私幼同券幼的分別

快樂火雞

新的學年已經開始，我相信有不少的家長手上都拿住一券一私的offer做最後的觀望。
我見有不少發言說券幼的學術不如私幼，我覺得有必要澄清這個迷思。

券幼同私幼最大的分別是有沒有參加免費優質幼兒園計劃。如果從錢的角度來講，注冊証等於三萬六千元的學費，如果是出名券幼，收生足的情況下，資源不輸一家學費四萬左右的私幼，舉例來説，培幼同KV的學費就是四萬上下。也就是說券幼的資源是足夠維持學術水平是到KV的Level。

當然券幼也是有限制的，因爲教育局要求券幼必須中文教學爲主，所以英文語境是比較受限的，不過對於怪獸家長來説，英文可以外補也不是問題。

所以講到幼稚園學費組成，從各幼稚園的師資組成來看，基本配備都係兩個班主任，加上體藝方面的老師
這個配備大約是符合三萬五學費的標準的，如果有每天教一小時英文，差不多要加一萬學費，如果是常駐NET班主任，那就要加兩萬學費。而英文以外的成本，主要是牟利部分和租金部分。
事實上，四萬學費以下的私幼，之所以不轉為券幼，主要原因是租金成本低，典型的如培幼SPK。
而四萬到五萬這個範圍的私幼，主要是爲了靈活性，可以添加大約半個net，這種一般會是教會學校，坑真堅真就比較典型。
至於超過五萬的學費，就包含一定程度利潤，通常來講，好普通的私幼都有機會收到六萬五以上的學費，原因有幾個，一個係需要NET班主任做招徠，成本高一些，一個係商場租金貴小小，最重要的是不太熱門，收生不足，平均成本高左。

説了這麽多廢話，小總結一下就是，不要迷信私幼的學術會好很多，私幼主要是把資源傾斜到了英文語境上，但係上課時間始終都是三小時，英文多了，就是中文數學體藝少了，資源傾斜的結果是壓縮其他的項目。

如果講到有一綫券幼的offer,比如聖心，靈糧堂這一檔，其實大可踢走私幼，留番金錢外補好過，一個月六七千的私幼學費可以補好多野。從學術考慮，無非係外補中文還是外補英文的分別。

再別康橋

我有個閨蜜仔仔讀KV, 佢話4萬一年la, 但物有所值～咁佢個仔讀一線名津後，都考到級10左右啊～但係我覺得家長都要配合嘅... 佢都花唔少時間精神喺個仔度的啦

蚊蚊mosquito

為什麼月花六七千補？
補是興趣班？還是補學術？
從來補不補都是睇家長取向，多過係咪實際跟唔上先去補習。

myfaye

快樂火雞 發表於 20-9-12 17:01
新的學年已經開始，我相信有不少的家長手上都拿住一券一私的offer做最後的觀望。
我見有不少發言說券幼的學 ...

請問靈糧堂係指邊間？一出世就要報名嗰個Xx軍，都出名多人爭，但讀過覺得堅廢，想中途轉校

i_love_leibb

快樂火雞 發表於 20-9-12 17:01
新的學年已經開始，我相信有不少的家長手上都拿住一券一私的offer做最後的觀望。
我見有不少發言說券幼的學 ...

想請教九龍區有邊間津幼係好好？

Darklady

快樂火雞 發表於 20-9-12 17:01
新的學年已經開始，我相信有不少的家長手上都拿住一券一私的offer做最後的觀望。
我見有不少發言說券幼的學 ...

分享朋友Case(其實已經分享過幾次）
小朋友升小一，k1同k2讀劵校，k3轉去私幼(非名幼)
朋友K1同K2已外補學術，
佢話小朋友K3轉私幼時，雖然K1及K2已外補，但依然跟得吃力，
佢話就算外補，一星期幾堂的外補點可能及得上私校每日3個鐘，出去考直私唔夠Fight，佢話如果有得番轉頭，一定一開始讀私幼




然後又想講下自己親身經驗，
我小朋友超細bK1讀普通劵，超大B轉人地口中的名私幼K1（現升K2) ，
劵同私在學術上真係好大分別。。。
K1在中英數都係超前（同舊校比），但係佢地又可以做好德育唔係淨係掛住學術，佢地真係有佢地ge辦法架
(本人暫時零外補）

islz

簡單一個問題：
點解放學放假時仲要補習而唔係同小朋友玩？

放學放假係親子時間，當我有10個小時見到小朋友，我10個小時都想同佢玩。而唔係3個小時補習而得返7個小時玩。

快樂火雞

其實我都理解有d私幼家長難以接受部分券幼其實水準好高，始終每個月給多幾千。

好似聖心，基本上係無得輸的選擇，聖提協恩都係一樣爭崩頭的,香港靈糧堂照樣每年都會送幾個入SPCC。

再退一步，好似迦南啓思這些連鎖券校，出來的學生同d普通私幼比，也不遜色。

我好反感一講券幼就好似學術好差，其實好的券幼比大部分私幼都難入，真係討論都要一間一間比較

Poyau

myfaye 發表於 20-9-12 20:57
請問靈糧堂係指邊間？一出世就要報名嗰個Xx軍，都出名多人爭，但讀過覺得堅廢，想中途轉校
...

