父母同幼兒溝通應著重用母語, 還是外語呢?

newmum05

想問下家長們意見:  
有d家長認為響HK環境生活廣東話遲早都會識, 所以佢地認為襯bb細先同佢用英文溝通會較優越...
但亦有d家長又覺得應該先同bb講廣東話, bb理解力會好好多, 因生活環境都係廣東話為主, 等bb識講左母語先教佢另一種語言...

我有個親戚個女自小父母同佢講英文 (父母都係香港長大), 佢地個女而家5歲, 英文好好, 但唔知係咪因為廣東話理解得唔係太好, 識聽但係唔係好識講, 定係唔慣講中文, 靜係同人講英文, 就算老人家唔識英文問佢野, 佢都用英文答番人, 好唔願意講中文; 但我個親戚ga生活圈子都係本地香港人, 個女而家搞到好似同身邊ga 人好夾夾不入咁.(除左返學, 因佢讀國際學校)
但無奈現時HK就算好多傳統學校都好注重英文水平, 所以搞到好鬼矛盾..你地有無過來人比d意見我呢...

beywat496

針無兩頭利,

Very agreed :  先同bb講廣東話, bb理解力會好好多, 因生活環境都係廣東話為主, 等bb識講左母語先教佢另一種語言...


and also agreed :
響HK環境生活廣東話遲早都會識, 所以認為襯bb細先同佢用英文溝通會較優越...

So my girl :
我同佢盡量講英文 (父母都係香港長大), 個女而家4歲, 英文好好, 但係廣東話理解得唔係太好,

現在停晒所有英文教材, 致力教佢 potunghua !

MashiMaro

我覺得應該盡量俾BB同時接觸雙語環境,
因BB識分中文同英文

我自己主要同仔仔講英文多, 但都會講中文,
而工人就講英文,
婆婆嫲嫲同老公就講中文
仔仔e+15個月大,
我發現佢中,英文都識聽
e.g. 問佢膝蓋同 knee, 佢都會指得啱
燈同 light, 佢都會望住燈
最攪笑同佢講雞蛋,
佢會自己話 Egg

hellora

我都煩緊．．．本來我都好似MashiMaro一樣，但係宜家冇工人（已經兩個月，未來３個月都未必請到），而囝囝（２１個月）學講野比同年齡ｂｂ慢好多，而且慢慢覺得英文太難好自然咁同ｂｂ講咁多野．．．所以都唔知點！    冇工人連最主要接觸英文機會都冇，如果我改用中文又好似白費左之前０既功夫．．．

emmypun

其實未必ga.  你講gei野, 我囝囝13個月時都係差唔多反應, 但係真係到佢識同人用language溝通時, 人地問佢"What's your name?", 佢竟然用中文答, 而且佢speech依家都係慢少少.  所以我日常都用廣東話, 希望佢social skill再develop 得好d, 先慢慢再學English.

我地細細個時咪都係遲學英文, 學得好唔好, 其實最主要睇佢自己能力同興趣.

MashiMaro 寫道:
我覺得應該盡量俾BB同時接觸雙語環境,
因BB識分中文同英文

我自己主要同仔仔講英文多, 但都會講中文,
而工人就講英文,
婆婆嫲嫲同老公就講中文
仔仔e+15個月大,
我發現佢中,英文都識聽
e.g. 問佢膝蓋同 knee, 佢都會指得啱
燈同 light, 佢都會望住燈
最攪笑同佢講雞蛋,
佢會自己話 Egg

Dennisk

newmum05 寫道:
想問下家長們意見:  
有d家長認為響HK環境生活廣東話遲早都會識, 所以佢地認為襯bb細先同佢用英文溝通會較優越...
但亦有d家長又覺得應該先同bb講廣東話, bb理解力會好好多, 因生活環境都係廣東話為主, 等bb識講左母語先教佢另一種語言...

