六歲百厭星學彈鋼琴有咩好介紹?私人定去琴行學好?

bandband

我個仔今年會升小一,我想佢學一樣興趣,跆拳道同柔道我老公都反對,話會容易受傷;打藍球個波仲大過我個仔個頭,驚佢玩唔到又唔唔夠高去投藍;彈結他佢隻手又太細...打鼓又唔得(對腳踩唔到bass drum...)..所以我咪諗住俾佢學鋼琴囉...但六歲學會否太早?我個仔唔多聰明,有少少自閉傾向(即係成日發白日夢同有啲固執),我媽咪原本叫我試吓去琴行學,但我又信唔過琴行,驚佢地武我仔唔掂/求其...私人教我又唔知佢地會唔會太惡...咁,你地有無啲乜嘢建議/介紹?同埋,係咪一定要買鋼琴番屋企練架???

maywei

學琴真係少d耐性&金錢支持都唔得, 初時玩吓d beginning course都還可以日日練少少, 但係上到一級, 大人同細路少d精力都唔得. 大人要陪小朋友練習之餘, 小朋友又要有耐性至得, 因為學的melody 都是很悶那種, 重覆指法, 大人都難頂 (有天份除外). 那怕學一陣間, 大人買咗個琴, 個細路學一年半載又唔學, 真係激死你, 所以你真的要三思.

另外, 琴行d老師質數真係一般, 有d好似靚妹咁, 自已都攪唔掂, 何況敎你個百厭星, 而且d 老師 turnover 都幾快, 唔夠一年就轉一轉, d 細佬邊到適應呢?  我都好後悔白花了年幾時間落琴行度 (我對仔女以前都是報間頗出名的琴行), 不過琴行會久不久攪吓d表演, 訓練吓小朋友的膽量, 又有d senior 級的老師指導一吓, 這是唯一優勝之處.

bandband

我依家都係頭痛緊呢個問題囉!我就係怕到時學怕咗佢,搞到佢唔學咪c...所以一開始我真係唔可以做錯決定,鋼琴買番嚟亞仔唔彈時我老公都有用(佢又係玩音樂既,不過係結他手...)...點都好,我再留意吓先...thx~!