學琴

mickey001

你地有無仔仔女女3歲多就學琴呢, 進度如何呢?   我仔仔學了11堂, 現在先學右手及C至G五個音及數拍子, 有時佢會吾願意練琴, 要慢慢"tum"!

Cathyneo

Cathyneo

我囝囝都係差不多4歲(03年12月)開始學琴，每個星期一堂，到而家我估都有廿幾堂，佢開頭都成日俾先生投訴唔練琴和認音，開頭屋企無琴，所以都幾煩，自從五月買琴後，佢就進步左好多，我每天都陪佢彈半小時，有時佢自己會走埋去彈下，而家學緊左手C至F和右手至G，可以用兩隻手彈歌仔，都幾開心。
Cathy

mickey001

我重未買琴比佢呀, 所以有時到琴行練, 有時就彈屋企個小電子琴, 我諗住等佢學得一年半載先買, 睇佢係咪真係有心機先啦,佢3歲4個月開始學,老師話佢這個歲數開始學都算細, 所以要慢慢來呢, 不過佢竟敢同老師講數話佢彈兩行, 唔彈四行甘多得唔得...重要老師請佢食糖先彈埋個兩行..!
你囝囝讀k1ork2呢?

Sindy

我個女初學琴時要老師同佢化全妝,油手指夾油,紋身貼紙............添呀,請食糖都小兒科啦

Cathyneo

mickey001
你囝囝咁細個學琴，會唔會太早，所以佢未有耐性坐定定學？
另外，我見我囝囝要做樂理練習，又要寫拍子，又要寫ABC等，有時仲要係五線譜上畫番的音出來，有時我都諗，佢咁細個(K1)要佢自己寫1-4仲要寫A-G，會唔會太深？呢排仲要學加數，例如2拍+1拍= 3拍，你囝囝咁細個，學樂理唔會唔會有困難？
我五月買左個數碼琴，平平地，諗住囝囝唔學自己學都得，我問過個琴用到3-4級都得，我諗住等到佢學到2 或3級才買鋼琴俾佢。
但我發覺用數碼琴對我囝囝吸引好多，佢內置80隻歌，又有閃燈可以跟住玩，又可以變聲，所以佢好鍾意行埋去玩。
Cathy

smilekid

Cathyneo & mickey001,
我都打算比囡囡學琴, 佢而家3歲, 我諗3歲半比佢學, 請問你地小朋友學琴之前有無上一些音樂班, 定係一開始就學琴呢.

文迪

smilekid,

我囝囝現在3歲2個月，返左3堂，佢的表現比我預期中好。

我之前都有同教鋼琴的媽咪傾過，佢話小朋友學半個鐘，有15min坐定定已經好好。

smilekid

文迪,
請問一開始會教嘜, 囡囡無上過音樂班, 唔知會唔會比較難pick-up呢, 如果可以的話, 我可能考慮比佢早D學, 佢下個月3歲...

文迪

smilekid,

我囝囝之前都無上過音樂班，現在係琴行到學，不過有D琴行收3.5-4yrs的小朋友，吾收3yrs，我問過我個間佢地話要見下小朋友同做評估，所以免費上試左一堂睇下囝囝隻手夠吾夠力(順便等我睇下個老師有冇愛心)。

囝囝只上左三堂，因老師話佢細個，盡量教少D學理，我記得第一堂教拍子(一拍，兩拍同四拍的符號)，第二堂教邊個係Middle C，同用邊隻手彈，上堂就教CDE。

因我知道囝囝的性格，如果我跟佢上堂，佢一定無時無刻叫媽媽，所以我試比佢自己上，第一堂上左15min，開門望下要媽媽，第二堂就上左25min先叫，第三堂就沒有找媽媽，開始專心同老師玩，我覺得已經有進步，起碼沒有抗拒老師同彈琴。

回家後，我同佢講媽媽冇得玩，佢就話佢教學，用邊隻手彈邊個音，同幾個拍，我當然成日彈錯等佢糾正我啦，這樣加深佢的印象。

smilekid

文迪,
多謝你的分享, 你囝囝一定好叻, 因有你這個咁了解他和細心的媽媽. 請問你可唔可以話比我知你囝囝係邊度學琴呀, 半個鐘幾錢.....

carrai

文迪、smilekid：
介唔介意講埋比我知呀？！   
我囡囡四歲啦！

文迪

smilekid, carrai,

我囝囝現在係將軍澳新都城一期的倬韻琴行到學，每堂半個鐘HK$100，我覺得試堂個位老師好有愛心，所以就返佢的時間(因另外幾位老師話佢地教開大個少少的小朋友)。

mickey001

Cathy, 我仔仔大至上都要做這些學理, 佢都算OK, 應付得到啦佢都是k1仔呢, 不過有時佢就真係無耐性囉, 可能佢係男仔啦會百嚴D, 所以要"tum"囉.    其實我都有諗過買數碼琴, 一來慳位二來多D 野玩, 不過我都會遲一些買 !

文迪, 我都係住將軍澳喎, 我仔仔係南豐廣場的一間琴行學, 都有比佢試一堂先正式上堂, 不過學費就比你囝囝個間平小小, $330四堂, 每堂都係半個鐘.  你有無買琴比佢呀.

Sindy, 你個囝囝都幾好笑喎, 要攪甘多野先肯彈, 真是一山還有一山高呢....哈哈哈!    佢而家會正正經經學未呀?

mickey001

Sorry sorry, 我剛剛發覺我攪錯左添, Cathy & 文迪個係囝囝, Sindy個係囡囡, 唔好意思呢...!

Sindy

我個囡而家都學左成三年啦,不過都唔肯正經彈一個鐘,但都有半個鐘既

文迪

mickey001,

你個間好平呀！我有冇同囝囝一齊上堂呀！另外我想問下囝囝現在認右手CDE，要記CDE，定記123。

mickey001

Hi, 文迪

我無同佢一齊上過堂架, 不過就會同佢一齊去練琴, 佢而家係記CDEFG, 未正在學琴前就記123囉.  你囝囝應該還未讀k1, 對嗎?  學樂理會唔會有小小困難呢?  甘你囝囝老師教佢記123orCDEFG?  因為你囝囝真係好細個喎.

Mickey001

文迪

Mickey001,

我囝囝今年八月讀K1，老師都話儘量教一些淺的樂理，而且老師都話現在學同4yrs先開始學的進度可能差不多，不過現在學可比他培養彈琴的興趣。

老師好似叫囝囝記CDE係123，都係等我每堂叫老師比我5min同囝囝上堂，定我清楚知道老師點教都好。