手指唔夠大彈唔到8度音, 考琴點好?

Teresa

2005既grade 1考琴書既歌入面, 有幾個低音要用手指公同手指尾要一齊彈一個相隔8度既音, 但我仔隻手只係夠7度咁大, 點算好?  有咩解救?

iris-pc

Teresa,

我女女都係隻手唔夠大一齊彈, 今年暑假後考二級, 教琴老師話到時隻手可能會夠大, 她幫女女揀左2首唔駛一齊彈8度的歌, 及一首只有最尾位置要一齊彈8度的歌, 叫女女彈到那個音就快D咁跳去彈第二個音, 你報左名未呀? 可以叫教琴的老師幫你仔仔揀較適合的歌.

Iris-pc

miumiumilk

唔使擔心Wor﹐我個女舊年考了二級﹐老師也是同她選了首手指跨度少過8度的曲﹐我想一級﹐二級都可以避開此問題的。

Teresa

其實那一首歌是我和琴老師一起選的，我們最初只考慮到那首歌較容易掌握，沒有考慮他的手指是否做到8度的問題。

我想我會再讓仔仔多試幾次。

Daisy

miumiumilk,
hi, 見到您話女女考了 2 級, ok 嗎? 她幾多歲呀? 我個女今年都報了 2 級, 有無 d 怎麼事要注意 ga? 請指教.
tks/daisy   

yuetmama

Teresa 寫道:
其實那一首歌是我和琴老師一起選的，我們最初只考慮到那首歌較容易掌握，沒有考慮他的手指是否做到8度的問題。

我想我會再讓仔仔多試幾次。

Teresa,

My girl's piano teacher also choose the song with "8度的問題".  But the teacher only requests my girl to press the lower 8度 jar.    Then, what's your son's piano teacher say?

Teresa

yuetmama,

我還未和琴老師講呀！我打算自己幫幫他才請老師糾正。我問過我同事（她也是教琴的），她叫我試下“飛”音，ie.將兩個相隔8度的音一前一後彈出來（不過要快）。

我仔彈A1那首歌，你女女也是嗎？

yuetmama

Teresa,

Also is A1.  Except the 8度音 problem, this song is comparatively easier than A2 & A3.  But I think most young kids are 手指唔夠大彈唔到8度音.  How can they solve this issue ley?   Let me clarify with my girl's teacher sin.

yuetmama

ming2,

Thanks for your advice.  

miumiumilk

Daisy,

講不上有咩指教﹐想返起只是記得家長好緊張﹐小朋友就玩玩下就過了關了, 老師話甘細個容易摞同情分Wor。

我女女考級時剛過5歲﹐老實講是太細個左D﹐準備階段可以講係幾辛苦嘎﹐日日彈個幾首曲同要練 SCALES﹐好悶好悶。做媽咪的又要督促她練習﹐又怕逼得她辛苦﹐又要想法子等她不嫌厭倦。。。惡夢﹐真是惡夢。不過﹐見到她淡淡定定入去考﹐考完之後又一大段時間好開心甘自覺彈新歌仔﹐尤其是見到她在認譜方面有很大進步﹐就覺得時不時比D壓力她都係要的﹐辛苦得來有進步都抵返啦。

祝你的小朋友都輕輕松松PASS!

miumiumilk

Daisy 寫道:
miumiumilk,
hi, 見到您話女女考了 2 級, ok 嗎? 她幾多歲呀? 我個女今年都報了 2 級, 有無 d 怎麼事要注意 ga? 請指教.
tks/daisy   

Swan

Teresa,

您仔仔幾時會考一級? 我囡囡未報名, 昨日巳開始彈歌仔, 老師都話有幾首歌有8度,所以她幫我囡囡揀無8度的歌, 現在先彈"TEDESCA". 之前只是練SCALE, 簡直悶到死, 當時好驚囡囡放棄, 我自己都悶到想

Daisy

miumiumilk,
好多謝您解答及鼓勵, 您女兒好叻呀, 她今年會唔會考 3 級呀? 她是否每日好主動自己彈琴 ga? 我囡囡今年都是 5 歲, 請問 scales 多數會叫小朋友雙手或單手彈, 因我囡囡唔知點解雙手彈得好過單手, 另外, sight reading 好難, 其實係點考, 對 1 個得 5 歲 ga 小朋友會唔會好吃力? 請問成個考試過程大約考幾耐 ga? sorry 呀, 問您那麼多問題.
tks miumiumilk.

