遇到懷疑患有情緒病的老師...應該怎辦?

~仔仔媽咪~

如題...

小木偶媽咪

佢做左D咩令你懷疑  
情緒病是情緒會波動起伏很大的嗎
為人師表如果佢真係有問題又會影響你小朋友
咁你要搵校長傾下
如果係興趣班既老師就更容易~cut or 換

原文章由 ~仔仔媽咪~ 於 07-10-12 22:54 硐表
如題...

~仔仔媽咪~

原文章由 小木偶媽咪 於 07-10-12 23:53 硐表
佢做左D咩令你懷疑  
情緒病是情緒會波動起伏很大的嗎
為人師表如果佢真係有問題又會影響你小朋友
咁你要搵校長傾下
如果係興趣班既老師就更容易~cut or 換

...

情緒病是情緒會波動起伏很大的嗎---正是...原本我都係咁同自己講係咪自己多疑呢,但係見個訓導主任聽完我講左班主任平日既表現時顯霖有口難言又反哂白眼(即係連佢都暈低啦...估吾到老師可以負面成咁...),跟住今日個班主任又係過份敏感又黎誤會引致自己情緒失控( 實情我都俾佢個大反應嚇親又激親,真係無諗過佢可以咁樣都可以誤會家長諗衰佢...),然後我老公又親自打去學校搵呢位班主任傾下,連我老公都話佢响幾次對話加埋呢個幾小時情緒波動得好緊要同埋態度差囉...我老公都話覺得個班主任情緒係好有問題,都懷疑佢係咪'病左',佢都話要教下我仔去避忌下呢個班主任,吾好辣着佢...我老公真係話驚個班主任遲下真係會失控體罰學生!連平時闊佬懶理既老公都可以得出咁既結論,所以我至咁擔心...

費時講到咁長篇大論,我簡單D講下之前個班主任有咩嚇人又負面既行為,吾明我先至打後再講....

1) 試過好惡咁鬧我仔:"你番學唔係黎讀書囉!"
2)有同學吾小心攞左我仔個功課袋(裡面有成叠功課),第二日交番俾班主任,個班主任一野好大力定係好遠咁掟個功課袋落我仔枱度,嚇到我仔成個彈起,番到屋企仲同我講好驚...
3)明明班主任通知番我下星期二交番常識功課,但到左第二個星期佢成個星期都吾收我仔功課,結果我仔嗰個星期D功課累積,我寫手冊通知佢,佢又吾理又吾回應又無反應...咁即係駛吾駛準時交功課呢...
4)開學初期試過因為我仔聽吾到佢叫我仔收報紙(我仔專注力不足,咁岩佢又睇緊報紙內容,聽吾到人叫佢),個班主任二話不說搶走份報紙然後當住我仔面前撕爛...

查實仲有好多....今日已經有兩單,我同老公各自硬食佢脾氣幾鑊...

~仔仔媽咪~

原文章由 小木偶媽咪 於 07-10-12 23:53 硐表
佢做左D咩令你懷疑  
情緒病是情緒會波動起伏很大的嗎
為人師表如果佢真係有問題又會影響你小朋友
咁你要搵校長傾下
如果係興趣班既老師就更容易~cut or 換

...

咁我就無直接同校長傾,因為咁樣真係會搞到件事好大,真係變左係投訴個班主任囉...但我就有將呢D事情同睇開我仔個訓導主任同埋另一位無教過我仔但又好鍚好關心我仔既老師傾過,佢地不約而同既反應都係..................反白眼...咁個訓導主任都呆左一陣,然後都似乎有口難言咁輕輕略過話'可能佢嗰班實在有太多有問題既小朋友(過度活躍,學障,自閉症),所以有時忍吾住响學生面前發咁大脾氣卦...."我聽到訓導主任咁講,又見佢既態度好似有苦衷好似都知個班主任有D咩事咁,所以我都無再追問定點,但真係好擔心囉!

同埋作為家長既我,同埋我仔仔都覺得好辛苦!

