大家覺得小一是不是適合用舊課本

ching0821

我囡囡今年入小一, 有朋友給了我舊課本, 雖有畫花, 但仍很新. 因為家中環境不太好, 想慳得就慳. 咁做僧唔會唔太好, 因其他小朋友都有新書. 如果係你, 會唔會用?

Sindy

其實都唔緊要的呀,我呢幾年都有幫助d有需要人仕搵二手書,好多時電腦/音樂/宗教/普通話書都好新下的,如果中英數多花痕,淨賣呢d都減輕負責架啦....好似我囡囡咁....人地高年班都比左d書我...咁我囡囡有兩套...甚至三套二手書(我都有買新書既)...但佢成日都唔記得拎書,好多時上堂都會拎二手書上堂,有時老師可能覺得佢有無買書都未定.....都無問題...今年呀,我有d買左比佢既書,直情新到無劃野.....可以resale返出去添.....你唔好覺得有問題,就唔會有問題,可以同囡囡解釋,咁樣環保丫麻,又可以慳返d錢做第二樣野

mandy_lee

阿女music 是用舊書的.
但有點要提醒各位如果d書內附有貼紙要小朋友貼的舊書不要拿出來賣. 上年我係bk度搵到合女女用的舊書, 但交收那天我沒有時間所以叫細佬代勞,點知回到家基本要貼的都已經貼了. 小朋友在課堂上看住另的小朋友貼,而自己無得貼.

SK1

我覺得用二手書都冇問題.我囡囡既幼稚園書都全部都留返比弟弟用.有時表姐用過的書,我囡囡合用都會用.如Reading書咁,普通話書都係用二手.作業就一定要買啦.我囡囡都唔覺得有問題.

yan媽

我覺得用二手書沒問題呀,其實書本都是用來學習呢,
當然要選擇一些比較好的舊書,例如不會被人畫到好花,
作業就要買過啦!最緊要留意書本有沒有改版,改版了的書本
就只能買新的啊。

jk67jk

據聞現在小學很多課本內都有課堂習作 (教科書內), 因此用舊書的唯一不好處便是同學在課堂上做習作時, 自己的一本已被上手用家做了 — 中、英、數都有這情況。 (這習作不同家中做的作業, 出版社這樣做, 逼人要年年買新書囉~  不過, 如果經濟有問題, 就不要顧慮太多, 尤其如果本舊書唔駛錢, 用得就用啦！)