越係同係温習,佢越係唔識. 點搞????

fmsin0504

各位:

你地好! 我個女剛剛才上小一, 本來應該係好輕鬆. 但讀書就令我頭痛極了.
我個女係一個好動的小朋友,平時都幾聰明(只限玩方面). 我要返工所以呀女放學就會到補習班做功課及溫書,返到屋企我會檢查功課同抽問几條提目. 佢都能答準確- 我就以為冇問題.
上星期評估周-佢d成績係全部唔合格(中.英.數),晴天霹靂既我就即刻睇下問題係邊到.
1)唔識運用-教過佢d提目佢就識,唔教就唔識. (咁我咪比多d唔同形式比佢練習,但佢好抗拒-全部話唔識唔做,逼佢做,佢就求其寫d野比我.)
2)冇記性/心散 - 英文生字寫背了好多次,轉頭又唔記得(咁我咪用遊戲方法同佢玩,玩個時咪記得. 玩完叫佢默給我看,佢話唔識,只係識喊)
我可以點做呀, 越係同係温習,佢好似越抗拒.  心煩的媽媽.

clc_ivy

我個仔嘅情況同你個女差唔多,不過你有無見過d小朋友會一路溫書一路喊架!次次叫佢溫書佢就會特別多嘢搞,坐係度一開口讀字d眼淚就會流,已經唔係第一次,我d火就會嚟得好快.....你話點算?!

lillymarie

原文章由 fmsin0504 於 07-10-23 09:13 硐表
各位:

你地好! 我個女剛剛才上小一, 本來應該係好輕鬆. 但讀書就令我頭痛極了.
我個女係一個好動的小朋友,平時都幾聰明(只限玩方面). 我要返工所以呀女放學就會到補習班做功課及溫書,返到屋企我會檢查功課同抽問几 ...

小朋友剛升上小一只不過2個月, 還需要一段時間適應, 況且, 這可能係第一次測驗?
其實, 不需要做太多練習, 如果是理解的問題, 課文反而要多讀熟讀. 中文課文最好背熟, 儘量訓練她自己讀題目, 英文課文亦要熟讀, 最好默書內的key words, key structures. 溫習時, 把功課, 工作紙重做.
如果小朋友不懂得運用詞語, 可能是她對課文認識未夠透澈, 但這急不來, 可以的話, 你多讀故事書給她聽應有幫助.
另外, 小朋友始終年紀小, 有時可能是大意?
她抗拒默書, 可能是暫時失去了自信, 所以害怕, 可以每天只默1-2個字, 讓先她有成功感, 慢慢再加多.
小朋友自己先放棄, 不肯嘗試, 真會令人頭痛, 但逼得越緊就更害怕.......

khmama

原文章由 fmsin0504 於 07-10-23 09:13 硐表
各位:

你地好! 我個女剛剛才上小一, 本來應該係好輕鬆. 但讀書就令我頭痛極了.
我個女係一個好動的小朋友,平時都幾聰明(只限玩方面). 我要返工所以呀女放學就會到補習班做功課及溫書,返到屋企我會檢查功課同抽問几 ...

小朋友第一次測驗,都唔知個形式係點,梗係差啲.你又有冇問老師她的表現呢?話唔定全班都唔合格呢!如果你認識高年級的姐姐,問佢地攞past paper做下會好啲. 千祈唔好搞到佢冇晒讀書興趣呀.