我有個親戚個女自小父母同佢講英文 (父母都係香港長大), 佢地個女而家5歲, 英文好好, 但唔知係咪因為廣東話理解得唔係太好, 識聽但係唔係好識講, 定係唔慣講中文, 靜係同人講英文, 就算老人家唔識英文問佢野, 佢都用英文答番人, 好唔願意講中文; 但我個親戚ga生活圈子都係本地香港人, 個女而家搞到好似同身邊ga 人好夾夾不入咁.(除左返學, 因佢讀國際學校)
但無奈現時HK就算好多傳統學校都好注重英文水平, 所以搞到好鬼矛盾..你地有無過來人比d意見我呢...

我會選擇前者，以英語先行，理由如下：
1. 作為中國人父母，中文應該會有一定的能力教導子女。
（但不一定能教Native英文）
2. 英文在香港要學到像外國小孩一樣，很是困難。
（由其發音及用字）
3. 如父母真的想子女不是單曉英語，就不應讓子女上國際學校，應平行發展才不會像樓主親戚一樣。
4. 至於小朋友如在本地一般學校讀書，應能結識到本地小朋友，在同伴影嚮下中文溝通應該不至於有大問題。

本人囝囝也是用以上方法成長的，囝囝三歲前跟人交談都是用英語，但太太和我都是跟他用廣東話的。上了幼稚園後就多講廣東話了，因同學都是一般的香港小朋友，但英語基礎卻是打好了。上小學時我和太太還為他特別選了一所，由小一己用普通話交中文的英文小學，而學生卻是會講道地廣東話的小朋友呢。

不過以上分享只是個人經歷，父母應該對子女作充份了解（如性格、能力、興趣，耐力等等）才作出教導，這樣先會收到事半功倍之效果。

SumSumBB

最近看了一本研究幼兒以英語作為第二語言的書，有以下的描寫：

許多研究都顯示，那些在學校裡表現優異的雙語孩童都有非常堅實的母語基礎，甚至在學習第二語言之前，他們在母語方面的語文基礎也已經有了相當程度的發展(Collier, 1987)。

學齡前兒童的認知發展主要包括對這世界的認識、觀念的養成，以及累積足以表達那些看法的語言詞彙。孩童在成長的過程中不停地詢問大人有關這個世界的一切問題，於是乎，一個龐大的資料庫儼些在其腦海和心靈中成形。藉由這個方式，他們逐漸對這個世界有了相當廣泛的認識，往後也就是運用這个認知架構來理解所有在學校中的認知活動。在這种互動的過程之中，重要的倒不是語言的選擇，而在於觀念的形成和詞彙的學習及組合。

除非父母的英語能力和母語有一樣的水平，否則還是適合以母語和子女溝通。

preciousstone

我們看書要注意出書的日期，這本書是20年前寫的，已不再追得及時代，現代出的好多研究都表示6歲前小朋友可以同時學多種語言，不過香港政府就仍然用緊以前的一套，鼓勵先學好母語，我認為最好英語廣東話一齊學，不過就要daddy mummy 分工，一人只說一種語言，不可以同一人說兩種語言，如果兩個英文都得半桶水，還是先讓孩子學好母語先好些，因可以建立他的理解能力。

]
SumSumBB 寫道:
最近看了一本研究幼兒以英語作為第二語言的書，有以下的描寫：

許多研究都顯示，那些在學校裡表現優異的雙語孩童都有非常堅實的母語基礎，甚至在學習第二語言之前，他們在母語方面的語文基礎也已經有了相當程度的發展(Collier, 1987)。

學齡前兒童的認知發展主要包括對這世界的認識、觀念的養成，以及累積足以表達那些看法的語言詞彙。孩童在成長的過程中不停地詢問大人有關這個世界的一切問題，於是乎，一個龐大的資料庫儼些在其腦海和心靈中成形。藉由這個方式，他們逐漸對這個世界有了相當廣泛的認識，往後也就是運用這个認知架構來理解所有在學校中的認知活動。在這种互動的過程之中，重要的倒不是語言的選擇，而在於觀念的形成和詞彙的學習及組合。

