校長推薦計劃⋯國內升大學

annie40

有親戚的孩子通過以上計劃，獲得國內頂尖學府取錄，問我意見。分享如下

1）真心恭喜。通過校長推薦而獲得錄取，孩子必定有過人之處。
2）國內名校生經常吐嘈，外籍學生，海外華僑和港澳生考入清北浙復交，比國內學生容易得多。
3）他們所說的都是事實，因此常聞有海外生掛科情況（不合格）。其實國內生也會掛科，考試不理想就掛科，沒有什麼大不了。掛科歸掛科，甚少香港或華僑學生畢唔到業。（若果有，請知情人士分享）
4）名校有中文或英文授課課程，香港學生應該有選擇。（註：女兒讀的碩士課程，她被歸類與㚈籍學生上課，只能接受用英文學習）
5）如果想讀中國歷史，怕唔怕中文追不上同學水平？這個問題牽涉香港學生有多大決心和興趣？真心喜歡的人，總會願意付出更多努力，更容易策動內驅力，只要內心堅定，有足夠內驅力，相信數月至半年，便會追上。女兒在海外，曾經五年停了中文學習，卻因一份兼職需要認真較對中文和英文翻譯，才急起直追把短板補回來。我還是相信「事在人為」。
6）念中國歷史出路？真的不好說。我知道有人畢業後做編劇，自由工作者，收入約數萬元，另外有版權費等。內地影視圈蓬勃，創作人的收入只會愈來愈高。
7）看過文章提到名校也不乏「空心人」和「抑鬱症」學生。
8）大學宿舍一般是四人間或六人間，學校其他設施完備。（普遍比英國好）
9）記得北大約二萬多學生，清華多一倍，校舍更大。
10）在國人眼中，以上名校生，是人中龍鳳。但不代表一定搵大錢，清華engineer畢業去巨企工作，標準年薪50萬。其他專業收入不能相比。
11）念政治的出路？真的不清楚.只知道有畢業生是企業的戰略顧問.或公共政策顧問。
12）女兒公司曾經有位男同事是清華哲學系碩士,能力差強人意,還經常言語暴力欺負女同事,最後被開除了。性格不行的人,無論學歷如何,也難容於職場.

ANChan59

我以前都講過一個兒子的同學，DSE成績優秀，因為肥了一科中文2，在校長推薦計划去了清華讀一個與加拿大UBC的一個雙學位法律課程，三年清華讀大陸法，另外兩年在溫哥華讀普通法。畢業之後在溫哥華實習，現在留在那邊工作。每年由北京及溫哥華回香港，一定來拜訪我們。

他的中文是不錯的，但香港的考試方式玩死佢。到清華法律學院以中文為主，如果香港認為中文唔得，但在清華完全冇問題，都幾諷刺。去到UBC自然是英文授課，更加冇問題。

清華宿舍跟DBS及UBC宿舍是有一段距離。

國內這兩年畢業生的就業機會及起薪點都係差咗，不然的話國務委員不會勸學生下鄉務農，擺地攤。加上去年底北京河北石家莊疫情屬中高風險，去其他省市要PCR 陰性，而且要集中隔離十四天。近期北京疫情受控，要核酸測試，但不用集中隔離。

國內高校畢業生起薪點到2019年最高是清華北大都係一萬出頭，頭20大平均約7千8千。地域性工資深圳上海比北京高，如果講高新科技發展國內年輕人會喜歡南方，特別是深圳。

國內幾間科技出名的大學在深圳都有實驗室，例如清華，交大。

ANChan59

https://m.chinanews.com/wap/detail/zw/cj/2020/09-14/9290573.shtml

上面有2020的畢業生起薪點下調，及2019的平均工資排名。前50名，廣東省有四間，華南理工大學，中山大學，深圳大學及暨南大學。

Yanamami

ANChan59 發表於 21-4-17 14:42
我以前都講過一個兒子的同學，DSE成績優秀，因為肥了一科中文2，在校長推薦計划去了清華讀一個與加拿大UBC ...

