K1有必要讀私小嗎?

我愛肥豬王

同阿仔報左2間較出名既私幼, 將要interview了, 但C６話都無打算比阿仔讀私小，諗住津小，因為佢自己當年都係津小，校風唔錯，想阿仔將來都入同一間。

所以佢話根本無必要專登讀私幼啦。（當初佢又無好反對我報名，由得我）

其實我都係想比阿仔試下，點知Ｃ６連試都話費事試，覺得我多餘。。

咁事實係咪真係無必要呢？

請指教, thanks!

hippogod

IN 咗先算，當去玩，可能你會發現小朋友原來識咁多嘢 (或有D咩嘢唔識)
學券幼稚園都要面試啦

tingtingword

每個家庭睇法都唔同，睇下自己想要咩。
我個人認為學術上知識係小朋友的財產，無論讀咩小學都唔會攞得走所學過嘅野

我愛肥豬王

回覆 hippogod 的帖子

多謝你回覆.我心態都係志在試下, 無話特別操什麼面試技巧.

我愛肥豬王

回覆 tingtingword 的帖子

多謝你回覆.因為唔太肯定自己想法係咪有錯(目標津小之前條路), 所以先想問下大家.

NICOLE123

我愛肥豬王 發表於 15-10-27 10:28
同阿仔報左2間較出名既私幼, 將要interview了, 但C６話都無打算比阿仔讀私小，諗住津小，因為佢自己當年都 ...

你估而家津小程度低呀?其實如果唔係一條龍
為小朋友打好底上小一係對大家都好.
當然唔係叫你去補咩補咩.
如比得起讀一間學術好小小既
上到小一對小朋友同大人都好.

cpychung

我愛肥豬王 發表於 15-10-27 10:28
同阿仔報左2間較出名既私幼, 將要interview了, 但C６話都無打算比阿仔讀私小，諗住津小，因為佢自己當年都 ...

如果真係讀番自己當年既小學，唔去考私立，直資既話，其實係真係唔需要讀私幼，私幼確實會教深啲，語境亦可能好啲，但問題語境呢啲野如果你唔keep 住既話，其實去到小學三年級就還番哂出黎，至於深啲其實你幼稚園train 得好幸苦既野，小學生可以好快train 到，語境 keep 要成本，如果你屋企銀根鬆，當然冇問題，但如果都諗住到小學都唔會／或冇能力投資落去，就真係冇太大需要去讀私幼....

creamb

原帖由 NICOLE123 於 15-10-28 發表
你估而家津小程度低呀?其實如果唔係一條龍
為小朋友打好底上小一係對大家都好.
當然唔係叫你去補咩補咩.

Agree!

edconcheung

回覆 我愛肥豬王 的帖子

本身教過學劵幼稚園，資源真係有限，所教既係淺，進度慢好多，因成日周不時有教育人員上黎check，觀堂，學校行政較亂等。家長確實需要額外比小朋友出外補。

依家我小朋友讀緊私幼pn ，教既資源豐富、老師教小朋友規矩，小朋友好快掌握到，學既野近乎K內容，但小朋友吸收到。全日有net，唔止上堂，連遊戲都有net在旁，有理想既英語語境。
學費方面表面上係貴，我個間一個月比$5000，上學期雜費：$3000（包書簿、勞作、節日、茶點費等），開學到依家冇收過額外收費。車費：$0


我計過條數，小朋友升讀學劵學校，扣除學劵資助，加額外補貼要：$1千至2千度，車費：$1千，出去額外補英文（net教）小班：$200-300/1堂（1小時），其實條數同私幼差唔多。

最重要係報讀私幼時，了解課程，可唔可以比家長日後選律小、直資、私小、國際，部分私幼可以配合學生升小出路。
亦有啲顧到英文，中文完全唔掂。
希望幫到你

ho_yan2406

係冇需要,但上到小學你就知,如果讀有學卷既kg都要出去補補,錢都係要俾,時間仲用多左