除非父母的英語能力和母語有一樣的水平，否則還是適合以母語和子女溝通。
[/quote]

SumSumBB

preciousstone,

研究過時~ 這本書並不是廿年前寫的，只是作者引述了一個廿年前的研究結果：那些在學校裡表現優異的雙語孩童都有非常堅實的母語基礎，甚至在學習第二語言之前，他們在母語方面的語文基礎也已經有了相當程度的發展。這結論過不過時有待商確，但作者本身其實近年亦長時間於多所幼稚園作出觀察及研究。這本書亦有提及6歲前小朋友是可以同時學多種語言的，無論如何，作者只是強調父母是適合以自己最強的語言跟子女溝通，以利其思維發展，並能促進學習其他外語的果效。

同時學多種語言~ 我認同小朋友可以同時習多國語言，而頭數年亦是他們的黄金時期。我自己的小朋友現在於一所中英雙語幼兒院上學，亦有上西班牙語的興趣班，及曾上普通話的興趣小組。我選校的標準是以該學習語言為母語的導師任教為首要，如西班牙語老師的母語就是西班牙語。
我雖同意小朋友可以同時學多種語言，但我會選擇母語先行，除温習時外，平時以母語跟子女溝通。我的小朋友現在兩歲四個多月，母語的基礎可以，懂得以連續數句句子描述學校所發生的事情給我知，並曉於句子中適當地加上然後、可能、因為、但是、不如....等詞語。當然，英語就沒有廣東話流利，但還是可以簡單的短句作答及提問。可能以母語行先，他的邏輯能力不俗，而他亦很喜歡上各種外語課程。

父母分工~ 書中亦提及如果父母如果是不同國藉的人，是很鼓勵父母各自以自己的母語跟子女溝通的，但研究結果是有些子女能夠同時學曉兩種語言，但有些則會偏向學習一種語言，逃避另一種，這是看小朋友各自的學習能力和環境因素吧。

Dennisk

其實所為先行, 正確一點應該用比重這個字眼才合適, 因為在香港這個華人社會中國人父母, 沒有理由等到子女學會了英/外語才回過頭來學母語, 所以題目本身就已經有問題了.

newmum05

Dennisk, you are right ! 用"著重"會較為貼題, 即改!
多謝提點!!

mrlabour

我想問你和太太都是跟囝囝講廣東話, 囝囝三歲前跟人交談都是用英語, 咁你囝囝三歲前用乜途徑學英文的?

Dennisk 寫道:
本人囝囝也是用以上方法成長的，，但太太和我都是跟他用廣東話的。上了幼稚園後就多講廣東話了，因同學都是一般的香港小朋友，但英語基礎卻是打好了。上小學時我和太太還為他特別選了一所，由小一己用普通話交中文的英文小學，而學生卻是會講道地廣東話的小朋友呢。

不過以上分享只是個人經歷，父母應該對子女作充份了解（如性格、能力、興趣，耐力等等）才作出教導，這樣先會收到事半功倍之效果。

evan01

Hello

我最近看了一本書"孩子你慢慢來"作者"龍應台"
它不是怎麼育嬰天書
更不是"如何教你寶寶成為語言天才"的書
它是紀錄作者跟兒子成長的生活點滴(是散文)
不過...當中有一個有趣的紀錄
可能答到你的問題
這就是作者本身是台灣人 跟兒子只講國語
爸爸是德國人  跟兒子只講德語
2歲前他已經可以分辨到跟媽媽用國語
爸爸用德語
他們生活在瑞士
入幼兒園後  小朋友就自然學懂(瑞士話...其實是另一種德語)
最有趣的是
因為爸爸跟媽媽溝通用英語
約2歲後   他都開始聽懂了

