欠眼神接觸是否一定自閉?

csksandy

我囡25個月大,最近上協康會ＰＧ，有家長同我講,佢留意到囡上堂欠眼神接觸，同埋佢兒子行為似我囡，最後評為輕度自閉症，叫我儘快去CAC　ＣＨＥＣＫ。我一直有留意阿囡欠眼神接觸，但身邊既人不認為佢自閉；１８個月返健康院ＰＡＳＳ；去過LINKS找職業治療師做感統評估，結果係囡囡前庭覺，觸覺反應過敏，影響到探索，卻沒有自閉問題，因為佢肯聽指令，認知正常；教會ＰＧ老師提過眼神接觸較弱同埋佢專注力有問題，佢對陌生環境需要周圍望來得到安全感，但佢有回應老師，肯聽指令和嘗試接觸小朋友；私底下亦有問協康會姑娘，話佢有聽指令唔似自閉，叫我再觀察下。請教有無家長仔女有相似情況而最後評為自閉症，還是只是感統失調？THX!

我囡日常情況:

-同人近距離欠眼神接觸,講hello,byebye時眼睛唔望人,叫佢10只有5次望我，呢樣最令我擔心。
-影相經常迴避鏡頭
-過份害怕陌生人, 有陌生人探訪一定大喊,要一段時間先肯望人，同人玩GIVE ME FIVE. 如陌生人帶小朋友或者寵物,反應較熱情
-有感統問題如唔肯穿隧道,爬高, 接觸膠水,麵粉,顏料;不吃凍既食物和水果. 兩歲略為改善,肯玩鞦韆,波波池,跳彈床和搖搖板
-上pg老師點名佢會舉手講”到”,但老師講故事時唔專心,坐唔定,眼睛成日被其他環境影響,周圍望. 玩群體遊戲中途有時會離場.離開課室著鞋時又唔專心, 只望其他地方
-去公園會同小朋友打招呼，玩追蹤遊戲,但抗拒被小朋友捉,有時會大喊
-去disneyland遠望卡通人物好開心,但近距離影相即大喊
-大發脾氣時會用頭撞人,咬人


-會聽指令做動作
-鍾意玩PEEKABOO, BOO吱吱和UP AND DOWN,
-有玩煮飯仔,洋娃娃幻想性玩具
-不喜愛睇風扇,車輪
-沒有沈迷一種行為,如睇地圖,玩火車.反而佢每一種玩具玩唔耐.
-識講短句,例如食麵包, 睇電視, 坐火車, 去公園,見醫生,我要xx, 鍾意xx
-偶然會同我分享事情, 如指東西,拉住我睇野, 講”睇下”，睇故事書成日手指指有趣東西
-沒有極度固執行為, 發脾氣時偶然會聽我地解釋,冷靜下來

Peasmama

你囡囡嘅行為好正常喎！

csksandy

你既意思係少眼神接觸不一定是自閉?THANKS

Ting0408

回覆 csksandy 的帖子

欠缺眼神接觸不一定是有自閉。
被評為自閉也不一定欠缺眼神接觸。

要準確評定小孩有自閉傾向需附有多樣特徵，大部分個案中被評為自閉的小孩都有欠缺眼神接觸的特徵。
但我在工作中亦有遇到不少個案是沒有欠缺眼神接觸的問題。

LeeCC

我个仔眼神姑娘形容交足貨，但因為固執行為同社交落後，医生話係自閉

csksandy

多謝各位意見. 我囡8月返N班,  最擔心專注力和感統問題影響學習和社交.現階段我會KEEP住上PG觀察下佢行為,再決定是否找醫生CHECK.

齊齊加油

Relax ,我覺得你形容囡囡同正常小朋友一樣。但你可以留意下講trouble two 嘅書或文章

w_love_J

你囡囡既徵同我個仔極似，又係除左冇眼神接觸外，智力同聽指令等等都好正常。

我地去協康同step都做過test，都係話佢感統有問題。但係咪自閉，2個治療師話想睇多陣。因為我小朋友只係得19個月，同埋佢去其他playgroup都好正常，但一去陌生環境同埋做d觸感野就好唔ok。

佢都仲未講野，但就哼都好多首歌仔。單係感統問題我唔太驚，最多train密d, 但如果自閉就要諗之後條路點行了。

funghon

原帖由 LeeCC 於 14-03-31 發表
我个仔眼神姑娘形容交足貨，但因為固執行為同社交落後，医生話係自閉

正常小朋友都會有d固執，要固執成點先叫自閉？

LeeCC

不接受慣常流程改變，如物件改变位置，轉課室，代課老師

行指定路線，出閘機，車廂

沉迷路線图，catalog

有指定儀式

一般正常小朋友几固執，都未必有以上行為