在任爸爸有些難題

laushipting

我個女兒下一年會升小一,就讀聖安多尼,但因地址問題,想問一下會不會有由九龍到香港島的保母車呢,如果有又應該怎聯系,煩請各媽媽幫忙...

mimiso

有時真係好唔明白D 父母点唸, 小朋友咁細個就要長途拔(舌) 咁返學, 你地有冇唸吓佢嘅感受架, 花咁多時間係交通上......如果你真係咁為個女設想, 倒不如考瀘吓搬去港島啦,  咁真係會對佢好D 架..........

mimiso

有時真係好唔明白D 父母点唸, 小朋友咁細個就要長途拔(舌) 咁返學, 你地有冇唸吓佢嘅感受架, 花咁多時間係交通上......如果你真係咁為個女設想, 倒不如考瀘吓搬去港島啦,  咁真係會對佢好D 架..........

laushipting

本來我都覺得你講得都幾有道理,不過我個姐姐話而家既小朋友無得選擇,祇有大人有得選擇俾d咩佢地,雖然我而家為止都未知佢會唔會有乜野得到,但我祇可俾到佢地係一個好少少既學習氣氛學習,同佢地升上中學時唔使再擔心學校既問題,你可以話我令個小朋友好辛苦,但如果我而家唔為佢想長遠少少,到時會係點雖然我而家唔敢肯定會點,但我剩係睇到人地係呢間學校教出黎既學生唔會有咁多問題,呢個係我既想法...

WYmom

WYmom

There are also a lot of good schools in Kowloon.  If you choose a HK school intentionally, you should have considered the transport or have planned to move to HK Island.  Have not heard about school bus going from Kln to HK.

circleda

路過, 見個Topic 好好笑搭下咀......

"在任爸爸", 唔通你會有一朝離任?????     :     

laushipting

其實我經已有香港島既地方,不過係我姐姐住既,所以我先可以令個小朋友讀呢間學校,不過因為我姐姐好少係香港而我又要返工所以放學先要去九龍我媽咪個度...而我又唔係話九龍學校唔好,祇不過競爭比較大,而香港島祇要地方許可而今年又學生比較少,所以會好大機會入到比較理想既學校,anyway
好多謝你地對我既訓示,我剛剛搵到D保母車可以由九龍去香港既車....

Sindy

其實九龍過海都唔係一件咩事,小西灣去中環/上環,玩下手九龍d近d既地方仲快,我覺得係約半小時既車程係可以接受既......不過....聖安當尼又好似唔值得係九龍過黎讀喎

bnene

請恕我直言。

為了父母，我相信這裡大部份父母都明白你的苦心的，為孩子計劃將來，提供好環境給孩子，當然是父母的終身職業，所謂養兒一百歲，長憂九十九。

不過，依你的計劃，你似乎只做了一半好爸爸�媽媽吧了！沒錯你是讓孩子在一個好的環境學習，但是你好像忘了要照顧孩子的健康呢！要他們每天清晨起床上學，在校車�地鐵�巴士上睡覺，晚上回來已經很累了，還要處理功課、溫習呢？學校的課外活動呢？豈不是要孩子可免則免？需知各樣的課外活動，都是小學生活的一部份呢。

個人覺得，似乎是遷往香港島居住，對孩子是最好的，若這個option不可行的話，那換句話說，你是沒有替孩子做一個最好的配合了。你認為孩子每天這樣山長水遠的上學去，難道會不辛苦的嗎？成年人也會避免這樣，何況是小學生？

如網友所言，九龍區都不很多不錯的學校，這些學校都有直屬或聯繫中學，難道就會阻礙孩子上大學嗎？我們小時候，家人都沒有為我做任何配合，只是在讓我在屋村學校讀書及長大，我們都考上了區內band 1英中，姐姐諗完了master，哥哥至少也於20年前諗完中七了。

faxfax

九龍去香港, 有d點對點過tunnel 都好快
咁你有無計過車程需要幾耐呢 ?
但單睇 "聖安多利" 位置
過海要由中環上, 都好塞車下.....

