對住個仔好辛苦…(有點長篇)

carmen712

一個月前同我2歲囝囝做左評估，結果係自閉症傾向。
佢有呢個問題，雖然我都會唔開心，但我都積極咁同佢做緊治療…
但我最痛苦係，阿囝脾氣大得好緊要，只要有小小不滿就會尖叫大喊dup地，大吵大鬧可以維持2個鐘，我同c6 都好頭痛…

又瞓得好差，半夜會半夢半醒咁發脾氣，用力踢床甚至踢我…唔食飯…lur食物…戒片問題難攪，唔肯坐potty便便，記得就自己除褲去potty小便，但又經常瀨…

仲有個細囡，餵人奶…半夜又醒兩三次…

我全職湊2個，無工人，呢個月簡直身心俱疲，只要大囝發作情緒失控，我就好辛苦，每日都喊…

一家人樂也融融出街，咁簡單嘅事對我黎講係好遙遠，因為每次出街都要步步為營，好驚個囝會發癲。每次見到朋友們一家大細周圍去，我真係好羡慕，只能心裡默默流淚…

我無同身邊朋友傾，因為佢地唔會明白我處境，我諗喺呢個板，你地應該會明白我…有時…辛苦到好想好想離開，但望住兩個寶貝又唔捨得

btw 面對自閉兒情緒極度失控，大吵大鬧，你地會點處理？

Sienna419

搵社區保姆幫下仔

carmen712

原帖由 Sienna419 於 14-11-14 發表
搵社區保姆幫下仔

可以喺邊度搵架？社會福利署？
係咪上門架？

Pekkle1214

如果負擔到，上感統訓練

carmen712

原帖由 Pekkle1214 於 14-11-14 發表
如果負擔到，上感統訓練

感統同脾氣有關嗎？

SA同學

你喺邊區? 做評估的機構有無同你做轉介? 佢2歲應可以排協康/明愛/醫院既治療服務。
我認為有特殊障礙既小朋友, 都係由自己來照顧返較理想, 之前我見過一個單親媽媽, 佢由小朋友三歲先發現問題開始, 每天都親力親為, 四處找服務找治療, 晚上同你一樣無得瞓, 仔仔在2-3年後, 行為及情緒有明顯進步, 無再咬媽媽, 媽媽亦找到方法與仔仔溝通....
要照顧自閉小朋友...最辛苦的不只是小朋友本, 照顧他們的家長才是更需要關注.....

longlongchen

我仔仔都係咁，但要慢慢黎，佢而家3歲啦

lulumelody

細囡飲奶粉，唔好餵人奶，餵人奶好辛苦，而且將來囡囡好痴身!

apple~y

回覆 carmen712 的帖子

你仔有無飲奶粉,要介牛奶先
細囡你餵到人奶就餵,奶粉係完全無益

ka-sandra

有個導師教我，在他發脾氣時，用被緊緊包著他，我們按著他，由他發脾氣，掙扎，發曬d力，慢慢捐出來。這個方法對我仔有用。每個A仔都唔同，不是每個小朋友都有用。

carmen712

你仔仔又係大脾氣嗎？唉…真的辛苦了媽媽

carmen712

原帖由 SA同學 於 14-11-14 發表
你喺邊區? 做評估的機構有無同你做轉介? 佢2歲應可以排協康/明愛/醫院既治療服務。
我認為有特殊障礙既小朋 ...

有呀已排政府做評估，不過要等九個月，所以目前只有去私家做治療。
你講得啱呀，照顧自閉兒的家長都好需要關注的

carmen712

原帖由 apple~y 於 14-11-14 發表
本帖最後由 apple~y 於 14-11-14 14:22 編輯

回覆 carmen712 的帖子

大囝其實唔肯飲奶，但見佢唔肯食野又瘦，每朝都比佢飲半杯加營素，但唔係每日肯飲囉！

我會keep住餵人奶比細囡，我唔想忽略佢，希望盡我所能比最好佢

carmen712

原帖由 ka-sandra 於 14-11-14 發表
有個導師教我，在他發脾氣時，用被緊緊包著他，我們按著他，由他發脾氣，掙扎，發曬d力，慢慢捐出來。這個 ...

