公民數 Vs 珠心算 ?

熙媽媽

我無經驗，只係聽朋友講過，請有經驗ge媽咪指正一下。

公民數：
每日一定有練習，不斷的練習、升級成能推動力。
如果小朋友已經有d怕數學，學呢個course就可以循序漸進，因為練習足夠，不斷重覆，所以計算速度會加快，小朋友自信心會因此而慢慢提升。
有朋友仔仔本來好怕數，但上0左呢個course，佢開始唔怕，足夠ge練習叫佢熟能生巧，測驗成績好0左。
上0左一年幾，因為課外活動太多，佢主動話cut呢樣，話自己係屋企做多d都得。由於上course時keep到每日練習ge習慣，又有滿足感，所以佢而家都可以keep到日日練習，成績亦唔錯。

珠心算：
係教計算ge方法，所以有口訣要背，要常練習。
計算方法同我0地平日計有d唔同，我0地由個位計起，佢就計個位最後。
有朋友ge女唔多練習，半途無再學，佢覺得學0左仲衰，因為學校老師教由個位計起，但係女女之前學珠心算時背0左口訣，好耐先脫離到計個位最後ge方法，朋友就覺得女女兩頭唔到岸。
但係有教中學數學ge朋友就推薦珠心算，我講番以上朋友遇到ge問題，佢就以自己小朋友為例，話如果小朋友專心學珠心算真係有用，亦唔會同學校ge教法有混淆。

h28

有冇家長可否講講學成史丰收後的感受,有冇同上學校數學堂出問題或更加好?

kkmother2000

我比個仔學珠心算己經2年幾, 出來效果唔錯, 除左計數快左外, 專注同記憶明顯改善左, 學習初期要背口訣同好易亂, 一要番屋企再佢再溫先至好. 我唔覺得同佢學校傳統數學會混淆喎!

pingubj

我仔仔學左珠心算3期,學得都幾好,我打算開學之後都繼續比佢學,我覺得可以增強佢既記憶力,令佢頭腦靈活d,唔一定要佢計得快.
我冇諗過讀公民數,聽朋友講個d公民式會做好多練習,做到怕.

熙媽媽

係ar，我都係覺得教書朋友講得有道理，如果我仔仔要學，我都會比佢學珠心算。教書朋友亦指出珠心算係教你思考，個人分析力同專注力會因此加強。

至於我之前講其中一個朋友話珠心算同學校學ge產生混淆，最主要原因係我個朋友無好似你一樣，佢返屋企之後無再同小朋友背熟日訣，所以之後ge課程跟得唔多好，小朋友更失去興趣。

kkmother2000 寫道:
我比個仔學珠心算己經2年幾, 出來效果唔錯, 除左計數快左外, 專注同記憶明顯改善左, 學習初期要背口訣同好易亂, 一要番屋企再佢再溫先至好. 我唔覺得同佢學校傳統數學會混淆喎!

熙媽媽

h28 寫道:
有冇家長可否講講學成史丰收後的感受,有冇同上學校數學堂出問題或更加好?

我又係聽返0黎ga，教書朋友話如果學就學珠心算，史豐收無0甘好。
對我0黎講(正如上面寫過，「珠心算」、「公文數」係針對唔同小朋友ge需要)，我只係想知「珠心算」、「公文數」、「史豐收」邊個好d，所以無仔原細問原因。下次再見到佢等我問問先。

jjhwong

我囡囡已經5歲半,佢從未出去學過數,我都15,16都吾知俾邊一類俾佢學.  因為家陣實在有太多選擇,我做人亞媽都搞到   ,又珠心算,又史豐收,又奧數............ ! 不過公文數我已經out左佢,因為我知一定吾適合我囡囡.  真係吾該各位媽咪俾下意見啦.

    

pingubj

我仔仔又唔使背口訣喎,雖然佢唔係學到好高級,而家唔用算盤好快可以計個位連加連減法.我覺得學數學可以訓練腦筋靈活d.

jjhwong

pingubj,

你仔仔係邊間到學珠心算嫁,可吾可以話我知呢 ,我覺得你仔仔好似學得o既輕鬆喎 !

