閱讀計劃

sacem

我兒子是小一誠班。請問那閱讀計平均一星或一個月要看多少本圖書才達至學校最低要求呢？

papa一個

我個女舊年讀小一時, 佢有個同學平均每日讀三本, 所以攞左全年最XXXX奬, 不過成續就普通過唔普通, 因為每月公佈閱讀數量, 我要一直提我個女唔好同人鬥快, 一本故事書最好睇多一次, 好睇既睇多兩次, 我再同佢講多一次先還, 所以平均每星期都係兩三本.

sacem

papa，謝謝你！其實一個星期三本都好似強迫多過係自發性去讀。你認同嗎？我是職業媽咪，放工都第一時間睇工課和多到瀉d通告啦，仲邊有時間story　ｔｉｍｅ。
咁你有冇訂學校建議的月刊給小朋友呢？你覺得那一本比較有趣呢？

一家的太陽

閱讀，最好是培養閱讀習慣，切忌強迫。
阿囝學校都有閱讀手冊，用貼紙來記録閱讀数量。閱讀中文書一本，交一份讀書報告，可以換一張貼紙。英文書則2張貼紙。
阿囝都算喜歓睇書，但不願做讀書報告。初初都有迫佢做, 後尾班主任説，只要佢肯睇書，讀書報告做唔做其實都無所謂。
學校派閱讀手冊，都係為了鼓励、培養小朋友養成有閱讀的習慣。

papa一個

原帖由 sacem 於 08-9-25 12:51 發表
papa，謝謝你！其實一個星期三本都好似強迫多過係自發性去讀。你認同嗎？我是職業媽咪，放工都第一時間睇工課和多到瀉d通告啦，仲邊有時間story　ｔｉｍｅ。
咁你有冇訂學校建議的月刊給小朋友呢？你覺得那一本比較有趣呢？ ...

一星期讀三本, 唔會強迫個小朋友, 係要強迫大人至真, 一個剛上既小一學生, 唔會識好多生字, 睇書主要係睇公仔, 只要有公仔, 佢唔會點抗拒, 最多女仔鐘意睇白雪公仔多D, 男仔鐘意睇dinosaurs多D...

我會盡量要佢明白書本個內容, 間中又抽D生字要佢認下, 所以每晚上床前抽10-15分鐘講故事同傾計時間, 係絕對唔少得, 最多兩公婆輪流黎做.

至於閱讀報告呢我都試過, 老實講, 如果你個小朋友唔係好特別, 即係資優個類, 算把啦, 我做左一次就唔再做, 因為都係自己做晒, 對一個一年級新生係困難左D, 而家我個女二年級就唔同, 雖然文字簡單, 但佢可以自己做晒.