沙田聖心VS東華三院馬陳景霞

cindynam00866

沙田聖心(PM) VS東華三院馬陳景霞(AM),如何選擇好?聖心有好多負面信息,但也有正面信息.東華三院馬陳景霞好似無乜要認識,唔多了解這學校,請各位mama比下意見.ths

siumak

應該聖心好D化....

不過am、pm是否會影響決定先??

momothecat

兩間我女都有in。唔睇別人講，只睇當日學校老師表現，聖心老師好冷漠，東華三院老師對小朋友好熱情亦有愛心。in 東華三院開心好多，老師會同小朋友溝通；聖心就好著重技術性，只睇小朋友識唔識聽指令、識唔識完成個玩具。
揀邊間實在睇你想比邊方面教育你小朋友了。

cindynam00866

回覆 momothecat 的帖子

有同感...聖心都好似無 net,仲好似越黎越差的感覺...唉...你兩間都有收到offer?

tiggeryyw

回覆 cindynam00866 的帖子

我係聖心PM用家...

老師真係好好... 上月底去完家長日, 和老師交流女在學校情況.


之後, 上星期六老師高興地主動打回電話給我... 報告女在家長日後上堂的情況有所改善...
也告訴她在課堂上有稱讚女兒..我跟女兒再求証....女也開心地說老師稱讚

自行判斷你們口中的愛心...

cindynam00866

回覆 tiggeryyw 的帖子

HI,你囡囡k1嗎?聖心係仲意囡囡D,男仔好似無甘受歡迎...你知道一星期有幾日英文堂嗎?每堂幾多分鍾?聽講係菲籍英文老闆對嗎?

tiggeryyw

回覆 cindynam00866 的帖子

英文是修女教...

修女是那一國籍, 我唔知道

你們想找外籍或什麼NET 老師來教英文或多少堂普通話,  那聖心不是你們杯茶. 你們放棄聖心吧...

看了很多篇D聖心負面評論, 什麼老師校長冇愛心, 校舍殘,冇NET TEACHER ..ETC


而女在聖心真的很開心, 學習愉快... 而接觸到老師也很友善盡職 , 實在戥聖心不值....

Nam2012

回覆 tiggeryyw 的帖子

認同，負面就唔會年年都咁多人報啦！我1號有去in, 好多家長之後都話老師無愛心，趕時間，小朋友唔識唔應人就唔理佢，講真，佢地班老師一日要In千幾人，時間一定要趕，面試就係睇幾分鐘決定收唔收，一組有3個小朋友，咁小朋友表現唔好，咁老師真係無咩必要浪費時間，都要同其餘嗰兩個小朋友傾吓計，如果真係驚D 負面消息，咁我都覺得不如另選賢校啦

tiggeryyw

Nam2012 發表於 14-12-8 15:22
回覆 tiggeryyw 的帖子

認同，負面就唔會年年都咁多人報啦！我1號有去in, 好多家長之後都話老師無愛心，趕 ...

adafong

我囡囡都係呢兩間offer,不過兩間都係am ，我選聖心。我同個囡去面試時，又唔覺得老師有咩問題喎，都有打招呼，我囡做到指令都有讚佢，走時門口見到修女都有講再見。另外，我有鄰居小朋友讀緊k1,都話無問題。我啲同事聽到我囡入到聖心都替我高興，一口就話選聖心啦！
不過其實我覺得呢啲嘢好睇個人感受，如果你未讀已經對間學校無信心，咁我覺得唔應該讀，因為你心理上根本就唔舒服，將來好容易有藉口覺得後悔，咁大人小朋友都辛苦！
其實我自己係馬陳景霞畢業架，都好好架！
純粹分享，不喜勿插，謝謝！

cindynam00866

回覆 adafong 的帖子

你選擇聖心係因爲佢有小學優先叩門??!! 馬陳景霞的老師和教學都好好對嗎?可以比多D評價嗎?其實主要係因爲下午班,擔心小朋友太辛苦,無得午睡.

tiggeryyw

cindynam00866 發表於 14-12-9 14:13
回覆 adafong 的帖子

你選擇聖心係因爲佢有小學優先叩門??!! 馬陳景霞的老師和教學都好好對嗎?可以比多D評 ...

我女當年三間AM OFFER, 只有聖心是P.M OFFER....

我自己選聖幼...除了本身是宗教原因, 我家是天主教家庭 , 也相信它們五十年辦學經驗和佢有小學優先叩門.

你所擔心冇午睡, 其實, 小朋友既適應力很強...女N班時是上午, 現在是下午班....

沒有大問題, 只要你編好小朋友晚上作息和早上起身時間, 放學回家讓小睡三十分鐘....
根本冇問題 . 當然要一點時間去較

明白有部份家長喜歡AM, 時間好用和編排... 我當年都想是AM OFFER... 但因為是心儀. 所以放棄其餘AM OFFER.
現在也沒有後悔

如果為了AM 和PM 煩惱, 為免自己後悔, 選上午OFFER馬陳景霞...
我沒有像其他人有很多朋友讀邊間邊間.... 但我相信大部份幼稚園既老師和教學都是好... 無論是聖幼或馬陳景霞

純粹個人意見, 不喜歡勿插

cindynam00866

回覆 tiggeryyw 的帖子

多謝你的意見.我會好好再攷慮...因爲我仔現在是n班是上午班,所以就只是煩選擇上午還是下午=0=",因爲距都有兩間選擇了,所以之後無面試的學校,我都選擇無再去面試了,避免想得太多...hahaha...

adafong

我一直都期望囡囡讀聖心or 馬陳景霞，因為本身係馬陳景霞畢業，有點情意結，而且非常近屋企，方便接送。到面試時碰到好多都係父母係畢業生，老師亦感覺良好，不過我自己讀都已經係幾十年前啦，所以亦不敢評論而家係點，如果唔係有其他offer ，我一定揀佢。至於聖心，我結果選佢，係因為我相信一間咁多年嘅學校，如果真係唔好，都唔會到而家都咁多人爭啦！而且我喜愛佢訓練小朋友有紀律，同埋語文能力好！我唔覺得返學守紀律有問題喎！純粹分享，不喜勿插！