誰能夠按興趣選校？（陳偉霖）

elbar

小一入學統一派位放榜，只有六成幾學生獲派頭三志願學位，是三年以來新低。記者問教育局局長吳克儉，是否因為這屆雙非學童人數創三年新高所引致，吳克儉說，今年跨境學童人數與往年相若，反指今年只有六成多學童獲派心儀學校，其原因是有很多家長集中在某幾間學校選派，呼籲家長應該按照小朋友興趣去選校，又指香港整體學校質素都很好，無需集中揀選某幾間學校。


其實局長唔想正面回應雙非學童問題已經不負責任，仲要遊花園話應該按學童興趣而去選校，真係好想問阿局長，到底家長可以點樣按小朋友嘅興趣去選學校呢？有哪一位適齡學童會視被迫返學做功課測驗考試操TSA為興趣？又有幾多家長會視去公園玩上網睇YouTube打Switch聽K-pop係一種學習？又有邊間學校能夠將小朋友這些興趣轉化成校內學習課程？就當有學校有本事可以上音樂堂聽K-pop，用林夕歌詞作中文課本等等，教育局又可以怎樣配合認可學校的校內課程符合教育局的教育政策？


可能你會話學校聽K-pop、讀林夕寫嘅歌詞根本不切實際，那我們看看政府轄下的衛生署家庭健康服務的健康資訊，快六歲的小朋友會喜歡隨著音樂節拍擺動身體；喜歡聽笑話，也愛猜謎語；喜歡玩假裝遊戲，例如扮演父母、警察及超人等等，敢問吳克儉，而家教育制度裡面有幾多間學校有提供相關課堂，供學童能提過「興趣」學習？一句「按學童興趣選校」就算？吳局長快卸任了，幾時先可以做個好榜樣為自己言論負番少少責任？ 天生與皮膚癌同生共死，生前已寫好遺書，辦好葬禮，深信擁抱死亡才能活在當下。

Cheeselover

記者的提問不過是拿他來作笑柄，基本上無人期望他會説出make sense 的話，不過是看他鬧出什麼笑話。6成幾獲派首三志願，不如公佈獲首志願有多少？肯定慘不忍睹。