我個仔算唔算資優呢?

rachaelmama

我個仔讀k2，一日老師打電話比我，好勞氣。佢話，在班上分兩組玩遊戲，雙方用紙球拋向對方，目的是讓他們學"閃避"，規定不可走過對方地盤。而我個仔有時企在別人背後，一係走向對面同其他人講不要"掟我"。 老師話不可這樣做，要遵守遊戲規則。我個仔就話，我唔想比人掟，所以用了上述方法。

老實講，我覺得佢好醒，用方法去避，但老師就好嬲。

另外，老師投訴佢不和其他小朋友玩，只是雙手放後，行來行去，又命令其他小朋友做野，例如：排隊、不准講野.....有D似班長。但在公園，他又會和其他比他大的小朋友玩，拖埋手添。

在家中，不喜歡卡通片。不玩玩具，只喜歡馬路上的雪糕筒、交通燈、汽車、路牌.......家有有很玩具雪糕筒。很多時我們大人不為意的，他都會問。

在家中，喜歡畫水彩、水默畫、寫毛筆字、自已畫路牌。返水默畫班及粉彩畫班，可坐3小時。

喜歡看電視劇，問長問短。劇中人住花園別墅，他說他又要，仲諗將來要怎樣裝修。他對老師說，老師又打電話比我，問我個仔係咪有"妄想症"。

學琴左擰右擰，又話要走，老師話你彈到可以走，佢又即時可彈到比你聽。

學珠心算，現在學了一堂(1小時)，有144條加減數功課。20分鐘可自已做36條數 (例如： 3 + 5 - 4)....算唔算學得快? 因為之前學校只教了 1+2=3...未學減數。

而我個仔好喜歡講野，一早起身，可講到瞓覺，不停問問題。

喜歡睇報紙(問點解)、上網(要我幫佢搵一切交通設備、燈、電力供應的資料)、看故事書可以看到流眼淚 (例如灰姑娘 - 死左點算?)

我好想知，佢依D 行為算不算資優? 或是其他小朋友都是這樣?  但佢EQ真的很低，好易發脾氣，尤其是你唔聽佢講野的時侯。

請指教。

Sindy

我唔識分辨資唔資優,但一般細路都有既表現,我可幫你tick出黎

1.喜歡看電視劇，問長問短<<<個個小朋友都會問架,成長過程黎的
2.學琴左擰右擰，又話要走，老師話你彈到可以走，佢又即時可彈到比你聽<<<未咁有專注力,所以坐唔定呀
3.學珠心算，現在學了一堂(1小時)，有144條加減數功課。20分鐘可自已做36條數 (例如： 3 + 5 - 4)....算唔算學得快? 因為之前學校只教了 1+2=3...未學減數<<<有適當既訓練,仲可以好d添呀
4.而我個仔好喜歡講野，一早起身，可講到

siumomo

rachaelmama,
你好!站於媽媽角度來說,你個仔算係資優既......但是有句說話:"小時了了,大時不佳"......hum...hum... ..... 資優與否,在乎後天培育....要知道,"資優"不是不守紀律既reason=>"我覺得佢好醒，用方法去避，但老師就好嬲。"   這個社會需要大家守紀律,不是你覺得醒唔醒,覺得啱唔啱就得!
作為媽媽既你,應該作出適當既指導,而唔係認同佢既做法!!!
  

睡覺

144條數學功課？？原來學珠心算咁恐怖架？？   

rachaelmama 寫道:

學珠心算，現在學了一堂(1小時)，有144條加減數功課。20分鐘可自已做36條數 (例如： 3 + 5 - 4)....算唔算學得快? 因為之前學校只教了 1+2=3...未學減數。

beesbees

rachaelmama,
你個仔能坐定三小時畫畫, 專注力很不錯. 至於珠心算這個level, 36題一般10分鐘應可做完. 而其他行為要多留意, 喜命令同齡小朋友可能是欠缺安全感, 利用控制別人來平衡自己的不安. 沉迷於一些意義不大的物件和資料, 以及不停說話, 要留意是否有強迫症或阿氏保加徵狀. 但你兒子對交通及燈 ... 感興趣並不是無意義.

你的兒子有可能是某方面資優, 但若出現社交, 行為和情緒問題, 就一定要及早正視, 否則擁有高智商卻輸掉一切, 無法適應社會, 為家人帶來困擾, 他自己可能會越來越自我中心, 也活得不開心.

他在家是否常被責罵呢? 他對人友善嗎?

fannychoi

每個媽媽都想人知自己個囝囝or 囡囡係資優, 但其實知道又有咩用? 是不是他們有行為問題時可以給自己excuse 話因為個小朋友係資優所以其他人唔明白佢?

haluhalu

Beesbees,

請問小朋友若果可以由早到晚不停說話,甚至沒有對象也可以自說自話,是否有強迫症或阿氏保加徵狀?其實這些症的症狀是怎樣的?從那裡可以得到較多資料呢?

fannychoi

IQ 是不是同年齡有關呢?, 我見過有些書出了一些題目, 答對了有分數, 然後除以小朋友的年齡, 如5 歲時做對了700 分, 便會有IQ 140, 如7 歲時才有700分, IQ 便只有100分.
所以如果早d 做IQ test ,如一個２歲的小朋友能做到３歲的小朋友做到的事，會不會ＩＱ＝１５０　呢（即拿到３歲時拿３００分，ＩＱ＝１００，２歲時拿３００分，ＩＱ＝　１５０），　有冇人知是不是這樣？

beesbees

haluhalu,

關於阿氏保加:
你試看看. :idea:
http://www.hkedcity.net/article/parent_sp_autism/050622-015/page3.phtml

beesbees

haluhalu

Beesbees.