[ 本文章最後由 ~仔仔媽咪~ 於 07-10-13 00:37 編輯 ]

carrai

果位老師係咪好後生，冇乜經驗既老師黎架？！佢係咪eq低加上

好緊張班學生但又唔識點教佢地呀？

小木偶媽咪

仔仔媽咪
你既問題影響最大既你你仔仔其他老師仲好似幫住
有問題個老師咁,個老師有問題既話應去解決,
唔係將壓力發洩係小朋友身上,嚇到你仔仔咁驚 唔可以坐以待斃喎
係我一定同校長講or問問其他家長 若他們都有咁情況
就一齊投訴個老師 要求轉老師 等佢好好養好個病先
如果唔係到佢好嚴重玩體罰既時候就太遲啦
加油:loveliness: :loveliness:

tinetinew

hi,

  其實你都識講佢班上有一d有問題嘅学生(過度活躍,學障,自閉症),宜家係佢真係handle唔到,你同校長講或者係可以真正幫佢或你!記住你不是告發佢,而係講出一些事實等那个有能力去解決問題嘅人去幫助你及你小朋友嘅班主任!!

yuk hei mun

原文章由 ~仔仔媽咪~ 於 07-10-13 00:34 硐表


咁我就無直接同校長傾,因為咁樣真係會搞到件事好大,真係變左係投訴個班主任囉...但我就有將呢D事情同睇開我仔個訓導主任同埋另一位無教過我仔但又好鍚好關心我仔既老師傾過,佢地不約而同既反應都係............... ...

~仔仔媽咪~

原文章由 carrai 於 07-10-13 07:14 硐表
果位老師係咪好後生，冇乜經驗既老師黎架？！佢係咪eq低加上

好緊張班學生但又唔識點教佢地呀？

查實個老師都吾係後生嗰隻黎,睇佢樣都成卅幾四十歲架喇,感覺上係個好有經驗既教師黎,佢無野時(即係開學第一二日),佢真係好OK架,我係幾鐘意佢,係估吾到打後佢係咁俾D新'刺激'我同個仔,搞到我地懷疑佢係咪有情緒病既問題囉,因為真係好吾尋常,實情學校都專登搵個男教師黎同佢PARTNER一齊响我仔嗰班做班主任架喇,反而個男教師無咩野,仲好好添!連我仔放學等我黎接佢,個男班主任都專登走落黎操場度教我仔做功課同學計數(我仔數學障礙架),超級感動...上兩年我仔讀左兩次小一,嗰兩個班主任都係後生女黎,有個都係新入職架,都係編左嗰班都係有問題既細路最多,但佢地就無咁既情形,相反仲更加積極又似乎幾鐘意班有問題既小朋友添...

依家個女班主任係好有問題囉,好似噚日咁,打個電話黎話我仔入左女廁度睇,咁佢通知我,咁佢講得俾我知,梗係想家長教下小朋友啦,咁我都照常想同班主任响電話討論大家一齊點配合一齊教之類,咁我好客氣咁同佢講左句:"咁我諗佢都只係出於好奇入左去,吾會係變態囉...(我都未講完,呢句亦都吾係咩重點黎)"佢即係响電話度好激動又高八度咁媽叉我:"阿黃太,我幾時有講過你仔變態呀?我幾時有講過變態呢兩個字先!!!"我真係好愕然囉!跟住我要大聲好硬咁既聲線同佢講話我吾係話你話我仔變態,我想大家去傾下個問題啫!跟住佢又似乎察覺到自己失左控咁,又禁得停自己喎,又是180度轉又好聲好氣左,跟住我再講吾夠兩句時,我又吾知講左D咩佢又黎誤會啦,又是高八度媽叉,我又是話鬼佢,佢又是禁番停自己情緒又黎好聲好氣同我解釋佢吾係咁既意思...唉...所以我都吾再同佢傾,都傾吾到,短短幾分鐘通話時間佢已經失控左兩次,又吾係想同我傾既,所以之後趁佢正常番時我就收左佢線,叫我老公打去搵佢傾,結果我老公都話個女班主任情緒好波動又態度好差,講講下又吾聽我老公講,又話佢個性格就係咁直架喇,又話佢想講乜就會講出黎,又話D家長諗衰佢,我老公即刻話佢:"乜你諗野可以咁負面架!?你性格係點,我吾會有興趣去聽,依家我係想同你傾番個仔問題..."之後佢又係咁好失控咁話:"呢個話題要OFF!吾駛再同我講!" 我老公都好火,遇着佢,但我老公都鬧停佢,依然要講,之後佢至肯同我老公傾咋!我老公打後見佢態度又好番好多又無再失控,先至同佢講番D好說話氹番佢咋...真係暈低...查實我老公同佢傾左成個鐘頭架喇,所以如果要講哂我老公同個班主任既對話,恐防大家吾想睇咁長篇...但真係遇着個咁失控既班主任教自己個仔,我仔又係EQ低既,你叫我番屋企開導個仔吾好成日發脾氣...咁教佢個班主任已經EQ低到有問題,叫我點教...我依家只可以同我仔講,吾好辣着呢個班主任,要氹下佢...我都無野好講...