Thanks,

pingubj

jjhwong 寫道:
pingubj,

你仔仔係邊間到學珠心算嫁,可吾可以話我知呢 ,我覺得你仔仔好似學得o既輕鬆喎 !

Thanks,

我係澳門學架,可能我仔仔本身鐘意數學,所以學起來比輕鬆d呱,佢學完返黎仲教我,我都識架,不過唔夠佢快.

kyocera

helloman 寫道:
想提一提大家，數學並不等於計數。

計數快同準並不等於數學好。

學數學目的是訓練一思考，方法不對，學生只會「高分低能」。

helloman
唔好意思,想請教你
數學並不等於計數. 咁係代表咩?
計數快同準並不等於數學好。咁唔通計得慢同唔準先等於數學好.
學數學目的是訓練一思考，方法不對，學生只會「高分低能」。 咁邊種學習數學既方法先唔會令學生高分低能呢?

熙媽媽

helloman 寫道:
學你話齋，珠心算都係"背熟"口訣，點訓練思考呢？我都想聽你果位教書的朋友的高見。

今日蘋果日報訪問左一位o係國際性比賽奪獎的升中學生，大家可以分亨o下：

他 熱 愛 數 學 的 爸 爸 絕 對 功 不 可 沒 ， 數 學 神 童 更 是 在 「 向 爸 爸 問 問 題 幾 乎 無 （ 提 供 ） 答 案 」 的 情 況 下 培 訓 出 來 。 胡 爸 爸 坦 言 ， 栽 培 兒 子 的 秘 訣 是 ， 「 長 時 間 培 養 佢 自 己 解 決 難 題 ， 自 己 諗 同 人  教 你 ， 會 有 兩 樣 唔 同 效 果 。 」

等我再見到朋友ge時候問0下佢先，我想佢唔會搵自己個仔做實驗啩

我到同意蘋果報道呢位爸爸講ge 0野，但我係作為一個對數學唔多在行ge家長，請問我想培養小朋友數學方面ge能力，我可以點做呢？請問你有0羊好建議呢？ thx

3CF

公民數
個女讀左九個月, 早兩個月cut 。左,因為我唔like它太多重復,個女明明meet到個時間 around  4 or 5 minute do 200 questions ,他們還要個女重復做三四次,each level has 二百張 working sheet, each sheet has around sixteen question.  five working sheet per day. 個女做 level 2A
e.g. question : 2 + 1 or 7+ 8 ... it is so simple for primary one student.  Kumon 要求重復做三四次.  means that 頭 一佰張用三個月時間才 complete, 你話係咪浪費 time and money. 如果你個仔 around four years old, 重參 d working sheet 同街買 d workbook 差不多, 寫下 123, count number 你話係咪浪費金錢, $440/month 唔平呀！唯一好處個女知要count時間, 她會做得好快, 考試唔使驚慢吞吞, 但係 d 字好 untidy.我都有朋友話個仔好驚 count 時間, 好大壓力呀！真係因人而定。

熙媽媽

helloman ,

thany you

兔仔媽咪

我既小朋友9月升小一, 係今年6月先開始讀公文, 主要想暑假不要太清閒, 由4A開始, 短短兩個月已升到2A, 我覺得佢計數明顯快左好多, 一睇就知答案, 同埋有自律, 自己日日做, 因我要返工, 只係遙控都OK, 我覺得幾好, 今晚有個說明會係關於英文科, 我會去聽, 因為係新課程适合非英語為母語之小朋友

shirleychan

我自己以前讀書計數是數手指的, 我的兒子5歲, 我之前教他計個位加數, 用數蘋果的方法, 即...你有兩個蘋果, 送多一個給你, 共有多少個? 他多數用數手指的方法, 但不數手指就計不到, 其實學珠心算也是數,但計有系統,當他做熟珠算後, 自己的腦海裡就有一個算盤, 心算自然更容易, 即是將抽象的加法變得較實在, 而且背口訣後, 他能夠運用,其實他的思考推理能力是會進步的.
我是教書的, 很多教數學的同事亦很推薦珠心算的.
我個仔學了四堂, 用算盤計個位加減已做得很好.