不知羞恥的家長!!!!!!!!!!!!!!!!!

barry_mama

呢件事係o係我今朝返工o既時候見到……
時間：早上七時四十分左右
人物：二至三年級穿著運動服o既女童、其母親、一個年約六十o既婆婆
地點：過海巴士上
背景：
女童上車後，經過下層的走廊時，一邊抓住扶手一邊行，拍打到婆婆(坐o係走廊旁，隻手放o左o係扶手上)手。
經過：
婆婆：你打到我隻手呀，唔使道歉呀，整到人o地都唔識道歉(語氣一般，唔係惡先)
女童(好惡，又大聲兼指住個婆婆)：邊個叫你擺隻手o係度o者?
婆婆：你整到人唔講對唔住，仲鬧人，你讀咩書o架?
呢個時候我周圍望，終於望到女童訪o既母親，佢不聞不問。
如是者，婆婆同女童過o左幾招，然後母親加入。
母(對住阿婆講)：夠喇!好小事o者
婆婆：你點教小朋友o架!整到人……(內容同前面差唔多)
讀咩書，你讀屎片o架?side晒納稅人d錢!
母(開始火起來)：宜家咩咁大不了o者，使唔使講到咁呀!又食屎，又讀屎片?
婆婆(我覺得呢句好正!)：我呢家鬧緊你呀，梗係用d最衰o既詞語啦!
兩者繼續爭執……
最後，母親出絕招。
母：XZYWQ
婆婆：你講粗口?我都識講呀，不過我唔會講，你有失斯文呀!講多D啦，教壞晒你個女!
母女無聲出……
我點解要o係呢度將個故意講出o黎?
因為我都係老師，好心痛點解d小朋友會咁大膽、咁無禮貌!
老師苦心經營o既校風，比佢一手敗壞晒!!!!!!!!!
o係呢度，我好想有人話到比我知，究竟呢間係咩學校?
運動服款式：白色底，領位同手袖邊有藍色邊(呢隻藍好似石油氣罐咁)，下身o既運動褲同上身藍色邊位係一模一樣的!
佢o地兩母女o係維多利亞公園(過海巴士過了海第一個站)下車。
我真係好難相信，咁o既家長會教出一個點o既細路!?!
如果你知道佢係讀邊間，唔該話比我知!

M＆A Mom

唉！而家好多家長都係唔知點教小朋友 :evil: 有時我都好唔明

例一:
等Life，明明自己个細路企正Life前"左"住一陣出Life嘅人。有d直頭教都唔教，尤得佢左住晒。有次，有個亞媽重正，佢話"快d行開啦！唔係人地出Life撞死你！"
可以本末倒置成禁

例二:
家吓d細路好有禮貌講"唔該借借！"
不過佢未講完就已經撞開你 :evil: 禁重係唔係借借！
我自己親身經歷，係書局兒童圖書个part，我推住bb車行過，條通道好窄已冇空位，个靚仔一句"借借"就推開我架bb車！我米話佢"你唔夾硬黎先得！"
佢即大大話"我米講咗借借囉！"
我話"唔係你講咗借借就可以推開人架！我又唔係唔借比你，你都要等我倒車先得架！"
個靚仔重唔"份"氣      話我左住晒！
我米鬧佢"你禁惡就叫書局關門，淨係招呼你一個！"

所以呢两樣野，我一定引以為監！

barry_mama

好同意
如果我遇到咁o既情況都會出聲!!!
不過唔係蝦細路，係講道理o者!!

五三五四

要教小朋友做人道理

qio

barry_mama 寫道:
好同意
如果我遇到咁o既情況都會出聲!!!
不過唔係蝦細路，係講道理o者!!

[size=large]同意!!同意    身教最重要

anniecc28

不要太生氣.全因電視與潮流的造成. 你睇在電視裡多的俗語.而新一代家長有時常講究要善待兒童.但有些人不理解如何做才對.便以為唔鬧便是好.日子久了.想返轉頭都冇機會呀!就連阿媽都可以鬧!!!   
所以,雖則現今社會要求親子溝通,和平相處.但我仍認同當兒童犯錯時,必須馬上糾正.就算不想即時提出,在事後平息了當立即商討對錯.這純粹我個人意見及用法   

juliaki

agree

shanjun 寫道:


真的是 " 有失斯文 "
好一句 " 有失斯文 "


「...婆婆：你講粗口?我都識講呀，不過我唔會講，你有失斯文呀! 講多D啦，教壞晒你個女! 母女無聲出...」

professor

barry_mama 寫道:
婆婆(我覺得呢句好正!)：我呢家鬧緊你呀，梗係用d最衰o既詞語啦!

婆婆好野    

霖格格

呢o的只係冰山一角     

zooh

我試過o係巴士度, 有一家四口上左車;
咁個女同媽咪一齊坐, 個仔坐對面;
個爸爸因為唔想坐倒頭車, 所以坐開左...

過左一陣, 個女突然大大聲咁叫爸爸坐過黎比佢挨住訓, 個爸爸唔肯,
個女竟然叫--"陳xx(全名), 我叫你過黎呀!"...

個爸爸都唔理, 無過去, 都無人鬧個女...
(唔知係咪我老套, 我覺得做仔女既咁同爸媽講野已經好過份!)

跟住仲離譜, 個女竟然大叫--
"死八公! 你過唔過黎呀?!"

個媽咪唔鬧唔特止, 仲同個老公講話--
"快d過黎啦, 都叫左你過黎架啦"

然後個呀爸無關痛癢咁行過黎, 抱住個女由得佢訓覺...

呢d唔知係乜家教!!! :evil:

smartdd

  

MKma

身教的威力，將來這些父母真的不能怨子女對自己不好了

nan_nan

教命, 有咁o既父母, 真係唔怪得 d 小朋友會咁樣講, 咁樣做.  小朋友一出世係一張白紙, 根本唔知咩係o岩, 咩係錯, 佢o地將來o既行為全靠父母灌輸 d 咩理念俾佢o地, 唯有我o地自己做好本份, 好好教導子女, 即使將來唔能夠成為社會o既楝樑, 但至小都唔好成為社會o既負累.  I REALLY HOPE!!

ZZdaphne

例二:
家吓d細路好有禮貌講"唔該借借！"
不過佢未講完就已經撞開你  禁重係唔係借借！

好多時都會遇到例二，我都好嬲但唔想出聲，他父母唔教，他會聽我說嗎？   

ZZdaphne

<<巴士呀女>>  &  <<巴士呀媽>>  

都好離譜喎！

HonBBMaMa

亦都試過叫排緊隊左住條路的人"借借"，但係死都唔肯，驚死無左個位！

兩個case都係"自私"，唔理其他人的感受，只顧自已！