑. 叫我不用做評估去見醫生開葯比仔吃,有幫助就吃, 冇幫助就不用吃. 幫小朋友上堂最重要, 吸收期過了, 可能停箹.

初初試5mg , 10mg, 15mg. 到25mg 時仔話有用, 又一定要12小時那款才有較.試藥有8小時又加4小時. 仔可以清楚話吃了葯就不用全部精神叫自己坐定. 再加重葯就話想亂唸野都唔得, 吃了葯會拉他聽書. 當然中間有吃不到飯, 睡不到的情況. 所以要慢慢加葯.

平時原來成曰發白日夢, 有時重覺得同學笑他的情況全冇了.
仔最後是用36mg的12小時.
我仔現升中二了. 仍吃36mg, 有時自己加5mg 4小時. 因蒍其實他重量加了, 但葯份量即減了.

希望幫到你.