升上小一后，大家小朋友適應嗎？ - 小學雜談 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 升上小一后，大家小朋友適應嗎？

發新帖

查看: 6181\|回覆: 16	go 升上小一后，大家小朋友適應嗎？ [複製鏈接]

Rank: 3 Rank: 3


	243

1^#

發表於 19-9-25 00:05 |只看該作者 |倒序瀏覽 |打印

小朋友入讀了一間重學術的小學，返學兩週，大人小朋友都感壓力，壓力來自寫手冊、做功課、課程快又深、老師無時間顧及學生進度。

我本身唔多朋友的小朋友上小學，所以無法比較其他小一生係咪都係咁，請求各位過來人可以分享一下如何幫助小朋友過渡小一？

Rank: 13


	88934

2^#

發表於 19-9-25 08:39 |只看該作者

我諗要幫助盡快適應小－生活，应該係K3果年做，而唔係升上小－时先做｡例如打好語文基礎，訓練自理力，調教好作息时间……小学唔似幼稚園禁，大班教学从來少有老師禁貼身貼心，所以自理係重要｡寫手册、功課呢d俾多少少时间(有小－預備班既会順暢d)，不竟只係开左学好短时间｡如語文强差人意，家長就唯有而家再加强伴讀，加快認字率，到下学期測考就無老師讀卷了｡

Rank: 11


	43232

3^#

發表於 19-9-25 09:07 |只看該作者

好多人忽略寫手冊，最好在k3時準備，好彩的是so 州過後有whatsapp, 快找幾個同學家長大家守望相助。

至於功課，時間管理很重要，同時要有小息和家長起初可以幫小朋友chk，唔係只會越來越慢和多改正

Rank: 11


	43232

4^#

發表於 19-9-25 09:08 |只看該作者

ps 間中主動問班主任小朋友上課時的情況

Rank: 3 Rank: 3


	243

5^#

發表於 19-9-25 09:26 |只看該作者

多謝大家寶貴嘅意見。

其實K3有小一預備班，當時寫手冊不成問題，但去到小學手冊字多，又得好少時間抄寫，當中都有唔明白寫緊咩，所以有壓力。會試試幫忙加強語文能力先。

另外，做功課設小息時間呢個建議好好呀，我都會試下。

大家點樣幫小朋友溫習呢，我發現自己係唔識同小朋友溫書，除左讀文章，具體嘅文法、句子結構點溫呢？俾練習佢地做？

Rank: 6 Rank: 6


	9903

6^#

發表於 19-9-25 09:54 |只看該作者

課程快又深、是不是坊間公認比較谷的學校？報讀之前應該要有心理準備～慢慢適應就好了，始終自己的小朋友自己比較了解～

Rank: 13


	88934

7^#

發表於 19-9-25 10:40 |只看該作者

本帖最後由 Yanamami 於 19-9-25 10:41 編輯

McA 發表於 19-9-25 09:26
多謝大家寶貴嘅意見。

其實K3有小一預備班，當時寫手冊不成問題，但去到小學手冊字多，又得好少時間抄 ...

無温習……讀故事書多，好多野自然日積月累入腦，補充練习只係測考前做當温习｡最好注意中英双線發展，好多小朋友到高小会自己偏左去用自己feel comfortable既語文学习，到时中英能力可能合越分越遠｡話說回來，有心升英中，尤其band1A的，係时候开始準備浸，唔好到高小先问点去提高英文水平……


	6839

8^#

發表於 19-9-25 11:15 |只看該作者

提示: 作者被禁止或刪除內容自動屏蔽

簽名被屏蔽

Rank: 8 Rank: 8


	15165

9^#

發表於 19-9-25 11:29 |只看該作者

McA 發表於 19-9-25 00:05
小朋友入讀了一間重學術的小學，返學兩週，大人小朋友都感壓力，壓力來自寫手冊、做功課、課程快又深、 ...

細女因為講故仔佢都會走來走去坐唔定, 所以比佢讀幼稚園happy kid,
k3 最尾三个月至開始有默書無考試, 之前也只有評估
佢同家姐都係讀同一間小學, 多功課, 但明显妹因為無得預前學習, 上小學有感壓力,
好在我週末接佢地回家, 到做工作紙, 有題目的, 都會同佢地一齊睇完,
跟住叫佢地講返一次, 久而久之, 佢地易掌握到點解題, 妹都要到下學期至無咁辛苦

Rank: 11


	43232

10^#

發表於 19-9-25 12:47 |只看該作者

本帖最後由 MrBeast 於 19-9-25 12:49 編輯

McA 發表於 19-9-25 09:26
多謝大家寶貴嘅意見。

其實K3有小一預備班，當時寫手冊不成問題，但去到小學手冊字多，又得好少時間抄 ...

