College House問題

foxli

其實係咪間間中學都會好似哈利波特咁分House，入邊個house對小朋友重唔重要？因為香港過去根本唔會好似當地人咁清楚邊個house係好野。

beastiebistro

回覆 foxli 的帖子

大部分傳統英式寄宿學校都會行house制，方便管理（一間house幾十人容易睇過幾百人迫埋一齊。人數分得太散太少又要好多棟樓好多人管理，唔合符經濟效益）。傳統學校嘅House係垂直式嘅，即係咩年份都有，用意係house裡面自己係一個小「社會/社區」。除住年齡漸大，責任（同權力）都逐步加大，令小朋友成長。house同house之間有會有良性（大部分時間）嘅競爭，例如運動/音樂/話劇等等，喺無乜本錢嘅情況下等啲小朋友習慣社會競爭性。
現今有部分學校因為管理方式，會將啲house行橫行制，即係同學年學生住埋同一個house。咁嘅改動我認為會少咗垂直制嘅好處。

至於house嘅唔同有兩個層面。

第一係硬件嘅唔同，例如有啲可能位置近啲某啲校社，有啲可能遠啲轉堂行到死死吓。有啲可能歷史悠久啲，設施殘舊啲。有啲可能新裝修，啲嘢新啲。有啲可能多啲大dorm要share房，有啲可能多啲單人房。如果行house dining嘅學校，有啲house嘅伙食明顯好過其它。

第二就係軟性分别。基本上每間house嘅精神領袖就係個house master，佢嘅喜好主宰咗間house嘅氣氛。有啲好competitive，好鼓勵自己house贏晒啲inter house體育比賽，咁鍾意運動嘅小朋友就好啱。有啲好鍾意音樂，好鼓勵啲小朋友表演參加樂團，咁就適合玩音樂嘅小朋友。有啲古版啲，有啲搞笑啲，有啲放多啲手俾小朋友自己管理，有啲事事都好緊張。

其實當地人都唔係間間學校間間house都清楚，佢哋都係經過多次嘅school/house visit去認識硬件同軟條件。香港家長隔山買牛就未必做到。而且唔同學校機制唔同，house master任期長短都唔同，可能入嗰時嗰個係某種人，讀讀下換咗個housemaster，間house嘅做法氣氛180度變晒都得。

個人（以過來人又係現役家長身份）就覺得唔同house分别唔會超大，融入咗之後就會發現差唔得太多。

sorry，長篇大論咗少少。

foxli

回覆 beastiebistro 的帖子

真係好感謝師兄可以嘥時間咁詳細答我啲咁少問題，另到我呢個升學新手又可以知多啲。