耀能

ernesty

請問有無人讀荃灣耀能協會的s位呢？好唔好？本人比較喜歡協康，但協康得一間，如果唔要耀能就要夸區，所以唔知點揀！請有經驗的jm分享！多謝！

營養多多

協康好似有兩間，大窩口、象山

營養多多

Sorry,我記錯，協康係得一間無錯。
我去參觀過，石圍角就舊d，但係我能接嘅程度，見d老師嬸嬸都幾有耐心，另外阿仔係私人機構嘅老師話耀能係好嘅。
如果你想排協康要預排得耐，因為多人排，就算誇區都係，而且有規定滿六歲（以生日月份計，例如若七月放暑假，而小朋友六月生日就要出學校，小朋友九月生日就可以讀多一年）就要離開學校，所以要權衡下年紀、經濟揀學校

ernesty

多謝你，我想問下耀能係唔係專做自閉㗎？

ernesty

仔仔現在三歲四個月，舊年九月份開始排,唔知要等到幾時？夸區又係有個問題，如果天氣唔好都幾麻煩！唔知點揀好啊？

營養多多

石圍角個間有自閉同身體殘疾，課室係分開、教學方式亦唔同，其實耀能幾好，我參觀嗰陣，有間房個主題係剪髮，我仔都有呢方面困擾，我就進一步問詳細D，例如會嚮學校剪髮？姑娘話嚮學校就扮下洗髮、剪髮、介紹d流程用具，等小朋友認識熟悉，有時會安排識剪髮嘅義工到校剪髮，有時亦會成班帶去美髮店比小朋友體驗，我覺得幾好。
如果交通問題，可以揀地鐵站附近嘅，好似長沙灣合署個間

ernesty

請問有無按能力分班？定係自閉得一間？多謝你

kiki_kittyhk

我個女今年派到 S 位，亦係耀能不過係石硤尾，老師話係會按小朋友能力去分班，我尋日參觀過佢地係會有自閉症的小朋友編同一班。

kiki_kittyhk

我女係三歲三個月大，上年二月份排今年就有位，如果你今年冇位的話應該會在下一年四月大派位時會有，加油！

營養多多

我知道耀能同協康都有按能力分班，其他就唔清楚了

ernesty

請問你個女開始讀未？想問下有無進步？

kiki_kittyhk

八月先開學，不過我參觀時 d 導師同緊 d 小朋友上課，都唔錯如你想知我話開學後話你知

ernesty

好，多謝你先！

kiki_kittyhk

我尋日去考分班試，佢地一次過有七個職員幫我和女女評估包括:中心主任，主校社工，主校護士，高級特殊幼師，言語治療師，物理治療師和有 d 我唔記得的職員

營養多多

我仔派到荃灣耀能，已去咗面試，同樓上jm講嘅一樣，有主任、社工、特殊幼兒導師、職業治療師、言語治療師、物理治療師、註校護士圍住，輪住接觸小朋友，輪住問家長小朋友嘅詳細情況。
同大仔淨係去面試咗一次，跟住隔一星期再帶細仔去做言語治療時，遇見幼兒導師，佢已經記住我係邊個學生家長，嗌得出大仔名，亦清楚我身邊嘅小朋友係細佬，主任都好好，好有耐心關愛學生。

kiki_kittyhk

佢地真係好西利

lolotwo2003

原帖由 kiki_kittyhk 於 15-04-30 發表
佢地真係好西利

我女兒在2014年10月尾入耀能S位讀書，至今讀了6個月，進步得很快，我女是自閉症，現在4歲7個月，感到學校很關愛學生，全校上下職員很有愛心，所以小女在此讀書很開心，老師很有經驗，學校亦有很多戶外親子活動，令小孩有開眼界的機會，之前學校舉辦了二日一夜的學校宿營，家長不用参加，只須帶小孩回校，讓小女有團體生活宿營的體驗，家長亦因此可以輕鬆一下，十分難得。

lolotwo2003

原帖由 lolotwo2003 於 15-04-30 發表
我女兒在2014年10月尾入耀能S位讀書，至今讀了6個月，進步得很快，我女是自閉症，現在4歲7個月，感到學校很 ...

小女以後補身份入讀耀能，起初朋友建議我放棄入讀，提議我淨等協康S位，幸好我沒有放棄入讀，我覺得耀能很好，小女之前未入讀S位前，每星期也有參加2日協康的自閉症基礎班，每堂二個半小时，感覺耀能同協康一同樣專業，如果當初我放棄入讀耀能S位，真的不知道再等待協康S位是何年何月了，況且現在耀能S位返全日制，有齊3T，自己再不需要帶女兒左撲右撲去訓練，金錢上及自己也輕鬆不少，只是繼續帶小女去做針炙，見她一日比一日進步，放下了心頭大石

kiki_kittyhk

咁你女讀邊間耀能，我都係有帶佢去針灸加埋密集真係好貴

lolotwo2003

原帖由 kiki_kittyhk 於 15-05-01 發表
咁你女讀邊間耀能，我都係有帶佢去針灸加埋密集真係好貴

大圍耀能，咁你女女是否A仔？我個女是A仔，一班最多七位同學，她現在學習得很開心。