面試語言及大發現仔仔的語言水平

chowyikwan

仔仔英文較中文好，in傳統學校表現不太好。現在我最擔心是仔仔對广東話的反應好慢，唔知老師講什麼。我想他讀本地小學，請問如何幫兒子轉翻广東話台？

964000

原帖由 chowyikwan 於 15-11-15 發表
仔仔英文較中文好，in傳統學校表現不太好。現在我最擔心是仔仔對广東話的反應好慢，唔知老師講什麼。我想他 ...

你打算讀傳統應該一早用廣東話，而家全家即傳啦。

siden

考幼稚園什至小學最緊要廣東話流利。

自細重英輕中係扯自己後腿，快轉台吧

Yeahly_ly

如果想讀local傳統學校...全部都係廣東話面試為主....宜家不如自己雞精下....日日train老師會問既問題啦

KiKi0817

我囡係中英混血兒，佢係bilingual,
雖然英文係第一語言,但中文亦對答如流。所以我吾明白點解樓主會擔心。有好多家長都以為小朋友從細學一種language會較好，驚佢會混淆而重英輕中，係絕對錯！中英都同佢講冇問題𠺢！混血兒都可以中文對答如流又何況係土生土長既香港人呢

maylulu

原帖由 KiKi0817 於 15-11-16 發表
我囡係中英混血兒，佢係bilingual,
雖然英文係第一語言,但中文亦對答如流。所以我吾明白點解樓主會擔心。 ...

語言學習因人而異，你個女唔代表人地個小朋友，發展快慢同環境等等都唔同。

KiKi0817

我吾係你講咁既意思！只系想講並不用特登轉台（只講中文）因為所有小朋友都可以bilingual或有人所講trilingual.我冇話自己或自己個囡特別叻！我係想講如果想做不論嚟自邊度，background係乜每個小朋友都可以bilingual/trilingual所有樓主不應轉回只用中文。我係叫樓主吾好為中文放棄英文！請不要扭曲我的意！

KiKi0817

我話「所以我吾明白點解樓主會擔心」，可能有些較激進或敏感既人覺得我冇禮貌。又或我應該寫「所以樓主不用擔心」。寫者冇心讀者有意。樓主，我絕對不是puichingforsure講咁樣！你既情況真的不用擔心！亦不要特登轉只用中文，bilingual係每個小朋友都得！宜家開始啦1

hoihoima

chowyikwan 發表於 15-11-15 17:38
仔仔英文較中文好，in傳統學校表現不太好。現在我最擔心是仔仔對广東話的反應好慢，唔知老師講什麼。我想他 ...

我小朋友以前都經歷過這階段。面試幼稚園還好，因為我心儀的幼稚園可以選擇面試語言，選英語面試就可以了。至於考小學，就真是要多做功夫，我當時經常在家用廣東話同小朋友做模擬面試。其實問來問去都是差不多的問題。我仲教小朋友，如果面試時佢識答案，但係諗唔到廣東話，咁就用佢可以的語言來回答老師，千萬不能不作答。小學面試結果證明以上是行得通的。所以一方面不用太擔心，但係要儘早開始做野。機會留給有準備的人，加油！

964000

原帖由 KiKi0817 於 15-11-16 發表
我囡係中英混血兒，佢係bilingual,
雖然英文係第一語言,但中文亦對答如流。所以我吾明白點解樓主會擔心。 ...

男仔語言慢過女仔的，而且樓主要準備考小一，可能會快開始講廣東話了。

Wonderlady

原帖由 KiKi0817 於 15-11-16 發表
我囡係中英混血兒，佢係bilingual,
雖然英文係第一語言,但中文亦對答如流。所以我吾明白點解樓主會擔心。 ...

Jm 你小朋友係中英混合，才會自然地學好母語和中文，而家好多家長係故意壓低中文，廣東話水平嚟學冇語境既英文。

不可同日而語

99dogdog

原帖由 KiKi0817 於 15-11-16 發表
我囡係中英混血兒，佢係bilingual,
雖然英文係第一語言,但中文亦對答如流。所以我吾明白點解樓主會擔心。 ...

你話「有好多家長都以為小朋友從細學一種language會較好，驚佢會混淆而重英輕中，係絕對錯！」
絕對錯？咁講未免太主觀！每個小朋友語言能力唔同，有人歲幾已識講流暢句子，有人三歲仲未係講緊單字！你自己本身有bilingual 語境又點可以用自己做「標準」；如果小孩語言較弱或有speech delay 係應該先學好自己既母語先再開始其他語言，呢樣你可以問返專業既speech therapist！

KeekeeNg

我仔現階段係唔可以雙語，淨係顏色就因為工人姐姐教英文，嫲嫲教廣東話，佢亂到兩歲幾都仲未識分顏色！語言係靠天份，唔係每個人都可以好似你個小朋友咁。

貝珠

其實kiki0817 都講得冇錯，小朋友係可以同一時間學幾種語言，語言係由小朋友在母體內開始不停累績的學習，愈細開始學語言成效愈好，當然要包括母語在內。其他人也說得對，如果有speech delay , 當然集中學母語為佳，但speech delay 只屬少數。樓主也沒有說小朋友係speech delay , 只係英文好過中文，加強廣東話便可以了，沒有必要放棄英文

NANAAU

其實中文難過英文好多，好多人都重英輕中，眼見好多朋友私幼上小學的小孩中文程度麻麻，講得一口流利英語，但中文成績就。。。
我仔小二（十二月超細b），讀直資小學，中文老師話學中文比英文難，而且中文好靠知識累積，我好同意，而家次次考試我最擔心就係中文，範圍大到不得了。
而家我對細女都係兩種語言都教都講，唔會偏重一邊，考小學時中英文都要識，大仔考時要讀中英文故事，而且幼稚園時期多睇多講，都對佢上小學過渡得好好。
所以唔好完全轉台，要兩邊取平衡。

derrian

回覆 chowyikwan 的帖子

我都覺得唔好轉番中文台, 只係加D中文書同佢讀下加強下先啦

Char_Mom

原帖由 chowyikwan 於 15-11-15 發表
仔仔英文較中文好，in傳統學校表現不太好。現在我最擔心是仔仔對广東話的反應好慢，唔知老師講什麼。我想他 ...

樓主不用擔心，我個b 3歲前全英語，入了K1 trilingual, 不用3個月, 中文巳很流利了。小朋友的語言potential是好強的！加油轉台，好快會ok。（可能到時你會好似我吟，擔心他的英語能力了）

creamb

其實每個家庭的組合都唔同，結果可以有很大分別。例如是FTM or老人家湊與雙職工人湊會有很大分別。所以最重要平時是否有足夠的中文input?若果之前全家都用英文，冇講中文嘅親友湊吓，咁就要快啲轉台喇。但仍可保留一部份的英文時間。

chowyikwan

原帖由 NANAAU 於 15-11-16 發表
其實中文難過英文好多，好多人都重英輕中，眼見好多朋友私幼上小學的小孩中文程度麻麻，講得一口流利英語， ...

我拿起一本英文書(一句句字一頁)、一本中文書(一頁幾隻中文名詞)。小朋友完全對中文書冇興趣，我要用英文説一次吸引佢，再用中文讀才可以引佢跟住我讀中文。