好唔開心,為名次要失去理智 - 只不過是幼稚園!

cheukue

好唔開心,剛剛考完評分試,學校便急於通知某三個冠亞季同學去
綵排,使到冇份之家長好唔開心,我都預咗自己嘅小朋友冇份,但個心好唔舒服,有位家長遲遲未接到電話,便大發嘮叨,因他嘅小朋友年年考第一,那麼其餘嘅家長往那裡宣洩!

wfmic922

原文章由 cheukue 於 07-7-7 08:08 發表
好唔開心,剛剛考完評分試,學校便急於通知某三個冠亞季同學去
綵排,使到冇份之家長好唔開心,我都預咗自己嘅小朋友冇份,但個心好唔舒服,有位家長遲遲未接到電話,便大發嘮叨,因他嘅小朋友年年考 ...

你咪唔開心啦,我個小朋友咪又係囉,就連小朋友都覺得唔開心先至.........唉!啲學校要叻唔係要放小朋友的感覺於第一線嘅!!!!

cheukue

謝謝各位關心,其實最受影響嘅係小朋友,他們會受大人的一舉一動影響得好深遠,無論處於那個狀態.我要學習不要太執著,我時常教導我嘅小朋友,嬴輸不重要,最重要是過程和參與.:

kerobobo

我個仔岩岩高班畢業,之前佢幼兒班拿操行獎,低班拿進步獎,
今年拿了個勤到獎,初初我自己都有d唔開心(愈拿愈差),又成日問佢
呀邊個邊個同學拿咩獎,不過後來覺得自己咁樣唔岩,佢又拿住份禮物好開心,之後都冇野仲讚佢叻,只要佢開心就得啦!

AnnieClarabel

我仔仔K1得到進步獎, K2得到學業獎, 今年K3要下星期六先派獎; 自問好緊張, 但我唔會畀個仔知, 有邊個父母唔想望子成龍? 唯有盡量控制自己情緒, 萬一到時真係得唔到獎, 只有同仔仔講下年再努力o羅, 最恐怖舊年有位家長, 畢業禮後, 佢仔仔喊&扭計, 話點解自己得唔到獎, 咁個媽媽就答: "乖! 唔好喊, 一陣出街買返個獎杯畀你"

hat

一山還有一山高.

小朋友咁細個已經要加入競爭

家長的心態很重要. 對小朋友性格有莫大影響.

記得有一個CASE 係 : 一位小學生 (很愛錫媽媽) , 他為了取悅媽媽. 他犯了偷竊罪.  他只想將偷回來的"獎品" 送給媽媽. 話比媽媽知自己在學校得到獎.  (那份偷回來的"獎品"不是玩具不是糖果只是一份他認為媽媽會喜歡的東西)


小朋友的價值觀是從小培養. 勝敗不是最重要. 過程才是精華所在.


我小朋友得不到品學兼優獎. (他全年的評估試卷中英數等等做對了98%-100%) 我已為點都有獎. 誰不知... 得了別的獎項. 心裡當然有失落. 但是仍然讚賞他. 他問我為何得不到 品學兼優. 我反問他為何 XXX 同學 可以得到. 他於是說因為平時他什麼也會...

我希望孩子憧得欣償別人和自己. 會分享別人的喜樂. 他的人生將會有無限快樂元素. 這些元素將會是陪伴他行走這條人生路.

[ 本文章最後由 hat 於 07-7-7 11:19 編輯 ]

SandyWu

要小朋友係幼稚園就有壓力,會唔會唔係太好呢

PansyMummy

我的囡囡夠無任何獎狀攞啦, 佢由Ｋ1 至 今年Ｋ2,中文, 英文, 數学及常識所有paper都係100分咪又係無獎, 不過我每次都讚她叻同埋叫佢要繼續加油、努力, 我亦都會成日話俾佢知佢嘅成績係佢自己同自己比較。
有次佢学校做默書, 點知我唔記得幫佢温習, 結果3個英文字唔識2個:cry: :cry: 。我就同佢講: 今次做得有任何唔好, 下次可以再努力, 不過我亦會問佢自己知唔知點解唔識, 佢都會識得同我講話自己無俾心机温習同埋掛住玩。(聽到佢識得咁樣講, 我都即刻心軟唔再話佢)
我又同佢講話如果佢想keep住以後每次默書、評估paper都可以100分的話, 佢便要每天放学做完功課後都必須自己温書, 希望這樣可以令佢習慣讀書都係靠自己同埋唔好同別人比較。:

