若果"政見"不合, 是否不應考慮培僑呢?

waiwaiyin

其實我對培僑的學校配套, 環境, 教學方針... 等等都十分景仰
但就真係接受唔倒 "國民教育", 有無過來人可以分享下睇法 ?

利申 : 我唔係話"國民教育"唔好, 只係我唔適合啫...

壞寶貝

原帖由 waiwaiyin 於 15-05-13 發表
其實我對培僑的學校配套, 環境, 教學方針... 等等都十分景仰
但就真係接受唔倒 "國民教育", 有無過來人可以 ...

又是逢中必反之流，再解釋也是徒然; 愛國不代表愛黨，崇洋媚外亦不一定要摇尾乞憐！

waiwaiyin

回覆 壞寶貝 的帖子

唉~ 都知道一講這些話題, 就總有非白即黑的回應.
但我懇請冷靜討論, 切勿無限上綱, 我只提及接受唔倒"一個課程", 請不要馬上聯想什麼逢中必反, 什麼崇洋媚外, 那麼複雜我消化不來, 受之有愧.

若果我這個話題令你反感, 好抱歉, 請你莫視就好了, 謝謝.

壞寶貝

原帖由 waiwaiyin 於 15-05-13 發表
回覆 壞寶貝 的帖子

唉~ 都知道一講這些話題, 就總有非白即黑的回應.

教署在2012已收回國民教育方案，校方何來國教課程教授！

壞寶貝

八國聯軍、甲午戰爭、日軍侵華等課程就每年都有！嚴格來講，認識歷史都可算是國民教育一種！

waiwaiyin

回覆 壞寶貝 的帖子

http://www.puikiucollege.edu.hk/ ... sletter/2011MS2.pdf
請打開以上學校連結 ：小學中文組電子報《文萃》 細閱內容。

若然是我誤會了，敬請原諒

waiwaiyin

回覆 壞寶貝 的帖子

對於歴史科及德育科，我是沒有意見的....
其實，若果無人對我的題問有分享的話，就由它沉下去吧，無謂再離題了，也浪費了你的時間.

A-Mum

其實，點解認定培僑有特別嘅國民教育呢？
我兩個小朋友讀唔同學校，我唔覺得培僑呢方面有特別喎。不過我一向同朋友講，有憂慮就無謂報讀，何必令自己擔心？

壞寶貝

原帖由 waiwaiyin 於 15-05-13 發表
回覆 壞寶貝 的帖子

http://www.puikiucollege.edu.hk/website/images/chinese_newsletter/2011MS2.pdf

您唔擺條lane出黎，我都唔知2011年學校有國教活動，不過睇完D資料後，真係冇嘜特別，好多資料都係報章媒體見過，又冇歌頌黨如何偉大，又冇扭曲事件，只是提及歷史同國情，唔覺有洗腦之嫌喎！另外要提一提，依兩年冇咗喱份文萃，可能係因為反國教活動原故，校方被免外界藉此大做文章而取消，有D覺得可惜，連升旗禮都冇埋，真係覺得校方受咗好多委屈，是否感覺受泛民政治迫害，就見人見智喇！每個人都有言論自由，是與生俱來的權利，我話我愛國啫，都唔得，真係冇嘜道理囉！

daddykei

其實如果你有時間爬下舊文，你會發現噤多年來都係多面嘅人不斷話培僑有國民教育，洗腦……等，用家從來無感覺到學校有所謂嘅特別教育！但中國傳統思想學校真係會放時間教，如尊敬父母，老師，敬老扶幼，珍惜所有，有能力就幫助有需要嘅人等等！兒子在培僑讀了一年，整個人自信了，快樂了，也生猛了！遇到困難會自己想辦法，做Project 學懂尊重同學，願意接受別人意見，亦學會提出自己嘅想法！剛剛上星期中藝科，全班分8組，每組小朋友用一星期嘅小息時間同組員一齊商量同合作排練一首童謠（動作+唱歌），他們有意見不合嘅時候，但好快又可以諗到令大家都滿意嘅方案，我好感動！六歳嘅小朋友，係無老師帶領下，自覺地用小息時間排練，有板有眼，真係好難得！培僑教育比一般學校「活」, 但因背景問題，令好多人卻步，但你如果願意去了解一下，你會發現不一樣嘅培僑！我同你一樣，有擔心過，迷失過，哩一年，我事事跟足，課本功課我亦有scan過，又同高年級家長了解多咗，依家安心了！