Thanks!

Dr.T

那些非正式的測試使用的是很舊的計算方法,名為比例智商(Ratio IQ),你也已指出用這方法荒謬的地方...但市面上一些由非專業心理學家撰寫的書本依然引用這方程式(即[智齡/年齡]*100=智商)...(例如鍾鎮明著明窗出版的"學習有方"),完全是誤導 :evil:

現代化的測試已轉用離差智商即(Deviation IQ-與同齡人士相比得知),那牽涉到複雜的統計學調查,要在有關人口進行一系列的測試得出數據表,香港韋氏兒童智力量表就是用這個方法.

fannychoi 寫道:
IQ 是不是同年齡有關呢?, 我見過有些書出了一些題目, 答對了有分數, 然後除以小朋友的年齡, 如5 歲時做對了700 分, 便會有IQ 140, 如7 歲時才有700分, IQ 便只有100分.
所以如果早d 做IQ test ,如一個２歲的小朋友能做到３歲的小朋友做到的事，會不會ＩＱ＝１５０　呢（即拿到３歲時拿３００分，ＩＱ＝１００，２歲時拿３００分，ＩＱ＝　１５０），　有冇人知是不是這樣？

睡覺

haluhalu

...[size=x-small]""請問小朋友若果可以由早到晚不停說話,甚至沒有對象也可以自說自話,是否有強迫症或阿氏保加徵狀?其實這些症的症狀是怎樣的?從那裡可以得到較多資料呢""

這個現象也不是一定不正常，很多小朋友特別到4歲以後...又是獨生子，自言自語的機率就高很多....有些孩子則很小年紀也會吧。
除非有人同我阿仔玩...否則，係佢一個人玩之時....我常聽到他在自言自語呀.....這是叫 "想像玩伴"？？創造力高的孩子常有一個或超過一個的想像玩伴...好似係咁瓜...睇資料睇返黎而已.......我仔評估過...無阿氏保加播.........

唔駛咁擔心播...我細個都經常一個人扮演電視裡的角色，例如郭靜與黃蓉heee自顧自在"自言自語"，但我不是獨生架...    俾別人聽到...可能都以為我short short地

Dr.T

如有懷疑,可找醫生寫紙到評估中心讓專業人士看一看,不要莽自猜度...正式的評估不單是你們找到那些清單上的內容,還要考慮很多背景因素,照單"tick"症狀我可以說是九成會中的,但這只會令你更自己嚇自己,對孩子的發展毫無幫助.

haluhalu 寫道:
...小朋友若果可以由早到晚不停說話,甚至沒有對象也可以自說自話,是否有強迫症或阿氏保加徵狀?其實這些症的症狀是怎樣的?從那裡可以得到較多資料呢?

liwoodma

睡覺

自己好難斷定ga wor, 要找專業人事評估ga..

睡覺

liwoosma>..
      唔係我自己評估佢架....佢已經去政府度評估左喇。.....佢乜野問題都冇呀.....

liwoodma 寫道:
睡覺

自己好難斷定ga wor, 要找專業人事評估ga..

rachaelmama

多謝大家回應，其實禁q 入資優兒童topic睇到一d資料，所以先至提出依個問題。因為有時真的唔識教佢，或者懷疑佢定係我自己係咪有問題。

睇完6月25日的新聞透視，我希望我個仔係普通人一個，因為我無能力比佢入直資學校跳級。普普通通就夠啦。

你的兒子有可能是某方面資優, 但若出現社交, 行為和情緒問題, 就一定要及早正視, 否則擁有高智商卻輸掉一切, 無法適應社會, 為家人帶來困擾, 他自己可能會越來越自我中心, 也活得不開心.

我就是怕這樣。

siu_wing_wing

siumomo....

你的留言...我不敢茍同...
......但是有句說話:"小時了了,大時不佳"<------這句話錯了
..should be..."小時了了,大未必佳"...不要說得太盡...
或可能有其真實性....但妳閣下斷不會在別人彌月之喜...盛讚小寶寶可愛之際....卻爆一句..."可愛有乜用ah...人始終唔係
要死".... 掃興了些吧....
資優小朋友往往如是...常常做事跟說話都不合時宜..
唔......你可能係資優呀....

siumomo 寫道:
rachaelmama,
你好!站於媽媽角度來說,你個仔算係資優既......但是有句說話:"小時了了,大時不佳"......hum...hum... ..... 資優與否,在乎後天培育....要知道,"資優"不是不守紀律既reason=>"我覺得佢好醒，用方法去避，但老師就好嬲。"   這個社會需要大家守紀律,不是你覺得醒唔醒,覺得啱唔啱就得!
作為媽媽既你,應該作出適當既指導,而唔係認同佢既做法!!!
  

睡覺

hmm.....siu wing wing  & siu mo mo .


          

siu_wing_wing

siumomo...

再者...如妳所言---->>  這個社會需要大家守紀律,不是你覺得醒唔醒,覺得啱唔啱就得.....
紀律是重要...但卻不是唯一的...否則進入黃埔軍校便事事大吉了...學習是很複習的行為改變過程...我們不停去探討
小朋友行為差異肯後的動機......並非...."資優"不是不守紀律既reason....佢可能係....但並非必然..
是紀律令我們的社會進步嗎?....不是的!
是那些不肯因循....不默守成規...肯冒大不諱之士....他們的成
長...滿是不守紀律的足印...... :

siu_wing_wing

睡覺大嬸...

我又多事了....

睡覺 寫道:
hmm.....siu wing wing  & siu mo mo .