我估如果小朋友一開始就生活在多種語言環境下
小朋友自自然然就學會了(當然都有發展的快慢)
因為這是上天賜予的"生存本能"

但另一方面
在初初的年歲只懂母語
會有問題嗎?
實情是問題不大
如果大家一直都要生活在香港
小朋友到上學之時
就要接觸外語 如 英文及普通話
只要一直保持小朋友好學及好奇之心
加上你的關愛
絕對不需要擔心

Dennisk

我地買咗套教材, 佢自己日夜睇, 我同太太都怕自己D香港口音教壞佢, 所以同佢溝通只會講廣東話.

Isaac_Ma

Dennisk 寫道:
我地買咗套教材, 佢自己日夜睇, 我同太太都怕自己D香港口音教壞佢, 所以同佢溝通只會講廣東話.

我自己personally就唔係好介意有無香港口音，語言係用黎溝通，我反而著重佢識唔識聽外國口音，而且何為之native先，係指Oxford English 定係大家都用緊既個套教材的 American English先。就算同一個國家，唔同地域都會有唔同口音啦！咁有香港口音我"友"唔覺得好大問題，只係反映說話者來自何地啫！所以我覺得唔好太介意自己的香港口音會敎壞佢，而且將來重要同佢跟功課，唔通佢唔識都唔敎咩！

Dennisk

Isaac_Ma 寫道:
[quote]
Dennisk 寫道:
我地買咗套教材, 佢自己日夜睇, 我同太太都怕自己D香港口音教壞佢, 所以同佢溝通只會講廣東話.

我自己personally就唔係好介意有無香港口音，語言係用黎溝通，我反而著重佢識唔識聽外國口音，而且何為之native先，係指Oxford English 定係大家都用緊既個套教材的 American English先。就算同一個國家，唔同地域都會有唔同口音啦！咁有香港口音我"友"唔覺得好大問題，只係反映說話者來自何地啫！所以我覺得唔好太介意自己的香港口音會敎壞佢，而且將來重要同佢跟功課，唔通佢唔識都唔敎咩！[/quote]

[Native]
1. 天生的
2. 出生地的,祖國的,家鄉的[B]
They are native speakers of English.
他們的母語是英文。
He has been away from his native Poland for three years.
他離開故土波蘭已有三年了。
3. 本土的,本國的,土生的[B][(+to)]
The giant panda is native to China.
大熊貓是中國特有的動物。
She was native to Taipei.
她原籍臺北。

而英/美語當然主要由英美地區發展出來, 如要講Native口音, 英美地區我想都應可視為可仿傚之發音, 而美國黑人口音如要在香港學到我想也非易事. 作為教材家長應可以找一些有良好信譽的公司作為參考, 而閣下在文中也常用"我/Personally"之字眼, 可看出個人之喜好, 因此在下也只是講出自己之一些個人立場, 沒有想把自己的好惡強加別人身上. 至於文中末後說"將來重要同佢跟功課，唔通佢唔識都唔敎咩", 我想每個家長都一定唔會見死不"教" 更可況是自己的兒女呢? 但我只是強調是英/美語發音, 因為以廣東話作為主要語言的普通香港人, 教錯發音/讀音當然是平常事. 但文法句式這一類父母當然可以按照書本教導子女 , 除非書中所載也是錯的

以上都只是個人分享, 家長無需介意.

Dennisk

stccmc 寫道:
Watching any educational programmes is a one-way communication, ie listening.  what good is this if it is not complemented with parent interaction, speaking, reading, etc, all of which need the parent to speak the langauge?  Will I get a native French-speaking baby if I lock her in a French TV room couple of hours a day?  I doubt it.  

I never put much weight on accent.  It is the least of my concern.

如果真係禁簡單就真係好囉! 不過樓主個Topic唔係主要講這方面的東西, 而我只是想簡單回答mrlabour的問題, 如果令各位家長誤會, 請勿見怪.