小朋友在優才能自學自理嗎?

魚兒小寶貝

我在囝囝K1時已教識佢自己執書包，除左寫新字時會睇下佢筆順之外，做功課及練習時我都唔會坐響側跟，佢遇到唔明唔識做至會走黎問我，學校同珠算功課我都甚少對。。。
一路希望囝囝能自學自理，我唔想做跟得媽咪，所以諗住在初小輸得起既階段就開始放手，讓佢自己溫習做功課，對自己成績負責，但家姐及朋友都認為我患左妄想症。。。因為囝囝始終未上小一，所以我都唔敢肯定。各位優才家長，你地覺得呢？響優才有冇可能做到? 另學校會唔會鼓勵家長唔好跟功課呢? 謝謝!

iamderek

我知有家長咁做，但我自己唔係。我記得李教授有一次講座說過，初小幫吓手，高小慢慢放手，上到中學佢地應該已經掌握讀書技巧，就可以完全放手。我自己十分贊同。
比喻來說，我不會每次幫小朋友綁鞋帶，但會教他綁鞋帶的方法，最初幾次睇住佢做，最後他就會學懂自己綁鞋帶。學習不同科目其實需要不同的方法和技巧，如果只在佢唔明，主動要求才參與，佢可能用緊一種事倍功半的方法來學習。
功課我自己一定會睇，但唔一定改，這樣我才知道他的弱點，也讓老師知道他的弱點。另外，數學科老師經常提醒家長不要改功課，所以有些數學功課老師會安排堂上做。

yy0601

原帖由 iamderek 於 13-11-13 發表
我知有家長咁做，但我自己唔係。我記得李教授有一次講座說過，初小幫吓手，高小慢慢放手，上到中學佢地應該 ...

好同意。初小很多事情要小朋友適應，學習怎樣有效溫習和做功課，大人最好幫下先，培養良好方法及習慣。如果小朋友習慣了唔溫習，之後要改變便很難了。

RSZ

在開學時老師曾提醒家長看功課時只需留意小朋友有没有做漏，做錯的不要急于改正他，免得太倚賴父母，自己做得求其，

魚兒小寶貝

多謝你們回覆，原來初小就放手真係唔係咁易！當然我指既放手唔係唔理啦，希望其他家長可繼續分享下。

cmt1010

優才好多野比小朋友玩，我個仔都玩到傻，唔幫佢跟下啲功課實漏。不過我都好贊成要放手比佢試。

janicetsang

我自己覺得自理包括好多方面。小一的自理可能是自己換校服，沖涼，整齊，之類。至於較高深的，eg自己為自己成績負責，佢地的取向未必同成人一樣。
我會為小朋友檢查功課，make sure佢沒做漏，又知他進度。我自己完全無理他的幼稚園功課，到小學，則不能不理，學校也有好多schedule要留意。

iamderek

有些班主任實行「累積欠交功課，全班受罰」的制度。我唔想連累其他同學，一定檢查無做漏。

muichujamie

我呀女小一下學期我都無幫佢睇功課，做錯當然會有，我忍心寧願睇佢比老師打個大“X"做改正，等佢知道自己錯咩野，下次好少會再錯。同埋我個女唔like我地改佢D錯處，所以有時我見到明知係錯，我都唔理，老師要佢改正佢就做，無得say no.；至於有無做漏功課，都有時有架，但唔多，可以話好少。
執書包我就係一年班頭兩個月幫佢double check, 見佢基本上無問題之後就由得佢自己攪掂。
至於考試溫書，我就未完全放晒手，但有D科我唔會理佢：如PTH, Math.... 佢而家小三，之前剛過去的exam, 我只係幫佢溫下中文默書，四字詞等等...英文溫下phonics, 常識就要全部同佢溫晒.... 其實見佢都handle到，所以我都慢慢放手，無好似以前初初exam每本workbook都要go through一次。
我基本上係一個懶媽媽, 好彩我囡囡又肯合作!

魚兒小寶貝

iamderek 發表於 13-11-14 13:15
有些班主任實行「累積欠交功課，全班受罰」的制度。我唔想連累其他同學，一定檢查無做漏。 ...

哦~佢地唔係響手冊到做完一樣剔一樣既咩?

魚兒小寶貝

muichujamie 發表於 13-11-14 14:14
我呀女小一下學期我都無幫佢睇功課，做錯當然會有，我忍心寧願睇佢比老師打個大“X"做改正，等佢知道自己錯 ...

咦~小三仲學緊phonics? 可否大慨講下phonics個進度? 四字詞即是成語嗎?哎~你囡囡得，你先至可以懶遮，呵呵!

魚兒小寶貝

cmt1010 發表於 13-11-14 12:08
優才好多野比小朋友玩，我個仔都玩到傻，唔幫佢跟下啲功課實漏。不過我都好贊成要放手比佢試。



  ...

請問＂好多野比小朋友玩＂係咩意思呀? 即係指邊方面?

muichujamie

回復 魚兒小寶貝 的帖子

phonics有學架，本phonics都好多深字或者係好少用的字都會學到。
四字詞：早排學緊人字開頭的四字詞，如：人去樓空，人地生疏....

janicetsang

Phonics年年都有，直至小4。

我由小3開始唔check功課錯處，只check做齊。
默書小4開始佢自己搞掂。
考試一直都是選擇性幫佢溫，每科不會溫多過一天。
我覺得學校work load不大，working mom也handle到。