daisy

Swan

miumiumilk

您囡囡好叻呀! 可以日日彈個幾首曲同要練 SCALES, 的確好辛苦同埋好悶架, 我自己倍上堂時都悶到想死

Teresa

Daisy 寫道:
miumiumilk,
好多謝您解答及鼓勵, 您女兒好叻呀, 她今年會唔會考 3 級呀? 她是否每日好主動自己彈琴 ga? 我囡囡今年都是 5 歲, 請問 scales 多數會叫小朋友雙手或單手彈, 因我囡囡唔知點解雙手彈得好過單手, 另外, sight reading 好難, 其實係點考, 對 1 個得 5 歲 ga 小朋友會唔會好吃力? 請問成個考試過程大約考幾耐 ga? sorry 呀, 問您那麼多問題.
tks miumiumilk.

daisy

等我答啦！

考琴包括：Piano pieces 3首、Scales（除了contrary motion外，其他全是單手，彈2個8度）、Sight-reading （不過記不起初級的sight-reading要不要唱音了！）

初級考琴一般都是15分鐘左右，小朋友獨自入琴房，有個鬼佬考官（或者如果你book了翻譯，還有一個翻譯在場！）

5歲是否適合考琴，真的看個別小朋友。

Teresa

Swan,

我仔打算10-11月考，已經交了名給琴行了！到時他已經6歲2個月。

我仔現在已經練了所有scale (C major / D major / F major / G major / A minor / Appegerois C / contrary motion C)，現在開始練A1頭兩行。

練習過程的確很悶，所以我仔未必能日日自己練習，很多時他會等我放工晚飯後才練。這倒也有好處，因爲我可以糾正他錯的地方和示範給他。

我不會讓仔仔放棄的。其實起初當老師說要他考琴時我都有點猶豫，怕他還未達到水準。但老師說他應該可以做到，而老公和我都想試一試，給他一個機會讓他知道學琴是一回什麽事，趁入小學謙讓他知道要有恆心做事。

至於8度問題，我現在日日叫仔仔做手指運動，將thumb和食指盡量分開--做一個“拉筋”動作，希望有半年時間可以overcome到。

Swan

Teresa,

多謝您回覆! 您仔仔SCALE 巳學咗好多喎! 您們時幾時開始學架? 我囡囡現在巳學咗C major / D major / F major / G major 只是RIGHT HAND。 我本來都想11月考， 但老師說不夠時間準備， 所以要我報出年4月考， 我見學SCALE 時悶到痴肺，都唔敢免強11月考，怕搞到囡囡無心機學，也就答應了出年考。我也同您一樣，不會讓囡囡放棄，所以不會迫她太緊。

我想問為何您要仔仔彈8度D 歌呢？是否在考試會高分D？我個老師一見考試歌有8度就不揀，怕囡囡彈唔到。

Teresa

Swan,

我仔仔在農曆新年後開始彈scale。而我也督促他練，要他背scale，不用看琴譜彈出來。

那個8度的問題，並不是因爲高分與否。在考琴piano pieces A/B/C要各選一首歌。我自己彈過，覺得A1那一首歌比較容易掌握和練習，但我們成年人的手彈8度當然沒有問題，我試彈時也沒有發覺這個8度是個“問題”，直至我仔落手彈，我才知道有此“問題”。但我不打算再轉歌了，其他幾首對我仔來説更加難呢！

Swan

Teresa,

我囡囡都是農曆新年後開始才決定話要考試,最多比您遲兩星期才開始學SCALE, 敢您仔仔都學得好快喎。嘜原來A1那一首歌比較容易掌握和練習，等我問吓老師我囡囡可唔可以彈，我自己唔識彈琴，所以您要多多指教。您仔仔是到琴行上堂還是私人教呢？唔好意思，敢多問題

Teresa

Swan,

我仔在琴行學琴。本來我想找我相熟的“好老師”教，但他們個個都收山了！