【短片】K2生搶入新小拔 校長親述秘笈

elbar

http://hk.apple.nextmedia.com/news/first/20130908/18414050





■拔萃男書院附屬小學昨日舉行小一入學講座，有約2,000名家長到場取經。

報讀明年小一入學戰開始，家長搶攻名校有新招。約2,000名家長昨出席直資名校拔萃男書院附屬小學（新小拔）入學講座，有家長探聽會否接受現讀幼稚園低班（K2）學童報讀，結果出人意表，該校首度表明K2也可報小一，通過面試可跳班入學。選校專家估計掀起K2學童報讀潮，即使失敗也可當熱身。

位於旺角亞皆老街的新小拔昨晨舉行兩場小一入學講座，首場家長逼爆禮堂，部份要坐在二樓，次場也有七成滿。居於何文田的岑先生昨晨5時半便到校外排隊，當時人龍已逾70人。該校小一學額有150個，本月14、16及17日收表，約10月初面試。該校去年收到逾3,000人報名，本學年學費4萬元。

到來取經主要是幼稚園高班（K3）幼童的家長，但也有不少K2及子女仍要手抱的家長未雨綢繆取經。一名媽媽在提問環節表示，其子現讀K2，是否也可報讀明年小一。校長羅錦麗回應稱，會照收K2學童的報名表，如通過兩輪面試，可獲取錄讀小一；若不獲取錄，翌年K3可再報讀。在場不少家長大表意外。


■新小拔舉行入學講座，家長以平板電腦拍下內容參考。


■有家長帶同小童到場，為備戰入學試作準備。

暫無K2生取錄個案

明年小一生主要於08年出生，即明年9月時約6歲。教育局規定入讀官津小學小一生，最小必須年滿5歲8個月；但直資小學有收生自主權，彈性較大。K2生約4歲，若報讀小一獲取錄，即5歲成為小學生。

羅校長在講座後表示，過往確實有K2學童報讀小一，家長可交K1成績表供校方參考，不過她指，入學面試時K2學童僅4歲，比K3小1歲，勉強報讀恐揠苗助長，「細一年（表現）相差好遠，家長應循序漸進，逼佢哋（應付面試）唔係咁好」。

新小拔發言人補充，六、七年前有在英基幼稚園讀K2的學童報讀，但未能通過首輪面試；至今未收過本地一般幼稚園K2學童報讀及取錄個案。

新小拔小一學位競爭激烈，羅校長昨解答家長問題時透露面試「秘笈」。所有報讀學童都可參加首輪面試，校方會先讓他們在觀察室數十分鐘，每次約30人，任由他們砌積木或看圖書。羅校長爆料說，其時老師已在觀察小童表現並評分，「有啲會霸晒玩具嚟玩，或者整到人哋喊，咁係冇法通過」。之後三人一組，面見老師約10分鐘，回答生活常識問題。


■入讀新小拔競爭激烈，家長與小童專心聽校長講解面試程序。


■拔萃男書院附屬小學（圖右）校長羅錦麗。



面試不問學術問題

表現良好的300名學童可進身次輪面試，由家長陪同接受校董、校長及教師「三師會審」。面談表面是了解家長平日如何照顧兒子，但羅校長說，其實是觀察學童是否仍十分依賴父母，「有時家長㩒都㩒唔住，啲小朋友照樣伏喺父母身上、捐枱底、轉凳，有呢啲行為，評分會好低」。羅校長又說，小童面試時回答問題反應要快及清晰，表現要自然，顯示出自信心，不能背誦答案；問題主要圍繞生活常識，不問學術問題。

升學選校專家趙榮德指出，新小拔首開先例接受K2學童報，料會令不少家長欲為兒子報讀，「多個機會去面試，唔得嘅話就當係熱身，翌年再試」。但他認為不宜揠苗助長，除非證實屬資優，或值得一試。

elbar

專家：強行催谷入學無優勢

http://hk.apple.nextmedia.com/news/art/20130908/18414055






■同屬直資名校的聖保羅男女中學附屬小學，亦沒有明文規定不讓K2學童報讀小一。

另一受歡迎直資名校聖保羅男女中學附屬小學，也沒有明文規定不讓K2學童報讀小一。有教育學者擔心，名校准許K2「跳班」報讀小一，可能令家長更嚴格催谷子女，以求早一年入學，強調揠苗助長之風絕不可長。