個人覺得
過海讀 "聖安多利" 唔多值
你叩下門, 聖心, 聖嘉勒......啦,
話晒都有直屬英中
好似都有好多女仔過海返學,
見佢地成日都有架過海保母車停學校門口

加油    

mimiso

laushipting,

大家都係交流吓意見姐, 唔好講話訓示la, 我眼見或者知道有唔少做父母嘅都好緊張子女嘅將來, 所以小朋友細细個就幫佢 plan 好多嘢, 出發点都係話對佢地好, 但從來無係小朋友嘅位置去唸吓, 到佢地大個咗,  同父母嘅關係都唔係咁好, 就係正如你所講佢地細時無得選擇, 一定要依從, 於是形成對父母對抗........唉......
其實小朋友一出世梨到依個世界是龍是蟲已是天注定, 當然做父母嘅要盡力哉陪及教導, 但佢將來會点, 条路点走顺其自然 la, 做父母嘅亦都應該放鬆D, 凡事向好果方面唸, 自已壓力都無咁大.....
anyway, best wish to you & your family
:

chuiiris

要計埋小朋友放學後, 有課外活動, 校車多數不會等課外活動完,
我小朋友本來乘校車, 但因課外活動, 1 week 要接3天放學, 星期六無校車供應, 但要上活動課的, 又是家長搞掂.

再加埋有時候小朋友溜帶東西, 又或突然吾舒服, 壞天氣等.

家長有很多機會時常在學校來來往往的.

不可輕視這些時間, 自己有車還舒服一些, 否則大人同小孩都辛苦

麟媽媽

學校可能有校車同褓姆車，你先問問學校方面。
我仔係灣仔讀書，學校都有2 架車行九龍的，
不過，一架車行晒成個九龍東，
你都估到幾耐喇，舉例將軍澳返灣仔，
架車要接埋九龍塘，仲行舊隧，
早上7:35 上堂，6:10 便要上車！！
係車上來回一日已經3 個鐘，
返半日既係學校都只是5 個鐘有多咋！
為仔女將來係重要，父母當然選擇最好的，
但總要配合得宜，唔好攪到小朋友咁辛苦。
搬屋係最好既，唔使係車坐到攰晒。
我地早幾個月反而係住開港島搬左過海，
我老公決定搬前已預左朝朝車個仔，
佢6:30 起身，7 點出車，係好辛苦架！
但無理由我地搵間學校比佢之後，
又住到舞雷公咁遠，唯有父母辛苦D 囉。

Bambi

麟媽媽
你做咩搬左黎做九龍人呀? 香港唔好住咩?

麟媽媽

係吖！貪新嗰度夠新，設施又好，
仲有空氣好D，不過最衰係個大露台，
得個睇字，唔敢開架！我怕貓少地太好奇....

仲有做九龍人，電費真係平好多架！
港燈離晒譜，有咩理有貴過中電咁多架？！

Bambi 寫道:
麟媽媽
你做咩搬左黎做九龍人呀? 香港唔好住咩?

Bambi

我都好鬼鐘意有露台既屋, 其實我同老公都想試下住大埔, 鐘意果度d樓無o甘密同空氣好, 樓又新又算方便, 但都係驚呀大少返學唔方便, 想等佢大d至諗.

麟媽媽

係呀！我地初時都心大心細，
好在我媽咪住港島區，
咁我地仲有back up，
而家亞仔放學都同賓姐係婆婆度，
老公放工一車返屋企囉。
我以前都鐘意露台，但原來成塊玻璃，
望落去都腳仔軟的，好在亞仔唔出去既，
佢大個D 嘛，小朋友細就咪制喇。

Bambi 寫道:
我都好鬼鐘意有露台既屋, 其實我同老公都想試下住大埔, 鐘意果度d樓無o甘密同空氣好, 樓又新又算方便, 但都係驚呀大少返學唔方便, 想等佢大d至諗.

laushipting

很多謝你的保貴意見。

  不過我想講既係我個情況有少少特別,因我同兩個女本身一齊住係香港，而我又係香港返工,平時照顧佢地既就是我年紀大既媽媽,而我又同個女女既媽咪分開左,所以我真係無乜野辦法唔俾我媽咪照顧,本來我都唔想講咁多私人野,好似等人同情咁,不過呢個網站上既,父親、母親或為人師表實在熱心,教我好多應該點先為到下一代,
同應該點樣做,不過我都係想講一句,我都唔想個女咁舟車勞頓,咁我就住香港但又要返工無時間照顧,剩係得返我媽咪可以照顧......
   咁我仲可以點呢...

laushipting

Thank you fax fax

  我經過你既意見之後試過聖心、聖嘉勒不過佢地已經收左生,真係有少少失望....不過真係好多謝你既熱心,我自從Post左呢段討論後真係好少有人肯答到我既問題,祇係聽到好多肺腑之言...不過都要感謝佢地,令我覺得呢個網都幾有heart同Feeling。
  另外我想問一問你所講既(點對點過tunnel) ,應該係邊度可以問下呢?麻煩妳...