如何教小孩唸乘數表

abc111

是否一定要死記? 有何好方法?

emiluihk

abc111 ,


          咦 ~~ 我都想知呀, 我以前係坐係到向住媽媽背架咋 , 而家我都係叫囡囡背囉, 佢地記性好好, BUT 我就會先
解釋比佢知乘數表既用處, 同埋有D 前輩教先比佢地背2,5,10 呢D 好易上口既先 ... 我就會係HOME 當眼處貼
左張有公仔既乘數表係到囉 ... 等佢得閒望吓 ... 慢慢背 ...

      

栗子媽媽

我玩玩下咁同佢背架咋
我估呢家野都係死背
工多藝熟
當然,都要同佢地解釋下乘數表既用處

晴B媽

一樣。

不過, 我無解釋, 因為解釋左佢都唔會明。
正如, 中學時學maths的時候, 老師每次都會先解釋d "公式"是如何得來的, step by step 講完一大輪之後,成個黑板寫滿晒, 最後計算出一條公式,結論就係"記住條公式"就得喇。跟住, 隔多幾日,究竟公式如何算出來已忘記了, 只係要好好記著條"公式"。

栗子媽媽 寫道:
我玩玩下咁同佢背架咋
我估呢家野都係死背
工多藝熟
當然,都要同佢地解釋下乘數表既用處

m123s789

九因歌當然是要死記喇，我o地亦是細時背到滾瓜爛熟後就終生受用，而家都唔會唔記得。
我o個小朋友讀K3已經識背，但有時會錯少少。我由佢未入學時已續小續小教佢唱，方法就是不當作數學算式解釋，純粹當歌仔唱，唱o下唱o下就記得，不過初時不要太心急唸得太多，亦要多些讚佢唱得好。到佢九因歌要運用在乖數算式時自然就懂。

celia_ip

我以前讀k3時,亞媽已經要我背啦, 當係唱仔咁日唱夜唱囉...   而家又出晒cd , vcd 咁,教小朋友背乘數表, 都係教唱歌仔, 好似都幾易上口.

健朗媽咪

我用電腦光碟來教佢, 有解釋埋點解要用乘法來計數, 同埋玩問答遊戲, 再自己不時問下佢同佢複習一下, 好快就背到

我亞仔都係k3上學期, 用咗個幾月到就背識, 不過有時都會有少少錯

而家識兩個位乘一個位, 不過未算好熟練

vic6

健朗媽咪,
你用o個只是邊間出版的cd, vcd?
我都想買只比囡囡try.

健朗媽咪

我用果隻唔係cd/vcd
要放入電腦先用得的電腦光碟
不過佢唔係唱歌學
係教佢背完一個單元
之後再玩遊戲問答
玩的時候最好要陪小朋友一齊玩
不過就仲平過d唱歌學乘數的vcd
$90元一隻, 好抵玩的
我在商務買
比埋個網址你

www.myyoung.com

仲有英文拼音同普通話拼音的光碟, 都好有用, 你可以睇下

vic6

健朗媽咪,

唔該晒. 我上左web看過. 都會去商商買番只try下.
thank you.

小甜

我個仔在K3已經背,買一張乘數表圖貼佢房入邊，比佢當歌仔練。

CF

由我個仔2歲開始, 訓覺之前我會係床前同佢傾計, 之後每晚背一次乘數表比佢聽...佢未夠3歲已經可以背晒出黎, 不過要好有恆心, 日日訓前同佢好似唱歌咁樣, 到佢識左之後就耐不耐叫佢背, 不過順住背好多人都識, 但要試下抽d問佢, 睇下佢識唔識, 而家我個仔3.5歲, 佢而家都已經識+ / - 數, 我唔知佢算唔算叻呀, 因為我都無比較, 而家我晚上就轉下講a for apple / airplane比佢聽, a - z, 人人唔同英文, 等佢聽多d, 總之日日不停, 等佢記熟左之後就轉另外一樣野..

kittychan811

我是順序跟女兒背，然後有時間就抽問她，經過不斷的重覆抽問，她現在可以很快完成學校乘除數功課了。

ru_663th

健朗媽咪 寫道:
我用果隻唔係cd/vcd
要放入電腦先用得的電腦光碟
不過佢唔係唱歌學
係教佢背完一個單元
之後再玩遊戲問答
玩的時候最好要陪小朋友一齊玩
不過就仲平過d唱歌學乘數的vcd
$90元一隻, 好抵玩的
我在商務買
比埋個網址你

www.myyoung.com

仲有英文拼音同普通話拼音的光碟, 都好有用, 你可以睇下

健朗媽咪,
請問你果隻光碟,叫咩名呀?
$90元一隻,是否特價?
啱唔啱小二及小三用呀?
thx

健朗媽咪

ru_663th 寫道:

健朗媽咪,
請問你果隻光碟,叫咩名呀?
$90元一隻,是否特價?
啱唔啱小二及小三用呀?
thx

其實我隻乘數光碟係唔駛錢
因為我買咗佢的普通話拼音同英文拼音光碟
兩套碟買咗成8佰蚊(9隻碟),
佢送多一隻碟比我 一係成語, 一係乘數
於是我揀乘數,
單隻買就100元
不過有九折, 所以90元
長期都有九折的

基本上, 任何年紀, 緦之唔識乘數都小朋友都可以玩
如果二三年班咪仲好, 你可以等佢自己玩, 唔駛你陪都得
玩完成隻, 會識晒99x99的乘數