62vs66網

婥蔚媽咪

想問大家~~我唔知點choose好~~
我住65網既,我媽咪就住62網~~
65網我就like仁立同仁紀,62網我就like浸信會聯會同馬灣基慧~~
65網多d英中~~但62網既小學又好似好d wor~~點算呀?
我想問既係:
1. lee4間你地會點排呢?
2. choose邊個網好呢?
3. 咁第一階段我choose邊間好呢?(我有20分,大女,適齡加基督教教徒)
4. 另外,其實我好like協恩,好想第一階段choose佢,係咪真係好微呢? 咁我真係choose左佢而又唔得,咁我去上述4間叩門係咪機會少左呢?


[ 本文章最後由 婥蔚媽咪 於 07-7-17 13:40 編輯 ]

婥蔚媽咪

唔該幫幫手~~

婥蔚媽咪

婥蔚媽咪

冇人既?

婥蔚媽咪

Lovely媽咪

好難講邊間好,你個4間都係分別係2個網的熱門,如你有教會分入教會學校就機會一定大啲.
另你住邊區呀,協恩好似係天光道個邊,我就唔贊成要捨好耐車先返到學校,你計吓放學返到屋企真係冇咩時間,有時見到呢啲小朋友真係仲辛苦過我地返工:cry:

bnene

四家都確實是兩區的熱門學校，
仁立會是較轉統的教學，要預算家長要和孩子一起keep著很辛苦的，但要是keep得好，最少有保險直上林護，進取一點可以去考九龍的名校，他們今年有人straight in DGS, DBS,St Paul Co-Ed，派位不錯。不過仁立的話，不要期望學校有太大的支援，派得好的學生，全是在家裡父母自己教的，不過學習氣氛算是不錯。

馬灣基慧，我不太清楚，所以沒有意見，但聽BK的媽媽所述，都是不錯的。

浸聯，聽說是活動教學，但學生的派位如何，可以與仁立、仁紀比一下，便能知一二了。

但如果有信心的話，試一下協恩也不太壞，至少也有一家協恩中學做backup，不過讀協恩的辛苦程度，不比讀仁立輕的，所以近年他們偏向收取那些媽媽是主婦那種，以便父母能在家裡支援孩子的學習。

原文章由 婥蔚媽咪 於 07-7-17 13:25 發表
想問大家~~我唔知點choose好~~
我住65網既,我媽咪就住62網~~
65網我就like仁立同仁紀,62網我就like浸信會聯會同馬灣基慧~~
65網多d英中~~但62網既小學又好似好d wor~~點算呀?
我想問既係:
1. lee4間你地會 ...

csy_ma

婥蔚媽咪：

我係heart&moon呀．乜輪到妳地揀學校嗱？咁快！

妳個囡咁醒，協恩未必讀得辛苦．又聞說，佢學校響低年級竟然冇排名，咁就幾值得欣賞

浸聯同馬基既好處，都係小一適應時冇咁辛苦．

有升P2既浸聯家長同我講，佢地默書到下學期都係玩填充題，冇範圍外既野，真係幾舒服．不過，如果1-6年都咁舒服，升學率就冇咁高啦！聽講佢地都谷，響高年級（其實妳問我同妳都識既妳個囡同學仔就知啦，佢阿哥讀浸聯）．

馬基老師都幾有口碑，好 聞說去年換了校長，開始有點想谷．不過有老師認為未必是壞事．佢地P1第一個學期既考試測驗分，係唔計既，俾足夠適應期予家長．

仁立仁紀當然會有排名榜，傳統使然，家長都好著重．仁立既老師經驗深D，佢地多半選擇較傳統既教學法．
我幾欣賞仁立既，係佢地響常識既考卷上，出好多課外題．搞到D幾重視成績既家長，都要預留吓時間，俾D小朋友每晚留意新聞 ，唔好一味死讀書．
不過有關仁立的分數勢利嘴臉，時有聽聞（可以換另一角度講，唔玩歧視，又點會全校一致向分看，激勵到D小朋友向更高、更好既成績邁進 ），令我對此校很難產生很大好感 ．但我諗妳個囡都唔會係被歧視果一群，應該唔駛點擔心（揀得仁立既，家長都會想方設法谷小朋友，同時相信小朋友有經受起壓力和歧視既承受力，應該同學校既目標幾一致）．

至於仁紀，因為我囡讀緊，自然希望再有機會同妳囡再做同學．佢既好處係：

1 校長走親民政策，所以看來較重視家長意見（我講既唔只係PTA既溝通，從其在開學一個月後，有專for新生既班主任座談，同每年2-3次的家長茶聚，供家校有雙向溝通渠道可知）．

2 老師傾向用較靈活教法：由看來不大喜歡我囡（我囡基本上沒有欠交功課，但在上學期主科老師加填的各項表現欄中，數學功課交齊率最初都係攞B，後來才改回A，可能小囡因為功課寫得不大整齊，給老師既印象不甚佳有關）、要求嚴格的資深數學老師，後來都要以糖果獎勵，在班上玩搶答遊戲看到，老師普遍認同傳統的教學法，需要翻出點新意．

3 老師積極鼓勵學業成績稍遜的學生：我囡中文成績6字頭，應為全級中下之列，但她反而獲選在校園電視台中，參與錄影「讀寫樂」的節目．再看看其對白劇本所寫的原擬參與的同學，沒有太多是中文科成績名列前茅的．可見，這是老師利用活動教學，刻意引起成績稍遜同學學習興趣的方法 （最少需認識劇本所寫的字，並了解到學中文記部首的方法）－－老師在這方面的心思，我經常都會發現．

妳去仁紀個網（討論區最後），會發現好多家長會久不久就讚吓自己班既老師（當中亦有新加入的老師），可能我以前看得不夠深入，這是我在仁立網較少看到的 ．

csy_ma

婥蔚媽咪：

有關選校，我響其他欄也寫了些，有空可參考吓：
http://discuz.baby-kingdom.com/viewthread.php?tid=1038303&extra=&page=1

http://discuz.baby-kingdom.com/viewthread.php?tid=1034694&page=1#pid17603247