巨企果然唔同檔次，出手真係唔同尐……相差五倍人工呢？唔知要咩條件先會得巨企青睞？

October.

Yanamami 發表於 21-4-17 16:26
巨企果然唔同檔次，出手真係唔同尐……相差五倍人工呢？唔知要咩條件先會得巨企青睞？ ...

巨企人工檔次，就似香港讀醫\讀golbalB?
大陸人多競爭非常大，我公司同國內多業務往來，有啲客都識左十幾年，個個高學歷，有個女仔3X幾歲，北大畢業，5百強公司（國內中意講5百強，非科技公司），一個月萬幾人工（已包埋獎金，10年以上年資）），我同佢聯絡起碼十年以上，同一崗位，未見佢升職，係香港做同樣野我地幾個同事沒一個大學學歷。所以，返大陸闖並不容易，人材？ 大陸一啲都唔缺，香港人要掂下自己咩斤兩，好叻仔叻女，或者好有背景。

ANChan59

October. 發表於 21-4-17 18:31
巨企人工檔次，就似香港讀醫讀golbalB?
大陸人多競爭非常大，我公司同國內多業務往來，有啲客都識左十幾 ...

你這個及畢業生起薪年薪50萬，肯定係 outliners，不能作準，用上面個表作參考，起碼不是個別例子。

香港大學及中文大學，每年畢業生起薪點平均值都會有一個數抽起醫科生，這樣跟其他大學有可比性。

我N年前讀理工，最高人工係冇人估到嘅日文系，當全校平均三千幾，他們平均二萬幾。儍瓜才會儍吓儍吓以為畢業有月薪幾萬。原因係每年收生入數不多，約一半左右是警方商業調查科保送入去讀，入學已經係督察，高級督察，總督察都有。抽走他們，咪還原基本步。

akys

October. 發表於 21-4-17 18:31
巨企人工檔次，就似香港讀醫\讀golbalB?
大陸人多競爭非常大，我公司同國內多業務往來，有啲客都識左十幾 ...

'大陸一啲都唔缺，香港人要掂下自己咩斤兩，好叻仔叻女，或者好有背景。'



這句真。冇人事非特異功能香港畢業生唔好妄想了。不過，華為都有請香港人，本身在行內都發展唔錯，轉入去個價非常好，不過好難升職。

annie40

akys 發表於 21-4-17 20:43
'大陸一啲都唔缺，香港人要掂下自己咩斤兩，好叻仔叻女，或者好有背景。'

好難升職是能力問題，還是因為是香港人？又或無背景？

akys

annie40 發表於 21-4-17 21:26
好難升職是能力問題，還是因為是香港人？又或無背景？

冇背景。大公司裏最難玩嘅係派系，一個外人唔知邊個打邊個，要非常小心，能生存絶對堅。

October.

ANChan59 發表於 21-4-17 19:41
你這個及畢業生起薪年薪50萬，肯定係 outliners，不能作準，用上面個表作參考，起碼不是個別例子。

香港 ...

我明，醫生呢d係特殊例子，唔可以拉入平均計，就係想講，總有一d特別出色或某啲界別既畢業生人工超高的。

October.

akys 發表於 21-4-17 20:43
'大陸一啲都唔缺，香港人要掂下自己咩斤兩，好叻仔叻女，或者好有背景。'

一些大企業履行社會責任，係有請fresh grad，馬雲公司都有請，我女朋友八大marketing畢業，當時一畢業就去杭州返工，做左2個幾月就返返來。

akys

October. 發表於 21-4-17 22:51
一些大企業履行社會責任，係有請fresh grad，馬雲公司都有請，我女朋友八大marketing畢業，當時一畢業就去 ...

幾好吖，起碼有入職機會，俾後生仔女了解國內職場生活

ANChan59

October. 發表於 21-4-17 22:41
我明，醫生呢d係特殊例子，唔可以拉入平均計，就係想講，總有一d特別出色或某啲界別既畢業生人工超高的。
...