香港靈糧堂幼稚園

蚊蚊mosquito

快樂火雞 發表於 20-9-12 23:10
其實我都理解有d私幼家長難以接受部分券幼其實水準好高，始終每個月給多幾千。

好似聖心，基本上係無得輸 ...

個人覺得每間學校都各有優點，唔覺得卷幼一定會差過私幼。

不過你剛提到的幼稚園有d同小學有關聯，都是熱門幼稚園。

如果加埋小學聯繫因素去同私幼比較，看來不是一個公平的比較。

Orhome

英文可以補返來，但語境係要浸出來。如果屋企有語境，父母又有時間有能力自己教，讀券幼私幼都無乜大分別，但普遍性來講，普通券幼同私幼都係有距離。

但樓主比較梗嘅係名/龍券幼同普通私幼，咁當然有得比，至少揀得呢啲券幼嘅家長，同揀私幼家長一樣都有一定要求或者野心，不過呢類券幼又有幾多間？難入過名幼就一定，因為根本唔多。

識人讀創價考到港島名龍，但媽媽都要全職教，落咗好多功夫。講到尾除咗小朋友資質，家長付出都係關鍵，有人比唔起時間，所以選擇比錢，都無可厚非。

Usagicat

i_love_leibb 發表於 20-9-12 21:00
想請教九龍區有邊間津幼係好好？

譚歐

taiyeung

同意有啲券幼學術語境都好，但普遍券幼始終都無咁「進取」
我女pn私幼，K1轉券幼，學術上都幾大落差，私幼pn教既嘢比券幼K3仲要深
樓主講嗰幾間年年唔少人入神校名校，相信尼啲細路讀邊間幼稚園都會考得入

creambun

其實讀私幼同卷幼兩班家長的取向會有些不同。私幼的家長好多目標是私直小學或名津。卷幼的比較分散，但多屬意地區一缐津校，相對少直私小學。揀卷幼或私幼視乎家長目標同手上有幾多分。如果你有20-25分可以入天神，St Mary, Maryknoll，協恩，LS 等有直屬或龍校，你當然可以任選幼稚園。如果目標是Dgjs, SPCCPS, DB, 3私1直，揀私幼會比較適合。卷幼加外補的效果始終和私幼仍有差距。當然你話外補是每日NET , 普通話老師一對一補習又另外一回事。

有小學聯系或直屬的卷幼，例如聖心和私幼直接比較是不公平。

其實小朋友能否入到理想的小學，家長的責任可能比學校更重要。如果父母唔上心，唔跟學校教的課程，私幼生考小全軍盡墨大有人在。父母跟得好，卷幼生亦可考入神小。

幼稚園是小朋友踏入人生學習生涯的第一步。先認清目標小學同中學，再㨂選合適的幼稚園。

快樂火雞

大家可能搞錯重點。如果一個家長揸住一私一券，你覺得手上的券會係明愛？大機會唔會。

如果私係LH，你覺得他手上的券會係邊間？好大機會會係聖心協恩。
而如果私係明慧，他手上的券大機會是明我，呂郭碧鳳，或者迦南啓思這種。

絕大部分時候時候，家長手上的私同券都係同一level的，才會有比較的可能。

creambun

快樂火雞 發表於 20-9-14 10:58
大家可能搞錯重點。如果一個家長揸住一私一券，你覺得手上的券會係明愛？大機會唔會。

如果私係LH，你覺得 ...

如果我小朋友是男仔，有LH offer, 咁應該同那些卷幼才能比較？

又如果我同時有SC 同明慧 offer, 咁又應該同那些同一水平卷幼比較才好？

HK-CR7

呢個問題太多假設性, 同埋都要睇埋將來想子女讀咩類型學校
私幼既課程唔係補習就可以補救, 人地既課程教材好多係自己編寫, 就好似LH既教材, 二手三年教材賣萬五都大把人搶, 你個D卷幼教材有無人會高價買呢? D家長唔係傻, 就係人地教材編得好先會多人想要, 補習班可以挽救? 都可以既, 浪費時間囉

medicine

HK-CR7 發表於 20-9-14 12:54
呢個問題太多假設性, 同埋都要睇埋將來想子女讀咩類型學校
私幼既課程唔係補習就可以補救, 人地既課程教材 ...

呢個問題太多假設性, 同埋都要睇埋將來想子女讀咩類型學校
私幼既課程唔係補習就可以補救, 人地既課程教材好多係自己編寫, 就好似LH既教材, 二手三年教材賣萬五都大把人搶, 你個D卷幼教材有無人會高價買呢? D家長唔係傻, 就係人地教材編得好先會多人想要, 補習班可以挽救? 都可以既, 浪費時間囉



套教材甘勁？

HK-CR7

回覆 medicine 的帖子

佢套教材應該係集百家之大成, 有價有市

medicine

HK-CR7 發表於 20-9-14 14:07
回覆 medicine 的帖子

佢套教材應該係集百家之大成, 有價有市

勁！