聖保羅男女中學附屬小學校監兼中學部校長陳黃麗娟昨表示，她未有參與面試報讀小一學童，而每年取錄名單都沒有K2學童。不過她說該校「冇明文規定K2唔可以報名」。但她指K2學童面試時，其實只讀了一年多幼稚園，能力一般不及讀了兩年的K3學童，面試應無優勢。

競爭大加重學童壓力

推行五年小學課程的香港華人基督教聯會真道書院，發言人表示該校所訂小一入學年齡，依照教育局對官津小學規定。

浸大教育學系副教授潘玉琼擔心一旦K2報小一成風，將令家長更着力催谷子女，「谷得比𠵱家更加勁，想佢哋好細個已經達標讀到小一」，尤其名校競爭大，勢加重學童壓力。

潘續指，幼稚園雖未列入正規教育，並非必須讀足三年，但家長一般會讓子女完成K3課程才升小學，「如果K2直接升小一，對小朋友都未必係好事」。

Yanamami

瘋了~

fsforth

原帖由 Yanamami 於 13-09-08 發表
瘋了~

生果日報煽情最醒，大家當娛樂版睇算吧!

Christi

唔係喎，係校長咁講喎。

hadwinboy

如果K2 入到的都應是神童或天才

sharon26788

其實係咪講緊D超細仔，即係十一十二月細仔。

smartparent

其實佢咁做係為左谷大個報名人數，近年他相對走緊下坡

cmt1010

睇黎要未學行先學寫字看得:;pppp:

ANChan59

Christi 發表於 13-9-8 20:11
唔係喎，係校長咁講喎。

How can you sure?

MASAYA

fsforth 發表於 13-9-8 20:09
生果日報煽情最醒，大家當娛樂版睇算吧!

同意, 淨係睇題目個d咪以為 "校長教點樣K2入新小拔"

c1234

瘋了瘋了

上等人

呢兩間學校都係好多人夢寐以求想入去讀既學校(包括本人), 但其實只係喜歡佢既牌子, 我一D都唔BUY佢地既態度同埋做法. 心深知道根本唔係自己杯茶....仔細睇清楚就會搵到好學校.

swmami

我想那些講話也可能是依書直說的事實，但適用的肯定是少於百分之一的小孩子，這樣公開向所有家長說這些，恕我不敢苟同。

Christi

回復 ANChan59 的帖子

當日係公開講座.
如果引述錯誤,一定有好多家長喺報道下的評論部份作出反駁 ;
再唔係,校長講座之後仲繼續有講K2申請呢個問題, 如果引述錯咗,校方亦可以透過發言人澄清.但報紙寫學校發言人就K2申請問題的補充時,發言人冇作出澄清 ;
再睇發言人的補充,講既都係泛指K2,冇提到大仔細仔問題.訊息好明確.

如果只係講緊細仔,校方其實有大把機會澄清,點解發言人答記者時唔講清楚?

老實講,我真心期待校方的澄清.等班怪獸家長死心.依家的小朋友已經冇乜童年架啦~

Christi

回復 swmami 的帖子

同意.

校長大可以咁講: 一般情況下係唔接受K2學生申請,除非有好特別既原因.咁至少可以杜絕怪獸家長們的幻想.

hell_hell_

原帖由 sharon26788 於 13-09-08 發表
其實係咪講緊D超細仔，即係十一十二月細仔。

我理解都是班超細仔，因為入學時必須滿5歲8個月，對嗎

556699

所有學校都會講報名的年齡範圍, 根本唔可能有未足齡越級挑戰的可能, 所以講的K2可以報讀一定係指細仔轉做大仔的個案。 事實上St Paul CoEd 簡介會校長亦有講過只要適齡, 今年投考fail明年亦可再試多次。

根本細仔有兩次機會並非甚麼秘密, 只係生果報譁眾取寵, 不知就裡的人才會譁然而已。

crazymum

原帖由 Christi 於 13-09-09 發表
本帖最後由 Christi 於 13-9-9 07:07 編輯

回復 ANChan59 的帖子

其實校長講得好清楚，只係生果講D唔講D，刻意引起話題，立心不良，所以我已經罷睇咗生果日報好多年了！

556699

補充: 此做法從來一直存在, 並非甚麼要谷報名人數而改變政策, 因為所有直資私校 (除了講明唔收細仔的那幾間) 都可以咁做, 即係全港都要谷人數。