約同學一起溫習

sml

囡囡話去同學屋企溫習，但我擔心佢地玩多過溫。其實與同學一起溫習，有無用？溫吾溫到呢？

Yanamami

唔洗担心，係一定会發生~

其实做乜要—齐温？好d咩？有乜唔明, whatsapp乜都问到啦~家下通訊禁發達~你估幾年前我地只可以打电話问咩？留校library温还有d避忌，係屋企好心散就真~可能又有其他人出入……

tonychan9

原帖由 sml 於 15-12-29 發表
囡囡話去同學屋企溫習，但我擔心佢地玩多過溫。其實與同學一起溫習，有無用？溫吾溫到呢？



  ...

溫鬼溫馬！

sml

我都覺得可能玩多過溫，但囡囡口講係溫書，如果我表明吾信佢，似乎又吾多好喎

miriam

sml 發表於 15-12-29 18:03
囡囡話去同學屋企溫習，但我擔心佢地玩多過溫。其實與同學一起溫習，有無用？溫吾溫到呢？
  ...

我都有問我囡考時期間留唔留係學校溫書, 佢答我唔會, 情願考完時間接近食晏時間同同學食埋晏就返屋企, 佢應該諗到邊係溫書丫, 到時成班嗌去玩真係可以唔去?  

Yanamami

sml 發表於 15-12-29 20:35
我都覺得可能玩多過溫，但囡囡口講係溫書，如果我表明吾信佢，似乎又吾多好喎



  ...

你識得佢同学屋企人?升中前我同女講明，如果我唔識同学既家人(personally), 就唔可以上人屋企，做乜都唔可以，包括project.

TEMPO123

tonychan9 發表於 15-12-29 19:54
溫鬼溫馬！

咪係，玩就真。

tonychan9

原帖由 TEMPO123 於 15-12-29 發表
咪係，玩就真。

千祈唔好，我個囡D家長全部吾比約同學出去溫習！

TEMPO123

tonychan9 發表於 15-12-29 22:00
千祈唔好，我個囡D家長全部吾比約同學出去溫習！

tonychan9

原帖由 TEMPO123 於 15-12-29 發表

佢e幾日都系屋企做功課同溫習，佢D同學都一樣無出泥玩！

sml

今次係亞女第一次話去同學屋企溫書，我結果比佢去。試一次，睇下點，不過已講明佢溫完返來我會問番佢。同學媽媽到時在家，我已向她講明擔心囡囡顧住玩或傾計，請佢幫手提醒佢地。

到底與同學一起溫書係吾係咁負面呢？在網上有些文章係鼓勵同學一起溫習，可以互相學習，互相支持。

sml

我的囡囡是一對孖女，有時係自己屋企都未必專心，在別人家中會否專心一點呢？

qkhui

如果我仔同我講去同學家溫習. 我首先會看看個同學係邊個, 我識唔識, 家有無大人在. 如果無大人在, 就一定唔會比.

如果個同學我識, 知佢係咩小朋友. 有信心我會比仔仔去. 在家溫書其實有時都會好悶. 去跟同學一齊溫, 可能仲好, 有咩唔識可以即時問. 當然一定會傾下講下. 我都會事問仔仔, 去同學家溫咩? 回來會問返佢書. 看看係唔係真係溫到.   

BallBallMaMa

我囡成日都會約埋同學仔一齊温書，一係上我屋企，一係去同學屋企，一係去Starbucks or 麥記。我屋企基本上白天冇人，佢地會一邊溫書，一邊食野，但完全冇問題，個個都好乖，成績好好。

natnatbaby

我又吾覺得一定負面，在家有時也未必是温，主要還是看小朋友的定力和同學是什麼人。傾下計，食下野輕輕鬆鬆温也OK。大家一起溫一日半日無所謂，如趕工就不要一起。

brother4

朋友孩子一樣約同學一起溫習，但未去過同學家，只去圖書館/自修室，較好少D誘惑

TEMPO123

有同學仔約過女一齊溫習，都被女婉拒了，女中意靜靜地自己一個人溫。

germainehui

一樣，我囡今年讀F1，佢都成日話要約同學一齊溫書，仲話同學仔住青衣，要去同學屋企溫習，我地住東區，冇理由咁遠水路去青衣溫書，梗係唔俾佢去啦，我叫佢帶同學仔上來我地屋企溫書，佢又話同學唔肯。

BallBallMaMa

咁遠，浪費時間，梗係唔好啦。我屋企近學校，同學屋企又在學校隔離，夠近先可聚腳温書。