08年度小一入學(有冇將軍澳區媽咪入黎傾下)

CARMA

直資將軍澳區有四間
播道書院
優才(楊殷有娣)書院 (小班制又好給引,但係如揀將軍澳區,只得一班小一)
陸慶濤 (舊些,但教育理念好)
真道書院 (校內設備完善)
但係又吾知邊間好?暫時我只係聽過真道同優才兩間講坐會!
(將軍澳心水) 馮晴(最近我屋企,但係聽bk家長講好似好嚴!)有冇媽咪比d意見呢?揀到頭都痛埋

CARMA

有冇媽咪可以比d意見呢??

iwff

CARMA,

我都係住將軍澳的,我會報3間將軍澳的直資小學：
1) 優才 - 已報了等面試,因為大姑奶的仔讀緊五年班,都推介這小學, 我去聽完簡介會都欣賞它們的小班教學及有才華班的活動 , 師資優良 , 小朋友讀得很開心。但調景嶺得一班比較難入 , 旺角校舍都會考慮的。(6月29日截止報名)

2) 陸慶濤 - 上星期已聽了簡介會 , 很欣賞學校嘗試多方面的教學, 音樂有不錯的成績,又有科學堂/通識科上, 唯一缺點係校舍舊同細 , 但我覺得問題不是很大,因為學費在直資學校中是便宜了。它有一條龍的英文中學直升 , 最緊要是近我家。我都會報名去考的 , 我欣賞校長係簡介會講不要交小朋友的profoilo , 因為學校係收小朋友讀書, 不是收家長 (profolio 都係家長的作品), 主要係考小朋友面試的成績及在幼稚園的成績報告。

3) 播道 – 雖然未有簡介會,但上網聽返上年校長在簡介會的錄音後, 很欣賞校長的教學理念 , 以學生為本。因為本身是基督徒都想入返有宗教背景的小學。學校一條龍直升中學 , 校舍又大又美觀是吸引之處。缺點係學校新家長要面對很多行政上的適應期(或混亂), 每年都要招聘良好的師資去應付每年新開的班級,這是最大的挑戰,亦是家長關心的情況。我有朋友的仔仔讀緊小一, 她說仔仔讀得很開心暫時未見到學校有大問題出現。我覺得新校很多事情一定要時間去適應的, 家長都要體諒及一起合作。

4) 真道 – 已截止報名,亦沒有打算報, 因為我個人喜歡學校有校服著的。而我不同意學校報名都要收$200手續費,太貴了及太商業化。

5) 港大同學會(柴灣) – 我有朋友兩個小朋友分別讀緊小一及小四, 她說港大同學會校風好,培養小朋友喜歡閱讀及學習環境開心, 雖然好似好遠但坐校車經東隧好快到的, 我都會報名但都不是容易考入的。

我同老公商量後會幫仔仔報考直資而放棄大抽獎, 因為希望小朋友能在輕鬆的環境下學習,不是操練式學習, 雖然小五每間學校都會緊張呈分考試的,所以功課開始多(包括直資小學),但起碼頭幾年是輕鬆學習不是填鴨式教育,這是我個人的睇法不代表其他人。我有同事大女讀直資, 細女讀津校, 她發現兩個女的學習情況有好大分別,明顯大女係學習開心又有豐富的常識,細女功課多不斷操練及有較大的壓力。

若仔仔考不到直資,我覺得保良局馮晴及黃永樹都不錯,功課量是不少的但小朋友及家長接受到就沒有問題。宣基係讀得開心但課程淺 , 我朋友的小朋友讀緊分享我知的。

希望以上的意見幫到你。

iwff

CARMA

iwff,
你的資料好詳盡啊,吾該曬你

DDFAMILY

我會選播道, 我有朋友個女讀緊小一,佢話好開心, 老師, 校長都好,加上學校環境好, 而且又系一條龍英小英中, 我唔會擔心佢因為新校, 因為現在直資辦學理念都好, 聽聞這間學校上年都有約1300人申請, 所以現在都幾難入.   

CARMA

HI~DDFAMILY,
係

iwff

CARMA,

1)優才 – 張form係由我老公填的,他好用心填。你是否問第一個point點填 ? 即小朋友在多元智慧七個方面有什麼才能? 我們覺得仔仔有邏輯數學的智慧 , 有些例子我老公有舉例在表格中的。但仔仔沒有證書和獎狀, 到面試時會交埋學校過往的評核表,因為老師的意見都係覺得仔仔在數學方面有天份的。另外記得面試時叫你老公請假一起去,因為真的有印象分的。
將軍澳08年有一班 , 旺角有3班, 因為開了中學部校舍不夠用。到小四全部旺角的學生又會返回將軍澳上堂的。其實我估長遠都會全部小一至小三去哂旺角校舍的了,因為好似有家長不滿對他們有其他小朋友讀緊的不方便一起照顧,才仍有班開在將軍澳。我建議你選擇哂兩個校舍報名,機會會大些,若真的收了去旺角校舍才再考慮吧!

2) 陸慶濤7月才開始報名,到時上網留意下啦, 陸慶濤直得報名的。

3) 播道都係等聽簡介會去了解多些, 仍然會報考的。

4) 真道好似話收了就要交一個月學費留位了, 真的要考慮清楚。

5) 港大同學會係香港區好出名的,我朋友住麗港城坐校車不用半小時, 我覺得ok的,同返九龍塘分別不是太大。

宣基不是一條龍的,因為宣基中學程度好但宣基小學程度淺 , 所以宣基中學都會選擇學生收的,不一定收宣基小學的學生。其實保良局的學校都係有些傳統教學的模式了,好難講是否活動定填鴨式教育 , 我相信操練一定有。我有朋友係港澳信義會教書的,等我問下資料再覆你,因為我冇考慮這間小學所以很少留意。

保持聯絡啦 !

iwff

Lily2003

iwff

好欣賞你講得咁詳盡, thanks.

CARMA

iwff,
吾該曬你

dleelm

iwff,

港大同學會3/7開始招生啦.


CARMA,

你朋友個女女係臻美黃乾亨小學讀緊小二, 請問讀中文班or英文班架 ?

dleelm

duplicated

iwff

CARMA,

我都有朋友個仔讀緊臻美黃乾亨小五,但她告訴我很多負面的情況給我知,他的仔亦不會考慮升上中學,一方面學校轉了中學做國際學校,學費昂貴,同她最初送仔仔入讀臻美黃乾亨的理念有所不同,他仔仔讀中文部,英文不是很好的。真係冇功課做的。但是否報讀就見仁見智了,我決定不會報考的了,因為學校的理念和我的不同。

iwff

CARMA

dleelm,
讀英文班,學校都幾貴

iwff

dleelm,

你真係好快收到料, 我等埋仔仔的最後評估報名先去報港大同學會, 多數去聽8月的簡介會, 7月7日的簡介會好似很急。

See you.

iwff

CARMA

iwff,
我個朋友都叫我吾好讀

CARMA

鑽石山

iwff

Carma,

我朋友有個細仔都係不打算報哥哥讀緊個間臻美,原因和你朋友一樣。

國際基督教優質音樂中學暨小學聽講學費很貴的,我不打算報。

[quote]
CARMA 寫道:
鑽石山

CARMA

iwff,
其實將軍澳四間直資小學,邊間d課程深d呢?邊間淺d呢?