補習社新丁感受－－困獸鬥

csy_ma

以下是一位朋友醫貓給我的文字，講自己當了幾天補習老師的經驗。鋪上黎，係因為我不懂回答佢既問題：

補習社之困獸鬥我見我聞


藍田一間私家補習社，呈長方形，地方很整潔，旁有放鞋子的丁方雜物房及廁所，再進去，是不到一百尺的地方，放了三張長方小桌，擠滿了小朋友。
他們大都是下午三時半放學來的，下午五時許會來兩個中學生。大伙兒緊迫的坐在一起，眼神卻沒半點友善，活脫脫如坐船偷渡似的。
補習社的女老闆在城大唸金融並留學英國，她命令式的語氣非常凌厲，經常喊出：「快D，唔好嘈，唔好再講嘢，快D。」
（都好似平日我同囡囡講得最多既對白:cry: ）

我充當臨時補習老師，兩天內分別碰上兩個小朋友偷泣。

頭一日是個男孩，說忘記帶數學功課簿，我信他並在手冊內注明。到大家差不多可回家時，男老闆來了，搜他的書包，結果找到了功課簿，及另外一些要做的功課。他一邊做一邊抽泣，當男老闆責怪他懂作大為何不懂作文，他又抽泣了。我惟有掃掃他的背，並教他深呼吸。

第二天，女老闆限我十分鍾替兩組學生三位小朋友默書。其中一個女孩經常聽不到我說的字，一個男孩去提她－－其實早前已默了一小段－－女孩因地方吵，集中不了，又被比下去，所以哭泣。

檢查小朋友的功課，補習老師要直接把正確答案寫在旁，因之，“聰明” 的孩子會事先隨便的胡亂填寫。如有錯漏被學校老師批回，女老闆說家長會投訴的。
有一次，家長對女老闆說，她的小孩回家便不再做功課了，女老闆回話：加時補習吧！

這就是補習社的運作機制。最後，我被辭退了。

上述是二00七年底香港的一角一景，除了競爭和冷漠，我們能有其他選擇嗎？還是，我仍然要強行無知和天真？

pingpingping

我都有聽說過類似的情形，所以從不敢考慮將小朋友送去補習社，好彩我是全職媽咪，但有些在職媽咪真是冇辦法。

謙仔媽咪

所有補習社都係咁架啦, 有d細路真係好難教, 成日講大話, 小小野就喊!
如果你做耐d就明架啦, 導師唔惡d, 交唔齊功課or成績唔好d家長就會咋形.
如果你適應唔到, 最好唔好喺呢行side時間!

Mrssslui

多謝你既分享,可以既話,真係唔好把小朋友放補習班社,希望有例外既補習社啦 !

原文章由 謙仔媽咪 於 07-12-19 00:14 發表
所有補習社都係咁架啦, 有d細路真係好難教, 成日講大話, 小小野就喊!
如果你做耐d就明架啦, 導師唔惡d, 交唔齊功課or成績唔好d家長就會咋形.
如果你適應唔到, 最好唔好喺呢行side時間! ...

BearMother

教會開辦的課餘託管都好好. 跟功課.默書.考試都好全面. 而且導師們有愛心. 不是利字行頭先. 大家不妨考慮下.

judymychiu

我都曾經試過將我的兒子在小二時放到補習社,可以等我平時放工後不需用太多時間和他對功課,但我只試了兩個月就急急放棄,因為補習社老師只幫他完成功課,但小朋友明白與否真的不會理會.又經常和其他小朋友玩.心都散埋.最後個句,都係靠自已好D.

xmanman

我仔以前都有去補習社(私人), 其實唔係個個攪補習社的都利字當頭,  當時如果個仔未做完功課, 他們唔會比我仔走, 就算做到8點都唔比走(老師會留下倍我仔),  測驗考試會在星期六再幫他溫習,  不過都無同我講錢, 也唔會加錢加時,  他們都是用心幫我仔的!  有時同他們傾計, 會發現其實係有d家長過份的要求,  個仔成績退步只會怪補習老師,  但又唔睇下自己小朋友的問題!  欠交功課唔一定關補習老師的事,  有時會係個小朋友自己專登唔寫在家課日誌上, 但家長只會怪老師, 唉!