心美

明白家長對小朋友學業係好緊張,但我個人覺得唔應該為有無獎而特別高興OR特別唔開心囉,仲要係幼稚園,好似過左D位

Sandra_100

小兒的幼稚園也要"評估"，在K1時第一，在K2時第二，K3未知。不過相信會更差，因他很大意，又唔鍾意對卷。但我一點不開心也沒有，因為我知道他不是無心機讀書及懶，只是唔小心。試問一個六歲小人兒又會小心到那裏呢?

各位家長放鬆點吧，不要只著眼於成績。若令小朋友有心理陰影便不好了，這影響可以很嚴重的。

phoebelamlam

我細囡都要評估呀,不過佢而家k2,都未同佢溫過書,
一)佢唔彩我,我講咩佢都唔信
二)佢覺得佢自己可以應付
所以我都未試過同佢溫默書同埋評估
不過暫時佢d分數都仲可以
有時都係因為大意錯,

不過如果咁細個就要比分,其實我都唔多想,
不過現實係咁,我只可以接受
(不過唔會逼佢)

PCCW2319

原文章由 心美 於 07-7-7 12:22 發表
明白家長對小朋友學業係好緊張,但我個人覺得唔應該為有無獎而特別高興OR特別唔開心囉,仲要係幼稚園,好似過左D位

agree

召藥師

我就係怕佢地咁細個就冇哂純真要同同學比較鬥個你死我活，所以揀間冇考試同測驗ge幼稚園俾佢地，一來我唔駛激心要佢地高分，佢地又唔駛咁細個就太大壓力。

janfion

其實去年我都有這個同樣的經驗，小朋友只是讀PN，但有分名次，頭三名會參加幼稚園的畢業禮，上台領獎，其餘都有餘下七名的成績獎。

我小朋友科科100分，但什麼獎都沒有，其實個心難受，都只因有期望，之後便失望了！

我小朋友成績不錯的，但自知當然在「人比人」之下，總有話頭醒尾，又精乖伶俐，討人喜歡的小孩，基本上，我都不斷叫自己放開點，心中不忿的只是為何那個很差的都在十名之內，而我小朋友100分都無獎？是因為我不是原校升K1？我小孩不懂在老師面前裝可愛？

學校真的有點似「辦公室政治」的縮影，平時的中秋節、復活節等等的手作仔已經是家長們的鬥爭項目之一，小朋友又怎會做到咁靚的手工藝？

算吧，現在我小朋友讀的幼稚園，沒有這些排名，我覺得做人都無咁大壓力，只是幼稚園而已，何必呢？漫漫長路，幾時要唔開心到他們讀大學？

MrsFung

請問係咪現在的幼稚園有試卷及評分數？
點解你們的幼稚園好似小學咁，有名次排？
我女讀K2 ，但學校都無考試的。
只係評估，評估表裡都唔係用分數比分，只係用星星、圓形、三角形。

a961115

學校真的有點似「辦公室政治」的縮影，平時的中秋節、復活節等等的手作仔已經是家長們的鬥爭項目之一，小朋友又怎會做到咁靚的手工藝？


無錯, D作品靚得誇張咗D, 唔似係小朋友自己做, 雖然話係親子
活動, 我想都係父母一手攪點

cheukue

真心的謝謝各位朋友 ,我睇完各位的寶貴心聲,我心情回復噃,
的而且確,我間幼稚園太著重名次,使到家長和小朋友為

cheukue

真心的謝謝各位朋友 ,我睇完各位的寶貴心聲,我心情回復噃,
的而且確,我間幼稚園太著重名次,使到家長和小朋友為