點樣可以教細路仔學識寬容, 寬恕人地, 包容人地缺點, 同埋企o向人地角度諗野?

Darrenma

講唔上有咩心得，大家分享吓
除咗平時當小朋友遇到上述情况時有D耐性講解比佢聽之外，我覺得透過講故事的方法都幾有幫助，對細D嘅小朋友會更易明白同有深刻印象。其實市面有好多呢類教小朋友禮貌、寬容待人嘅故事書。

chumamma

我唔知我方法是否正確, 但係到現在, 我個囡係社交人際方面做得非常好。

如果遇有需要寬容寬恕包容人地缺點時, 我會以身作側, 如我個囡唔肯 寬容寬恕包容人地, 我會待個囡同對方講 sorry, 久而久之, 個囡被我影响, 佢會照跟。

我自己係個囡面前做錯, 我都會 say sorry !

Eg, 人地唔肯向我個囡講 sorry, 我會同個囡講 : 我幫佢講 sorry, 無事啦。事後再加以解譯。

無論對方錯或對, 我都係先叫個囡讓人, 讓大哥哥姐姐, 細過佢當然一定要個囡讓人, 久而久之, 我個囡都係讓人多過同人爭。

ozbaby

這個題目令我想到一個啟示: 工人的出現,係要我示範,教好孩子.

如果家有傭人,對其無限次大大小小的犯錯和缺點,作出包容和寬恕,肯定可以達到以身作則的效果.

但可惜,我的工功和修為真係唔夠深厚. 如何能在對與錯,寬鬆與嚴僅中作出一個平衡?真係好難!

教仔同教工人,就好像互想影響住.
有時,反而係 3歲孩子教返我轉頭.