~仔仔媽咪~

原文章由 tinetinew 於 07-10-13 11:12 硐表
hi,

  其實你都識講佢班上有一d有問題嘅学生(過度活躍,學障,自閉症),宜家係佢真係handle唔到,你同校長講或者係可以真正幫佢或你!記住你不是告發佢,而係講出一些事實等那个有能力去解決問題嘅人去幫助你及你小朋友嘅 ...

我老公就係話一去吾好去到咁盡囉,都要睇情況,講真件事去到校長嗰邊,就算家長表明吾係投訴,但事實上同真正投訴無分別,如果搞到個班主任無左份工,咁真係吾知佢會點囉...如果佢真係有情緒病既話...

依家只要我知道學校有好多老師都知呢個班主任情緒有問題,我又係同開個訓導主任傾開計既,大家再配合下,希望我同我仔都順利捱過呢年二年班啦...暫時我仔都好識諗,都仲未話討厭間學校或者老師囉,個仔都係同我講,等佢自己做好D,氹番班主任開心!個仔講得出呢句就夠喇!至少我仔都幾正面!叻過媽咪!

dabbycheung

原文章由 ~仔仔媽咪~ 於 07-10-13 11:46 硐表

我老公就係話一去吾好去到咁盡囉,都要睇情況,講真件事去到校長嗰邊,就算家長表明吾係投訴,但事實上同真正投訴無分別,如果搞到個班主任無左份工,咁真係吾知佢會點囉...如果佢真係有情緒病既話...

依家只要我知道學 ...

搵機會同個班主任傾下，有時佢地唔會知道自己係有問題。

[ 本文章最後由 dabbycheung 於 07-10-13 13:58 編輯 ]

~仔仔媽咪~

原文章由 dabbycheung 於 07-10-13 12:56 硐表


搵機會同個班主任傾下，有時佢地唔會知道自己係有問題。

就係知我同佢會火星撞地球,所以我至打哂退堂鼓吾同佢傾咋!你見噚日佢咁打黎傾吾夠五分鐘,佢已經有兩次失控兩次禁低自己,我查實真係好鬼想鬧佢架!但無謂因為我自己既一時意氣搞到個班主任日後真係會集中針對我仔一個囉!講真呢d切身既問題,我覺得吾輪到我同佢講囉!佢實癲都似~!!!反而我暫時就覺得由佢d同事(即係其他老師/主任)同佢傾會好d,至少佢地大家同樣係嗰間學校老師,同聲同氣d嘛,會比較易傾d,所以我同老公講,個班主任留番俾佢(老公)去處理,我吾會再同個班主任有任何溝通同接觸,費時我真係火起上黎真係會搞大件事,我都係集中多d同學校訓導主任同社工保持溝通...始終佢地會明白我仔同我地家長多d既...至少中立d,吾會郁d下就失控發癲先啦...

katherine2008

hello

這些事件一定要小心處理, 否則受傷係自己的子女, 其實你要查清楚該老師在該校的江湖地位先, 如佢經常為學校訓練學生取得佳績, 校長及其他老師一定保佢, 無論你點投訴都無用, 反而引起全體老師認定你係麻煩家長. 麻煩學生.  得閒訓下你個子女. 因他們怕下一個投訴的是他們．　

最好不動聲色, 私底下集齊資料(人証. 物証...等). 一出擊就要他離職果隻.  你整唔走佢. 日後的日子尤如"監獄風雲校園版", 受苦的是你的子女.   小心! 小心!　小心！   

原文章由 ~仔仔媽咪~ 於 07-10-13 23:06 硐表

就係知我同佢會火星撞地球,所以我至打哂退堂鼓吾同佢傾咋!你見噚日佢咁打黎傾吾夠五分鐘,佢已經有兩次失控兩次禁低自己,我查實真係好鬼想鬧佢架!但無謂因為我自己既一時意氣搞到個班主任日後真係會集中針對我仔 ...