不過, 因為是補習社,  始終會好多人, 一張table座滿十個小朋友, 真係幾難集中精神, 真係好嘈, 而且小朋友會養成以賴的習慣, 做什麼都等阿sir or miss 幫佢, 好似自己唔洗負責, 所以最後我仔都無補, 返家自己做功課, 反而自律了

Ivy124

睇完...好驚之前都有諗過將我小朋友送去補習社...但問過逢星期六幫我囝補英文的姐姐...佢都有向補習社度教...佢話千其唔好...因為補習社真係好難令個小朋友專心做功課...一大班圍埋就傾計...大大聲討論卡通片...d導師叫佢地靜d...佢地只會靜2分鐘之後又傾過...所以我決定繼續用私人補習姐姐

carmenwan11

我真係唔認同wor, 當然有d 補習社係太多人, 家長可以選擇一d 少人d. 同埋睇下個miss 先報名.

我自己開了一learning center, 我真係擺個心出來教, 希望可以教好d小朋友. 所以如果把所有補習班都label 為黑暗 , 真係會浪費了一班真心的人.

原文章由 Mrssslui 於 07-12-19 09:22 發表
多謝你既分享,可以既話,真係唔好把小朋友放補習班社,希望有例外既補習社啦 !

xmanman

同意!  

我都相信會有好的補習社及真心想幫小朋友的補習老師!  

謙仔媽咪

原文章由 xmanman 於 07-12-20 15:47 發表 同意!  我都相信會有好的補習社及真心想幫小朋友的補習老師!  

係呀, 好似我做嗰度為例, 每組6-8個, 秩序大致良好, 唔會好嘈, 當然有時亦會失控, 如: 有人放臭屁, 就會嘈一陣law. 其實嘈唔嘈好睇個導師壓唔壓到場, 教唔教到野, 如教到野比佢地, 佢地就會尊重導師多D啦! 不過我諗如果個比例降到1:5以下, 效果會更好.但補習費相對就會貴d. 所以都要睇自己經濟能力.如各位媽咪選擇補習班時, 一定要問清楚師生比例, 另外有D小朋友真係唔係太適合人多, 會心散架, 嗰D小朋友一定要私人或小班先會有成效架.

dkkk

本人十多年前都喺補習社做, 我當時仲喺而家幾出名既英X教育嗰到做,嗰D環境真係又BIG又嘈(3個老師對大約70-80個小朋友-下午班),如果你個小朋友可以自己坐定定,唔八掛就OK,因為好快做完D功課就可以溫習，否則，一定好遲先走得。至於功課，你要預咗佢未必明晒，但一定arm晒, 因為我哋會比晒個answer佢,冒求快而準.

所以而家做咗家長後,都唔敢比個女去補習社,但私補又貴,所以每日唯有嘔心瀝血地自己教

Gracemama

我個case就是, 將小朋友放補習社半年, 功課就次次岩晒, 字就亂晒, 因工作忙沒有多理會, 以為佢識就得了, 就來test, 我請假邦佢溫習, 一睇之下, 原來之前講過果d都唔識, , 真是後悔浪費仔仔的保貴時間, 跟住我即刻resign份工, 全天候旁住仔仔.抓緊失去d一分一眇. 以後我只會請上門補習.

希望我個post可以俾d媽咪提示.

謙仔媽咪

原文章由 dkkk 於 07-12-20 21:35 發表
本人十多年前都喺補習社做, 我當時仲喺而家幾出名既英X教育嗰到做,嗰D環境真係又BIG又嘈(3個老師對大約70-80個小朋友-下午班),如果你個小朋友可以自己坐定定,唔八掛就OK,因為好快做完D功課就可以溫習，否則，一定好遲先 ...

我都做過一間1對20-30人既補習舍, 做左幾日就走左, 情況真係好差, 跟本唔夠時間教好小朋友, 只可以直接比個答案佢.
但D學生考試又OK架wo, 點解呢? 因為通常呢D大間既補習舍, 都有辦法攞到附近學校既卷, 日操夜操之下, 咪識答law.
所以有d家長都好buy架!

ydoris

有些家長，放小朋友在補習社，順便託管．因為好似我們這些要跑到很遠上班，回家已是日落西山．若小朋友獨留家中，真是很危險的．
我亦是每天一吃完晚飯便給２個小朋友對功課及默書．因此，她們我弱點我都略知一，二．不過很不高興就是２次和老師對話，佢第一句就問我的小朋友有沒有補習．．．不知為什麼她會這樣問，卻令我十分反感．補習，是否必需呢？既然我肯付出，為什麼還要把小朋友放在一個這樣差的環境去學習？如今的老師，真是～～～