自閉症仔仔要留班

小氣囡囡

自閉症仔仔要留班
仔仔由返k1時，老師已建議佢留多一年k1，但冇留到，知道同其他小朋友差一段距離，好多嘢都跟唔到，專注力差，老師話上堂飄忽，認知，社交，組織，空間感，好多個差，現在高班要自己抄功課，佢唔識跟住抄，在家做功課要花上兩三個鐘，仲要我寫一筆，叫好多次先睇住寫一筆，打算高班留一年，但老師話讀返k2會好些，淺點等佢有信心d，老師又講得有道理，但是是問下各位媽咪，應該在高班留還是再返回k2留？

pocoyo123

現在讀K2?

如果K2跟唔上, 當然是重讀K2, 咁先有用, 否則, 免強上到K3, 佢又跟唔到, K3寫字能力要求比較高, 寫字無得迫, 如果K2個底唔好, 一路上去越寫越多就是惡夢開始

小氣囡囡

謝謝你建議！
現在讀繄k3, 要返回k2 重讀一年。

emilysoso

但你要計下年齡, 因小一派位6歲前有10分, 如過左只有5分, 同埋小朋友已經K3, 對他自尊可能有損, 要同佢分析下好D, 默已錯過了最好留班時間K1, 真係考慮清楚好.

小氣囡囡

已衡量過千百回，由k1時考慮接住k2，再延遲到現在k3，一直有想過比佢重讀一年，好像你話齋錯過咗k1時重讀時機，也擔心過佢會知道自己的不足而自卑，在我的立場管不別人的奇怪眼光，只要是幫到佢。縱使我幾唔想佢讀返轉頭，但佢能力有限，夾硬升上佢應付不了，面對功課，分組，社交，見他好唔開心，其他人抄到功課，而佢唔識又哭，冇話自信，直情抗拒做功課，搞到好日日做功課像抗爭，甚影響情緒。
分數我真係唔知係咁計，多謝提醒！但我顧慮不了這些，要解決當前佢可以適應的課程。

pocoyo123

回覆 小氣囡囡 的帖子

家長明白是最好, 當然是解決眼前的問題最重要, 那些自卑感(其實是家長的感覺多過小朋友), 自信心, 統統都唔使理, 跟到進度是最重要.
自行計分上小學都不太担心, 唔夠分咪搵D冷門D學校, 唔好想入名校就唔係咁多人爭

a328

go back to k2, he will feel more relief.

a328

furthermore, please attend some course for hand mobile skill, it will help

小氣囡囡

回覆 pocoyo123 的帖子

昨日同校長講咗，校長排行咗下個星期一開始返返k2。為了仔仔，我調節咗心態，不奢望佢成龍成鳳，但想他有進步，能跟到課程，不抗拒返學，快樂些就好。也同仔仔傾過，佢應該明我講，也同意返k2 ,來緊佢要重新識過新同學，新老師，吾知佢能否適應。你講得岩，小學可以選d比較冷門的。選擇熱門的，功課多未必適合我仔，我覺得可能選d活動教學的及學校有冇這方面的支援才適合吧。

小氣囡囡

學習進度比人慢咗，不能強迫佢繼續學不合適他的課程，返k2打好些基礎再升也許會好些。
我想買些泥膠比佢捏下，其他報下畫畫。請問你能否介紹下可以報d咩手部訓練的課程？謝謝！

clingy

訓練小肌肉的課程可以留意下協康會健樂會，小童群益會等機構，有d好平嘅小組。另外，抄寫有困难，寫字左右調轉會考慮下是否讀寫障礙嗎？

小氣囡囡

回覆 clingy 的帖子

謝謝你的資料，我也曾懷疑可能有讀寫障礙，但是上次佢話要去游水，我要佢做咗功課先可以游，佢就好快做。佢好恨做果樣嘢先會逼於無奈去做，但好多時候佢都拖拉吾做，也要去評估下佢是否有這個問題，或者專業人士教下我

chynnamama

其實係咪好多a 仔都要留班? 我仔k1, 讀一間好普通學校，so far 未要寫字都ok. 不過佢比同齡同學說話及認知都差d . 我都明白好多變數亦做好準備佢幼稚園至初小会留級. .
只因為家姐報小學，本來打算報一間多支援的比細佬將入來入讀.但如果細佬留班係咪会超齡變咗入唔到?
只

熹熹媽

我仔現己升上小一，是一間比較傳統的學校，佢上課時不專心都會給老師投訴，佢智能叫正常，會跟到寫手冊，你仔有沒有CHECK智能定有專注力失調呢，快D出去做訓練啦，只讀幼稚園是沒有用的

Jodi_妹妹

你仔學校的老師和校長很好, 很願意關愛他,  同意留K2, 關於升小計分制度, 也同意上面所說, 不用太在意, 因我們這些孩子, 選些冷門的二,三線學校, 反而對他們有幫助, 每班人數少些, 老師也可以看他們多些.  支持你.

pocoyo123

回覆 chynnamama 的帖子

如果有兄弟姊妹在那小學就讀, 咁佢的弟妹就是必收生, 必收生是沒有年齡大小分別和不需要計分的.

chynnamama

回覆 pocoyo123 的帖子

many thx.