在國內人工特別高的本科生，有特異功能？他爸爸有特異功能多一些吧！

我識小朋友大二去螞蟻金服做 intern，阿爺係前省長，阿爸係⋯⋯ 他香港出世，螞蟻金服俾香港大學生有兩個位，一個俾佢。佢係有料，佢對這些拉關係入到冇興趣，之後最後一年去應用科技研究院做 Fintech intern，然後畢業做初創公司，今年下半年公司轉去美國。

ANChan59

akys 發表於 21-4-17 20:43
'大陸一啲都唔缺，香港人要掂下自己咩斤兩，好叻仔叻女，或者好有背景。'

我有見過華為高層在香港是台灣人，當然不是本科生，在台積電挖角過嚟，先在深圳，然後再派嚟香港！

你見得多科技人，你的说法接地氣好多，冇咁虛幻世界！

akys

ANChan59 發表於 21-4-17 23:49
我有見過華為高層在香港是台灣人，當然不是本科生，在台積電挖角過嚟，先在深圳，然後再派嚟香港！

你見 ...

無論如何，年輕人唔怕失敗，乜都試下冇壞嘅。

Yanamami

ANChan59 發表於 21-4-17 23:25
在國內人工特別高的本科生，有特異功能？他爸爸有特異功能多一些吧！

我識小朋友大二去螞蟻金服做 ...

阿爺係前省長……At the end of the day都係去左美國……

October.

ANChan59 發表於 21-4-17 23:25
在國內人工特別高的本科生，有特異功能？他爸爸有特異功能多一些吧！

我識小朋友大二去螞蟻金服做 ...

所以，睇到人講國內人工高既fresh grad，就撲到去，要諗清楚自己情況。

香港都大有特別高人工既fresh grad，醫生，IBANKER, OA.....

ANChan59

October. 發表於 21-4-18 06:45
所以，睇到人講國內人工高既fresh grad，就撲到去，要諗清楚自己情況。

香港都大有特別高人工既fresh gra ...

上國內工作的fresh graduates 有較大機會成功嘅，簡單分為兩大類，一類係有些人胍網絡關係，勉強算自己人，入到去，有貢獻，融入到國內企業文化，了解市場運作，生存到，可以做到一定位置，但如果真係講500強，就真係難講d。二線公司，初創公司機會高些。

另一類香港走投無路，或者選擇不多，反而破釜沉舟的決心往前衝，北上或者北漂，真的成功，都跌跌碰碰不少次及時日，是一個不錯的鍛練。

如果想著國內滿地黃金，可能要分析一下自己嘅SWOT analysis ，勝算多大，然後破釜沉舟。如果有這樣決心，去到邊度都有很大勝算！

你上面有typo，應該是AO，不是OA，除非你玩嘢。

ANChan59

akys 發表於 21-4-18 00:42
無論如何，年輕人唔怕失敗，乜都試下冇壞嘅。

同意。

ANChan59

Yanamami 發表於 21-4-18 01:01
阿爺係前省長……At the end of the day都係去左美國……

這個好正常，永遠都係隔離飯香。

我強調個年輕人本身係好掂，插班lB，入HKU，不過，贏在起跑線可能是阿爺同阿爸。他家庭很有教養，對人處事態度非常好，經常來我們家打機。

當初有 offer，佢想拒絕，但佢做咗我家CEO的mentees，以佢做對象，用SWOT及其他工具分析之後，加上多次面談，他才願意接受個 offer，用螞蟻金服的Fintech做踏腳石，冇這個經驗肯定入唔到ASTRI ，企在巨人膊頭上有優勢嘅。

反而去初創是同學之間介紹，做得開心，人工次要，後生仔好多時冇我哋成年人咁市儈。

唔講啦，不要客家佔地主，我縮番去另一便吹。