有無家長用過English-Time??

菜菜子

我bb快一歲生日,想買比bb做生日禮物,
有無家長用過,效果如何呢??many thx!!!!!!!!

Blythe_miki

English Time 我仔仔就唔係太有興趣...佢鍾意Disney多 d.
一歲既bb 用 Disney 會比較好d.

kixeoa

我個囡去到姑媽家睇到好開心 攪到我都心大心細想買,不過都幾貴

iris_yu_him

我個仔兩歲, 依家好反叛同埋情緒唔好(踢人/打人/大叫/自我中心), 講說話比較慢, 請問這套都材是否可以有幫助?

菜菜子

之前我就係有人送左一隻English-Time vcd 比我,
我由bb六個月到日日放比佢睇,而我也買了一大堆
其它教材,初時bb無乜反應咁,睇到佢8-9個月就無再
放English-Time vcd 比佢睇,然後到bb9個半月有一次
我老公仕蛋搵隻碟放la,(English-Time vcd) ,點知呀b
出奇地開心,又叫又拍手掌,咁我咪又日日放law,
放到而家呀b就黎一歲,但每次一放呢隻vcd就乖乖坐定
拍手掌,而其它教材佢就眼尾都唔望,所以我先想買比佢la,
但怕買左番黎佢又眼尾都唔望,咁就大鑊la,話哂都大
拿拿2萬幾wo,所以想知仲有無媽媽分享下呢???

gavial

iris_yu_him 寫道:
我個仔兩歲, 依家好反叛同埋情緒唔好(踢人/打人/大叫/自我中心), 講說話比較慢, 請問這套都材是否可以有幫助?

ET係學英文, 我唸幫唔到你既問題卦？！

菜菜子,
我個囡由半歲開始用ET, 宜家差唔多一歲, 佢好鬼鐘意睇, 我亦覺得D presentation  幾updated,  我地全家都鐘意睇,  至於成效, 都幾難講,  因為個女連野都未識講,  真係好難評估,  不過因為套教材質素唔差, 如果用得合適, 點都有用既,  不過我覺得坊間都有其他平d既教材應該都可以有好好效果(eg: GC),  因為我果時唔識同埋懶得去搵至買左. 仲有, 個人覺得千祈唔好買老鼠果套, 真係好舊好老套架！

菜菜子

gavial:

好多謝你的意見(many thanks!!),
其實我就係之前貪平,買左GC,初初bb都睇架,
但睇左二個星期..就唔睇,但睇左ET成幾個月la,
仲日日睇都好好反應呢,所以我咪成日心cc想
買law...但有d人話ET太深wo..

Jenner

我有買這套E.T.，我仔仔由4個月開始用到現在
19 個月他已經能夠分辨colour - blue/green/yellow/purple/black ＆書中每個圖的意思
這套E.T. very very good!　　 :  

gavial

菜菜子 寫道:
但有d人話ET太深wo..

事先聲明我唔係太識野架咋...   
我之所以買呢d教材, 係因為有個朋友俾個仔由細開始就睇日本超人劇集, 個細佬幾乎背得出所有對白, 咁我就唸就算個女唔明VCD全部內容, 但背到少少野都好好喇, 同埋我覺得小朋友學習言語係因為佢地係一個有言語既環境生活, 雖然我地都會用簡單句子同佢講下野, 但我估佢學得最多係平日家人對話時既環境, 買呢D教材都係想製造環境jet, ET個故事吸引到我個女, 所以我都唔介意佢既深淺程度, 我都聽得明, 都唔算深  
不過二萬幾, 我係覺得同成本唔成比例, 不過我懶去揀其他教材. 仲有, 雖然我唔係太識野, 但係都明白父母係教育小朋友角色好重要, 唔會單依靠教材. 不如你搵個sale dem.俾你睇下先決定, 你甚至可以上去佢地度睇晒全套野.
祝你個B生日快樂！佢好似同我個女差唔多大, 我個女係23/11/2003出世。

菜菜子

gavial:

我呀b 25-11-2003,同你bb差二日咋wo...
我想問問你買了幾多錢呢??因我見個個買
的價錢都不同呢...thx!!!!!

gavial

我買左主要既課程, 包括有12VCD, CD-ROM(300幾個電腦遊戲), TEXTBOOK, 字卡機...等等, 我一次過俾錢, 好似有5%discount, 大約二萬二, 有d人買埋baby set又貴d, 買埋百科圖書又貴d, 你都唔使考慮baby set, 個B 都成歲咯, 至於百科圖書就太花lee碌, 如有用家介紹你, 你同佢都會多份禮物, 同埋我有個朋友走到上公司買時, 左屈右屈, 又俾佢屈左多d其他細教材套, 我都建議上佢公司, 一來可以睇下成套野, 二來又可以認識下佢地其他產品, 又有話得事既人在場, 分分鐘俾你傾多幾份禮物.