好的開始是成功的一半，眼前的問題先處理左先，至於語文，是要浸，是一個長線投資，閲讀興趣從小開始培養，欲速則不達，考試測驗那些，買些補充針對性做下

Rank: 9 Rank: 9 Rank: 9


	20310

11^#

發表於 19-9-25 13:28 |只看該作者

McA 發表於 19-9-25 09:26
多謝大家寶貴嘅意見。

其實K3有小一預備班，當時寫手冊不成問題，但去到小學手冊字多，又得好少時間抄 ...

温習方面, 小一生中英文首先要識多D字先, 校內課文及校外都重要, 測考份卷一篇閲讀理解已經可以扣好多分! 仲有常識及數學唔識睇題目又係失分原因。

呢D靠平時多睇書累積返嚟!

小一仲有時間, 加油!

教養孩童,使他走當行的道, 就是到老, 他也不偏離!

Rank: 3 Rank: 3


	243

12^#

發表於 19-9-25 13:34 |只看該作者

好多謝大家。真的真的。你地太好了，我心情好多了。

我會努力，不箸急，先令小朋友開心適應小學生活先，再同佢一齊睇書打好基礎。
萬分感謝！

Rank: 5 Rank: 5


	1998

13^#

發表於 19-10-15 08:55 |只看該作者

其實慢慢會習慣，反而睇多d中文圖書，學多d中文字，小學好多科都應付自如！我兩個大果個唔喜歡睇書，閲讀理解長期低分！細果個小一小二成日去圖書館打書釘，所以考試同佢溫書輕鬆好多！始終小學都以中文為主！

Rank: 5 Rank: 5


	1470

14^#

發表於 19-10-15 12:44 |只看該作者

我家因為幼稚園時每天功課就好多，所以小一目前做功課，抄寫就還算順暢，因為每周會有默書（一周中默，一周英默書），所以平時會幫他一起溫習默書內容，另外空閒時間讓小朋友多讀一些書，對小一生來說多認字好重要，因為不管是中英文，造句，默書時候都要會寫才可以啊，很多時候都是想出來了但是字不會寫，所以建議爸爸媽媽多陪孩子一起讀書，另外剛升小一，多給孩子點時間，陪他一起去適應小學的生活。

Rank: 5 Rank: 5


	3382

15^#

發表於 19-10-16 15:26 |只看該作者

現在小一適應期只有約半個月，如果學校要教快某些科目是會更加忙，老師只是在追趕課程，主力應付下的默書，默前溫下的生字來應付，其他野不用溫，亦根本無時間溫，跟不上也不用太緊張，不要緊於追趕，到升上二年級後，你會發覺輕鬆了好多，因為課程已經無咁趕，正常晒。朋友囡囡今年一年級，學校趕課程勁過囝囝當年好多，附非小朋友是讀名幼，如果唔係頭幾個月一定會辛苦的。

Rank: 5 Rank: 5


	1305

16^#

發表於 19-10-24 06:39 |只看該作者

寫字能力的確對小一適應很重要，小朋友happy卷幼，學校沒有默書，但有閱讀習慣和暑假練定下寫字，所以升小寫手冊和默書這方面能快適應。

Rank: 3 Rank: 3


	184

17^#

發表於 19-10-24 11:30 |只看該作者

McA 發表於 19-9-25 00:05
小朋友入讀了一間重學術的小學，返學兩週，大人小朋友都感壓力，壓力來自寫手冊、做功課、課程快又深、 ...

可能我幫阿囡揀2線小學，教得5算太深，
但学校功課一至五維持8～12样、逢2默英、每星期測數和常、中文要認大量字，時間有点趕，e家都叫適應
可以keep到睇課外書、玩課外活動、2100瞓覺和3科100,英文96小測

‹ 上一主題|下一主題 ›

發新帖

熱門主題

中大醫學院推課程改革引入更多人文關懷元素12

最高瀏覽主題