係一個好提議，我可試試！
謝謝你！

irisban

我個囡兩歲都係咁，但依家3歲脾氣好咗好多，我依家都成日同佢出街，小朋友大咗會改善，仲有之前佢発脾氣醫生教困住佢係一個特定嘅角落頭，等佢calm down就放佢同埋讚佢，當然你要陪住佢，不過我個囡身上唔多work

carmen712

原帖由 irisban 於 14-11-14 發表
我個囡兩歲都係咁，但依家3歲脾氣好咗好多，我依家都成日同佢出街，小朋友大咗會改善，仲有之前佢発脾氣醫 ...

我試過呢個方法了，佢喊得仲癲會不斷走出黎
不過見到你經驗係會改善，我心都安落d !  希望如你所講能夠慢慢改善啦

irisban

其實隨著佢表達能力改善，佢就會減少発脾氣，所以我覺得要教多D佢講嘢，加油!

chloe_pak

囡囡3歲8個月知道係A, 宜家六歲，呢兩年幾過去，囡囡進展良好，想分享下小小經驗。 其實自閉不是新事，近來多左我覺得同多左人做評估有關，我地細個總遇過同學唔鍾意講野，小息自己坐埋一邊，讀書又唔係咁叻的同學，我認識一些成年人宜家三四十歲，有自閉特色，當年當然無做任何評估，一個舊同事三歲才開口說話，佢阿媽以為佢弱智，但宜家做左醫生，又識一個五歲才說話，現為銀行高層，例子仲有，不能盡錄 但佢地多數都能自力更生點解？因為同上一代管教有關！ 上一代父母管教很嚴，所謂錯就要認，打就要企定，上一代鬼知咩叫自閉，只知道佢唔鍾意講野，唔多社交，但都係咁教，兄弟姐妹眾多，成班人一齊玩，你發脾氣話唔食飯，轉頭所有野食比兄弟食晒，無人會咁就你，仲要比兄弟話你抵死，在學校老師鬼知咁多，犯規就罰，飲食方面，講咩介口，有得你食都偷笑！久而久之，自閉兒也學到生存之道，只不過比人慢D! 對於我自己女女，3歲8時CAC講到佢好嚴重，想佢讀S位，我拒絕，我只想要E位，平時當佢正常細路，比佢參加正常活動，正常課外活動，當然會比人設訴下，但我會照去，女女也讀正常幼稚園，老師也知佢係A, 老師也很幫忙讓她和其他小朋友玩，飲食方面無介口，除了EETC, 沒有做其他如針灸，排水銀等其他治療，除了功課外，佢最常做的就是玩玩玩，佢好開心，成日都笑！ 女女宜家剛六歲，語言表達仍差D，但語言理解超越實際年齡近半年，宜家識得駁咀駁舌，大小肌肉達標，係社交差D，但老師話佢係學校也有一兩個要好的朋友仔，中文認字好叻，簡單故事書已可朗讀，喜歡表演，學校表演常有奬攞，老師話佢好有自信！簡單加減數也計到，雖然唔係好叻，但一般外人已完全看不出她是A了！她現於主流小學讀小一，成績達標。

anan3388

去學親子遊戲治療法，或兒童為本遊戲治療法

雖然唔係針對自閉兒，但對舒緩情緒長遠是有效的

Olympian

非常同意，仔感到不安才發脾氮氣。多諒解他。妹妹/弟弟剛出世會令他更加不安。會怕自己地位不保。要比佢知媽媽一樣好似以前咁愛佢。我仔以前都係咁，過了9個月才改善。仲有，你一定要搵個人幫下你，你咁湊法，唔得架，大人剛生完要多休息。