waiwaiyin

daddykei 發表於 15-5-13 23:22
其實如果你有時間爬下舊文，你會發現噤多年來都係多面嘅人不斷話培僑有國民教育，洗腦……等，用家從來無感 ...

多謝你的詳細回應, 亦解除我不少疑慮, 謝謝!

Sallyqiqi2

其實啲神校都好愛國𠺢，不過佢哋口卑好，成績好，冇噤多大衆noise ...

JadeW

學校每周仍有升旗禮，仲有同學係升旗隊負責做此工作添！

JadeW

對於政見不合，我個人的見解係學校的家長老師每人都可有不同的政見，乜人都有，無論邊間學校，冇可能所有人都同一政見，只是比例上會有差異。此校個人感覺的確是建制派支持者較多，但亦有中間及泛民支持者的家長在讀，校方吾多吾少亦會有自己立場！
如你能接受學校、老師、家長們可能同你有不同意見，你會接受佢地自由發表意見，亦願意避免跟不同政見人士議論以免引起不必要爭議，應該無大問題。

jamlee309

其實培橋都係一間好學校， 只不過家長聽到培橋就覺得親中， 其實只是家長的感覺!

可能大家家長諗多左， 小朋友大個左，會有獨立思想，會諗下有什麼事是正確做，有些事不應該做! 只是家長而家諗得太長遠，將來事情由他們大個了，自己決定啦!

我估泛民家長，如果太多顧慮，應該唔好選培橋，會影響親子關係! 選國際學校或外國升學

jamlee309

wai wai,

你淨係擔心有國民教育? 定係其他政見?

你驚國民教育會洗腦? 講真對於小學生可能唔清楚內容，到了中學生可能佢地會明白，到時你又可能擔心佢地瞓街， 破壞社會安寧，家長想管都管唔到! 現時，放鬆d,邊間適合小朋友去讀咪讀囉! 過幾年後都未知咩事! 可能小朋友好乖亦可能好百厭

samchan2179

原帖由 waiwaiyin 於 15-05-13 發表
回覆 壞寶貝 的帖子

http://www.puikiucollege.edu.hk/website/images/chinese_newsletter/2011MS2.pdf

其實D小朋友真係好叻，咁細就自己搵資料，認識釣魚台歷史！學校花左好多時間陪養學生，小學生巳經有自己立埸同見解，唔係人云亦云！最like 佢話＂日本竊釣魚台主權，侵中國領土是可恥，橫蠻的強盜行＂，＂叫日本離開釣魚台＂，強己有力！但另一位四年班同學話：＂現在的香港和中國都有毒品是因為英國傳過來的＂就好似唔係太準確！

wai406

原帖由 A-Mum 於 15-05-13 發表
其實，點解認定培僑有特別嘅國民教育呢？
我兩個小朋友讀唔同學校，我唔覺得培僑呢方面有特別喎。不過我一 ...

我跟你一樣，一個小孩讀培僑，一個讀另一間學校，其他學校一樣有升旗礼，培僑其實跟其他學校無分別，其他學校一樣有教認識中國，但就唔會比人話

jamlee309

團因培橋個名太中國化，哈哈

samchan2179

原帖由 jamlee309 於 15-05-15 發表
其實培橋都係一間好學校， 只不過家長聽到培橋就覺得親中， 其實只是家長的感覺!

可能大家家長諗多左， 小 ...

認同，我寧願小朋友第時做李思嫣都好過做之蜂